ଟିକାକରଣ ଅଭିଯାନ ଓ ଗୁଜବ; ମାସିକ ଋତୁସ୍ରାବ ସମୟରେ ଟିକା ନେବାକୁ ନେଇ ଏମିତି ଭ୍ରମିତ କରୁଛନ୍ତି ସ୍ୱାସ୍ଥ୍ୟକର୍ମୀ

ପ୍ରିଜମ ନ୍ୟୁଜ୍ ବ୍ୟୁରୋ: ଦେଶରେ ଚାଲିଛି ବିଶ୍ୱର ସର୍ବବୃହତ ଟିକାକରଣ ଅଭିଯାନ । ଏହି ଅଭିଯାନ ମାଧ୍ୟମରେ ଦେଶର ସବୁ ବର୍ଗର ବ୍ୟକ୍ତି ବିଶେଷଙ୍କୁ କରୋନା ଟିକାକରଣରେ ସାମିଲ କରାଯାଉଛି । ଯଥା ସମ୍ଭବ ସମ୍ପୂର୍ଣ୍ଣ ଟିକାକରଣ କରାଯାଇ ମହାମାରୀ କରୋନା ବିରୋଧରେ ଶେଷ ଯୁଦ୍ଧ ଲଢ଼ିବା ପାଇଁ ସରକାର ପ୍ରସ୍ତୁତ ହେଉଛନ୍ତି । ହେଲେ ଟିକାକରଣକୁ ନେଇ ମିଥ୍ୟା ଗୁଜବ ଓ ନାନାଦି ପ୍ରକାର ଗସିପ ଯୋଗୁଁ ଅନେକ ଟିକା ନେଉ ନାହାନ୍ତି । କେତେକ ସ୍ଥାନରେ ତ ଟିକା ନେବାକୁ ଆଗ୍ରହୀ ଥିବା ବ୍ୟକ୍ତି ବିଶେଷଙ୍କୁ ଭ୍ରମିତ କରି ଟିକାକରଣରୁ ବାଦ୍ ଦିଆଯାଉଛି । ଏଇ ଯେମିତି….

In a worrying development, health workers at some vaccination centers in Karnataka have been asking menstruating women to take the COVID-19 shot once their cycle ends. Such incidents were reported in at least three districts – Raichur, Belagavi, and Bidar.https://t.co/EIJ64D1Ta4 pic.twitter.com/VPjwSreFYJ

— NewsBytes (@NewsBytesApp) July 3, 2021

ମହାମାରୀ କରୋନା କାଳରେ ସଞ୍ଜୀବନୀ ସାଜିଥିବା କୋଭିଡ୍ ଟିକାକରଣରେ ସମସ୍ତକୁ ସାମିଲ କରିବାକୁ ଲକ୍ଷ୍ୟ ରଖିଛନ୍ତି କେନ୍ଦ୍ର ସରକାର । କର୍ଣ୍ଣାଟକରେ କିନ୍ତୁ ଏହାର କିଛି ଭିନ୍ନ ଚିତ୍ର ହିଁ ଦେଖିବାକୁ ମିଳିଛି । ଋତୁସ୍ରାବ ମହିଳାଙ୍କୁ ସେମାନଙ୍କ ମାସିକ ଋତୁସ୍ରାବ ଅବଧି ତଥା ପିରିୟଡ୍ସ ଚକ୍ର ସମୟ ଶେଷ ନ ହେବା ଯାଏ ଟିକା ନିଅନ୍ତୁ ନାହିଁ ବୋଲି କହି ଟିକାକରଣରୁ ଦୂରେଇ ରଖୁଛନ୍ତି ସ୍ୱାସ୍ଥ୍ୟକର୍ମୀ ।

In fact, Dr. VK Paul, government's top official overseeing the COVID-19 handling had earlier said, "The vaccine can be taken during menstrual periods." Experts say there could be temporary changes in menstrual cycle after vaccination but no long-term adverse effects are likely. pic.twitter.com/DmW95Wc0y7

— NewsBytes (@NewsBytesApp) July 3, 2021

କର୍ଣ୍ଣାଟକର ରାଇଚୁର, ବେଲଗାଭି ଏବଂ ବିଦର ଭଳି ଜିଲ୍ଲାରେ ଦିଖିବାକୁ ମିଳିଛୁ । ଏହି ତିନି ଜିଲ୍ଲାର କୋଭିଡ ଟିକାକରଣ ଗୁଡ଼ିକରେ ପିରିୟଡ୍ସ ସମୟରେ ଟିକା ନ ଦେବାକୁ ପରାମର୍ଶ ଦିଆଯାଉଥିବା ଖବରକୁ ନେଇ ଅନେକ ଆପତ୍ତି ଉଠାଇଛନ୍ତି ।

