ପଇସା ଖର୍ଚ୍ଚ ହେବ ବୋଲି ୩ ବର୍ଷ ହେଲା ପୋଷକ ଧୋଇନାହାଁନ୍ତି ମହିଳା

ପ୍ରିଜମ୍ ନ୍ୟୁଜ ବ୍ୟୁରୋ: ଦୁନିଆରେ ଅନେକ ଲୋକ ଅଛନ୍ତି ଯେଉଁମାନେ ବହୁତ ଭାବି ଚିନ୍ତି ଟଙ୍କା ଖର୍ଚ୍ଚ କରନ୍ତି। କେତେକ ଲୋକମାନେ ଅନାବଶ୍ୟକ ଜିନିଷ ପାଇଁ ଟଙ୍କା ଖର୍ଚ୍ଚ କରିବାକୁ ପସନ୍ଦ କରନ୍ତି ନାହିଁ।ଏହିପରି ଲୋକମାନେ ଭବିଷ୍ୟତ ଚିନ୍ତାରେ ଅଧିକରୁ ଅଧିକ ଟଙ୍କା ସଞ୍ଚୟ କରିବାକୁ ଚେଷ୍ଟା କରନ୍ତି କିନ୍ତୁ ଆପଣ କେବେ ଶୁଣିଛନ୍ତି କି ଜଣେ ବ୍ୟକ୍ତି ଟଙ୍କା ସଞ୍ଚୟ କରିବା ଚକରରେ ଲୁଗା ସଫା ପାଇଁ ଡିଟରଜେଣ୍ଟ କିଣନ୍ତି ନାହିଁ କିମ୍ବା ବାଥରୁମରେ ଟଏଲେଟ୍ ପେପର ବ୍ୟବହାର କରନ୍ତି ନାହିଁ! ଆପଣ ନିଶ୍ଚିତ ଭାବରେ ଏହି କଥା ଶୁଣି ଆଶ୍ଚର୍ଯ୍ୟ ହେଉଥିବେ ଏବଂ ଭାବୁଥିବେ ଯେ କେହି ଏହିପରି କରିପାରିବେ ନାହିଁ। କିନ୍ତୁ ଆଜି ଆମେ ଆପଣଙ୍କୁ ଏମିତି ଜଣେ ମହିଳାଙ୍କ ବିଷୟରେ କହୁଛୁ ଯିଏ ଏତେ ପରିମାଣରେ ଟଙ୍କା ସଞ୍ଚୟ କରନ୍ତି ଯେ ସେ ଅତ୍ୟାବଶ୍ୟକ ସାମଗ୍ରୀ ପାଇଁ ମଧ୍ୟ ଟଙ୍କା ଖର୍ଚ୍ଚ କରନ୍ତି ନାହିଁ।
ଆମେରିକାର ନ୍ୟୁୟର୍କରେ ରହୁଥିବା କେଟ୍ ହାସିମୋଟୋ ଜଣେ ସାଧାରଣ ମହିଳା ପରି ଦେଖାଯାଉଛନ୍ତି, କିନ୍ତୁ ତାଙ୍କ ବିଷୟରେ ବିଶେଷ କଥା ହେଉଛି ଯେ ସେ ତାଙ୍କ ନିତିଦିନିଆ ଜୀବନରେ ବ୍ୟବହୃତ ଛୋଟ ଛୋଟ ଜିନିଷ କିଣିବାରେ ସବୁବେଳେ କୁଣ୍ଠାବୋଧ କରନ୍ତି। ମହିଳା ଟଙ୍କା ଖର୍ଚ୍ଚ କରିବାକୁ ଘୃଣା କରନ୍ତି।ଅତ୍ୟାବଶ୍ୟକ ସାମଗ୍ରୀ କିଣନ୍ତି ନାହିଁ। ତାଙ୍କ କହିବାନୁସାରେ, ଏହା ହେଉଛି ଅର୍ଥ ସଞ୍ଚୟ କରିବାର ଉପାୟ। TLC ର Extreme Cheapskator ଶୋ’ରେ କଥାବାର୍ତ୍ତା କରୁଥିବାବେଳେ, କେଟ୍ ନିଜ ବିଷୟରେ ଅନେକ ଜିନିଷ ପ୍ରକାଶ କରିଥିଲେ। ସେ କହିଥିଲେ ଯେ ସେ ନ୍ୟୁୟର୍କରେ ୩ ବର୍ଷ ହେଲା ରହିଆସୁଛନ୍ତି। ଯଦିଓ ସହରରେ ରହିବା ଅତ୍ୟନ୍ତ ମହଙ୍ଗା, କିନ୍ତୁ ସେ ଅନେକ ବିଶେଷ ଉପାୟ ଆପଣେଇଛନ୍ତି ଯାହା