୧ ଟଙ୍କାରେ କର୍ମଚାରୀଙ୍କୁ ଘର ଯୋଗିଦେବେ ୟୁପି ସରକାର !

ପ୍ରିଜମ ନ୍ୟୁଜ ବ୍ୟୁରୋ: ୨୦୨୨ ମାର୍ଚ୍ଚ ପୂର୍ବରୁ ଉତ୍ତର ପ୍ରଦେଶରେ ହେବ ବିଧାନସଭା ନିର୍ବାଚନ। ଏହା ପୂର୍ବରୁ ଯୋଗୀ ସରକାର ଏକ ବଡ଼ ଯୋଜନା କରିଛନ୍ତି। ୟୁପି ସରକାର ଗ୍ରୁପ୍‌ ସି ଓ ଡି କର୍ମଚାରୀ ଏବଂ ଓକିଲଙ୍କୁ ସବ୍‌ସିଡିରେ ଘର ଯୋଗାଇବାକୁ ଯୋଜନା କରିଛନ୍ତି।ଘର କିଣିବା ପାଇଁ ହିତାଧିକାରୀଙ୍କ ଠାରୁ କେବଳ ୧ ଟଙ୍କା ନିଆଯିବ। କ୍ରେତାଙ୍କୁ ସର୍ତ୍ତ ସହ ରିହାତି ଦିଆଯିବ। ଯେଉଁମାନେ ଏହି ଘରକୁ ଆଗାମୀ ୧୦ ବର୍ଷ ପର୍ଯ୍ୟନ୍ତ ବିକ୍ରି କରି ପାରିବେ ନାହିଁ ସେମାନଙ୍କୁ ସବ୍‌ସିଡିରେ ଘର ଦିଆଯିବ।ଖବର ଅନୁଯାୟୀ, ଉଚ୍ଚ ପଦସ୍ଥ ଅଧିକାରୀଙ୍କ ବୈଠକରେ ଏ ନେଇ ଏକ ଡ୍ରାଫ୍ଟ ପ୍ରସ୍ତୁତ ହୋଇସାରିଛି। ଉଚ୍ଚ ସ୍ତରରୁ ମଞ୍ଜୁରୀ ମିଳିବା ପରେ ଏହି ପ୍ରସ୍ତାବକୁ କ୍ୟାବିନେଟ୍‌ରେ ପାରିତ କରାଯିବ। ଯୋଜନାର ଲାଭ କ୍ୟାବିନେଟ୍‌ ଦ୍ୱାରା ପ୍ରସ୍ତାବ ପାରିତ ହେବା ପରେ ହିଁ ହିତାଧିକାରୀଙ୍କୁ ମିଳିବ। ଯଦିଓ ଏ ପର୍ଯ୍ୟନ୍ତ ଗ୍ରୁପ୍‌ ସି ଓ ଡି କର୍ମଚାରୀ ଏବଂ ଓକିଲମାନଙ୍କୁ ରିହାତିରେ ଘର ଦେବାରେ କୌଣସି ବ୍ୟବସ୍ଥା ହୋଇ ନାହିଁ। ଏହି ଦୁଇଟି ଗ୍ରୁପ୍‌ର କର୍ମଚାରୀ ଏବଂ ଓକିଲଙ୍କ ପାଖରେ ଅଧିକ ଆୟ ନାହିଁ, ସେମାନେ ଘର ଖଣ୍ଡିଏ ପାଇଁ ଅଧିକ ଅସୁବିଧାର ସମ୍ମୁଖୀନ ହେଉଛନ୍ତି। ଏଥିପାଇଁ ସେମାନଙ୍କୁ ରିହାତିରେ ଘର ଉପଲବ୍ଧ କରେଇବା ଉପରେ ବିଚାର ବିମର୍ଶ କରି ସରକାର ଡ୍ରାଫ୍ଟ ପ୍ରସ୍ତୁତ କରିଛନ୍ତି ବୋଲି ଜଣାପଡିଛି।ତେବେ ଘର ଦେବାର ପ୍ରକ୍ରିୟା କ’ଣ ହେବ ଏବଂ ଏହା କିପରି କରାଯିବ, ସେ ନେଇ ପ୍ରାରମ୍ଭିକ ଆଲୋଚନାରେ ସହମତ ପ୍ରକାଶ ପାଇଛି। କେବଳ ଯୋଗ୍ୟତା ମାନଦଣ୍ଡ ପରେ ହିଁ ନିଷ୍ପତ୍ତି ନିଆଯିବ। ସେପଟେ ଯୋଗ୍ୟ ହିତାଧିକାରୀଙ୍କୁ ଘର ଦେବା ପାଇଁ ସମ୍ବନ୍ଧିତ ବିଭାଗ ନୋଡାଲ ହେବ। ଅଧିବକ୍ତା ଏବଂ କାର୍ମିକ ନ୍ୟାୟ ବିଭାଗକୁ ଗ୍ରୁପ୍‌ ସି ଓ ଡି କର୍ମଚାରୀଙ୍କ ପାଇଁ ନୋଡାଲ କରାଯାଇଛି। ସୂଚନା ଅନୁସାରେ, ଗୃହ ଓ ନଗର ଯୋଜନା ବିଭାଗ ନାଜୁଲଙ୍କ ଜମିକୁ ନୋଡାଲ ବିଭାଗକୁ ଲିଜ୍‌ରେ ଉପଲବ୍ଧ କରାଇବ। ରାଜସ୍ୱ ବିଭାଗ ଏବଂ ଅନ୍ୟାନ୍ୟ ସରକାରୀ ଜମି ଆବଶ୍ୟକତା ଆଧାରରେ ସମ୍ପୃକ୍ତ ବିଭାଗୀୟ ନିୟମ ଅନୁସାରେ ନୋଡାଲ ବିଭାଗକୁ ଉପଲବ୍ଧ କରାଯିବ।

Leave a Reply

Your email address will not be published.