Separately, on Friday, the government said that pregnant women in India are now eligible to be vaccinated against the coronavirus. Earlier, lactating women were eligible for the coronavirus vaccine even as pregnant women were kept out of the program. #vaccineforall pic.twitter.com/ssR9DxFynX

— NewsBytes (@NewsBytesApp) July 3, 2021

ଜଣେ ମହିଳା ଅଧିକାର କର୍ମୀ ବିଦ୍ୟା ପାଟିଲଙ୍କ କହିବାନୁସାର ରାଇଚୁର ଜିଲ୍ଲାର ବିଭିନ୍ନ ଟିକାକରଣ କେନ୍ଦ୍ରରେ କିଛି ସ୍ୱାସ୍ଥ୍ୟକର୍ମୀ ମହିଳାଙ୍କୁ କହୁଛନ୍ତି ଯେ, ପିରିୟଡ ସମୟରେ ଟିକା ନେଲେ ଅଧିକ ରକ୍ତସ୍ରାବ ହେବାର ଆଶଙ୍କା ରହିଛି । ତେଣୁ ଥରେ ପିରିୟଡ୍ସ ଶେଷ ହେବା ଯାଏ ସେମାନେ ଅପେକ୍ଷା କରନ୍ତୁ ବୋଲି ପରାମର୍ଶ ଦେଉଛନ୍ତି । ସବୁଠାରୁ ବଡ଼ କଥା ହେଉଛି ଯେଉଁ କାରଣ ପାଇଁ ସ୍ୱାସ୍ଥ୍ୟକର୍ମୀମାନେ ଏହି ଦାବି କରୁଛନ୍ତି ଏହାକୁ ସିଦ୍ଧ ବା ପ୍ରମାଣ କରିବା ପାଇଁ ସେମାନଙ୍କ ପାଖରେ ବଳିଷ୍ଠ କାରଣ କିଛି ବି ନାହିଁ । ଏହା ସତ୍ତ୍ୱେ ବି ଟିକାକରଣକୁ ନେଇ ଏଭଳି ଭ୍ରାନ୍ତ ଧାରଣା ଓ ଗୁଜବ ବ୍ୟାପିବାରେ ଲାଗିଛି ।

ସେପଟେ କର୍ଣ୍ଣାଟକ ସରକାର କିମ୍ବା କୌଣସି ଜିଲ୍ଲା ପ୍ରଶାସନ ପକ୍ଷରୁ ଟିକାକରଣକୁ ନେଇ ଏମିତି କିଛି ନିର୍ଦ୍ଦେଶନାମା ଜାରି କରାଯାଇଥିବା କହିଛନ୍ତି ରାଇଚୁର ଡେପୁଟି କମିଶନର ଆର୍ ଭେଙ୍କେଟସ କୁମାର । ଆଗକୁ ଯାଇ ସେ କହିଛନ୍ତି ଯେ, ସମସ୍ତ ଯୋଗ୍ୟ ପୁରୁଷ ଓ ମହିଳା କରୋନା ଟିକା ନେଇ ପାରିବେ । କରୋନା ଭ୍ୟାକସିନ୍ ସମସ୍ତଙ୍କ ପାଇଁ ସୁରକ୍ଷିତ ଏବଂ ନେବା ଦରକାର । ବିଶେଷ କରି ମାସିକ ଋତୁସ୍ରାବ ଚକ୍ର ଦେଇ ଗତି କରୁଥିବା ମହିଳାମାନେ ମଧ୍ୟ ନେଇ ପାରିବେ  । 

ସେପଟେ ଗଲା ଶୁକ୍ରବାର ଦିନ କେନ୍ଦ୍ର ସରକାର ସ୍ପଷ୍ଟ କରିଛନ୍ତି ଯେ, ଗର୍ଭବତୀମାନେ ମଧ୍ୟ କରୋନା ଟିକା ନେଇ ପାରିବେ । ଦେଶର ସବୁ ବର୍ଗର ବ୍ୟକ୍ତି ବିଶେଷ ଟିକା ନେବା ପାଇଁ ଯୋଗ୍ୟ । ଟିକା ସମ୍ପୂର୍ଣ୍ଣ ସୁରକ୍ଷିତ । ଅବଶ୍ୟ ଆରମ୍ଭରୁ କାଳେ କିଛି ଅପ୍ରିତିକର ପରିସ୍ଥିତି ସୃଷ୍ଟି ହେବ ସେଥିପାଇଁ ଟିକାକରଣରୁ ଗର୍ଭବତୀ ମହିଳାଙ୍କୁ ଟିକାକରଣରୁ ବାଦ୍ ଦିଆଯାଇଥିଲା । ବର୍ତ୍ତମାନ କିନ୍ତୁ ସରକାର ଭ୍ୟାକସିନ୍ ଫର୍ ଅଲ୍ ବା ସମସ୍ତଙ୍କ ପାଇଁ ଟିକା ବୋଲି ଘୋଷଣା କରିଛନ୍ତି ।