‘ଭୂଆଁ ବୁଲାଉଛନ୍ତି ବାବା ରାମଦେବ’

ପ୍ରିଜମ୍‌ ନ୍ୟୁଜ ବ୍ୟୁରୋ: ଯୋଗଗୁରୁ ବାବା ରାମଦେବଙ୍କ ପତଞ୍ଜଳି ଆୟୁର୍ବେଦ ପ୍ରଡକ୍ଟକୁ ନେଇ କେନ୍ଦ୍ର ଉପରେ ବର୍ଷିଲେ ସୁପ୍ରିମକୋର୍ଟ । ବିଶେଷକରି ପତଞ୍ଜଳି କମ୍ପାନି, ନିଜର ଆୟୁର୍ବେଦିକ ଔଷଧର ବିଜ୍ଞାପନ ଯେଉଁଭଳି ଭାବରେ କରୁଛି, ତାକୁ ନେଇ କେନ୍ଦ୍ର ଉପରେ ବର୍ଷିଛନ୍ତି ସୁପ୍ରିମକୋର୍ଟ । କାହିଁକି କେନ୍ଦ୍ର ସରକାର ଆଖି ବୁଜି ବସିଛନ୍ତି ? ବିଜ୍ଞାପନ ଜରିଆରେ ସାରା ଦେଶକୁ ଭୂଆଁ ବୁଲା ଯାଉଥିବା ବେଳେ କାହିଁକି ବାବା ରାମଦେବଙ୍କ ପତଞ୍ଜଳି କମ୍ପାନି ଉପରେ ସରକାର କୌଣସି ପଦକ୍ଷେପ ନେଉ ନାହାନ୍ତି ବୋଲି ସର୍ବୋଚ୍ଚ କୋର୍ଟ ପ୍ରଶ୍ନ କରିଛନ୍ତି ।

#BREAKING #SupremeCourt issues contempt notice to Patanjali Ayurved and its MD Acharya Balakrishna for publishing misleading advertisements on medicinal cures.

The Court restrains Patanjali Ayurved from advertising its products relating to diseases/disorders specified in the… pic.twitter.com/ZyUnjxuEhW

— Live Law (@LiveLawIndia) February 27, 2024

କେନ୍ଦ୍ର ସରକାର ତୁରନ୍ତ ଆକ୍ସନ ନେବାକୁ କୋର୍ଟ କହିଛନ୍ତି । ଏଥି ସହିତ ସମସ୍ତ ଛାପା ଓ ବୈଦ୍ୟୁତିକ ଗଣମାଧ୍ୟମରେ ପତଞ୍ଜଳି କମ୍ପାନି, ତାର ଆୟୁର୍ବେଦୀୟ ଔଷଧ ସଂକ୍ରାନ୍ତ ବିଜ୍ଞାପନ ତୁରନ୍ତ ବନ୍ଦ କରିବାକୁ କୋର୍ଟ ନିର୍ଦ୍ଦେଶ ଦେଇଛନ୍ତି । ବିଜ୍ଞାପନରେ ପତଞ୍ଜଳି କମ୍ପାନି ତାର ଆୟୁର୍ବେଦୀୟ ଔଷଧକୁ ସର୍ବାଗ୍ରେ ରଖିଥିବା ବେଳେ ଆଲୋପାଥିକ ଓ ଏହାର ଡାକ୍ତରଙ୍କୁ ସମ୍ପୂର୍ଣ୍ଣ ନ୍ୟୁନ କରି ଦେଇଛି । ଲାଗୁଛି ରୋଗର ନିଦାନ ପାଇଁ କେବଳ ପତଞ୍ଜଳି ଆୟୁର୍ବେଦୀୟ ଔଷଧ ହିଁ ଠିକ୍, ଆଉ ସବୁ ଭୁଲ୍ । ଏହା କେମିତି ଗ୍ରହଣୀୟ ବୋଲି ପ୍ରଶ୍ନ କରିଛନ୍ତି ସୁପ୍ରିମକୋର୍ଟ ।

ପତଞ୍ଜଳି କମ୍ପାନିର ବିଭିନ୍ନ ବିଜ୍ଞାପନକୁ ନେଇ ଭାରତୀୟ ମେଡିକାଲ୍ ସଂଘ ଏକାଧିକ ଆପତ୍ତି ଉଠାଇଥିଲା । ଯାହାର ଶୁଣାଣି କରି ସୁପ୍ରିମକୋର୍ଟ ଏଭଳି କହିଛନ୍ତି ।