ଦ୍ଵାରା ତାଙ୍କ ଖର୍ଚ୍ଚ ହ୍ରାସ ହେଉଛି। ଯେଉଁଠାରେ ଟଙ୍କା ଖର୍ଚ୍ଚ କରିବାର ଆବଶ୍ୟକତା ଅଛି, ସେ ସେଠାରେ ଟଙ୍କା ଖର୍ଚ୍ଚରୁ ଦୂରେଇ ରୁହନ୍ତି ଏବଂ ଅଳ୍ପ ପରିମାଣର ଜିନିଷ ବ୍ୟବହାର କରି ରୋଜଗାର କରନ୍ତି। ଏହି ଉପାୟରେ, କେଟ୍ ଏକ ମାସରେ ଚଳିବା ପାଇଁ କେବଳ ୨୦୦ ଡଲାର ଅର୍ଥାତ୍ ୧୪,୮୦୦ ଟଙ୍କା ଖର୍ଚ୍ଚ କରନ୍ତି।
ସାକ୍ଷାତକାରରେ କେଟ୍ କହିଛନ୍ତି ଯେ ସେ ଘର ପାଇଁ ଆସବାବପତ୍ର କିଣନ୍ତି ନାହିଁ। ସେ ସବୁବେଳେ ରାସ୍ତା କଡ଼ରେ ପଡ଼ିଥିବା ରଦି ଜିନିଷ ବ୍ୟବହାର କରି ଘର ପାଇଁ ଆସବାବପତ୍ର ତିଆରି କରନ୍ତି। ସେ କହିଥିଲେ- “ବେଳେବେଳେ ଲୋକମାନେ ସେମାନଙ୍କର ପୁରୁଣା ଭଙ୍ଗା ଆସବାବପତ୍ରକୁ ଘର ପାର୍ଶ୍ୱରେ ପକାନ୍ତି, ତା’ପରେ ମୁଁ ସେହି ସମସ୍ତ ଆସବାବପତ୍ରକୁ ମୋ ଘରେ ବ୍ୟବହାର କରେ। ଅଳିଆ ସଂଗ୍ରହକାରୀମାନେ ସେହି ଆସବାବପତ୍ର ଉଠାଇବା ପୂର୍ବରୁ, ମୁଁ ସେହି ଆସବାବପତ୍ରକୁ ମୋ ଘରକୁ ଆଣିଥାଏ, ଏହିପରି ମୁଁ ବହୁ ଅର୍ଥ ସଞ୍ଚୟ କରିଥିଲି। ” କେବଳ ଏତିକି ନୁହେଁ, କେଟ୍ ଅନେକ ଯୋଗ ମ୍ୟାଟ୍ ମିଶ୍ରଣ କରି ନିଜ ଶଯ୍ୟା ତିଆରି କରିଛନ୍ତି ଏବଂ ଡାଇନିଂ ଟେବୁଲ୍ ବଦଳରେ ସେ ମାଗାଜିନ୍ ବଣ୍ଡଲରେ ଖାଦ୍ୟ ରଖି ଖାଉଛନ୍ତି। ଘରର ସାମଗ୍ରୀ ରଖିବା ପାଇଁ କେଟ୍ ଘରେ ଥିବା ଓଭନକୁ ଏକ ସେଲଫ୍ କରିଛନ୍ତି। କେଟ୍ କହିଛନ୍ତି ଯେ ସେ ଗତ ୮ ବର୍ଷ ଧରି ନିଜ ପାଇଁ ଗୋଟିଏ କପଡା କିଣି ନାହାଁନ୍ତି। ୧୯୯୮ ରେ ସେ ନିଜ ପାଇଁ ଏକ ଅନ୍ତଃବସ୍ତ୍ର କିଣିଥିଲେ, ସେହି ଦିନଠାରୁ ସେ ନିଜ ପାଇଁ କୌଣସି ପୋଷାକ କିଣି ନାହାଁନ୍ତି। ମହିଳା ଜଣକ କହିଛନ୍ତି ଯେ ଯେତେବେଳେ ସେ ଗାଧୋଇଥାଆନ୍ତି ତାଙ୍କ ପୋଷାକ ପାଣିରେ ଧୋଇଯାଏ। ଏଥି ପାଇଁ ଅଲଗା ଲଣ୍ଡ୍ରି ସାବୁନ ବ୍ୟବହାର କରନ୍ତି ନାହିଁ। ଖର୍ଚ୍ଚ ବଞ୍ଚାଇବା ପାଇଁ ସେ ୩ ବର୍ଷ ଧରି ପୋଷାକ ଧୋଇ ନାହାଁନ୍ତି। ଯଦି ଏହା ଯଥେଷ୍ଟ ନୁହେଁ, ତେବେ ଏହା ମଧ୍ୟ ଜାଣନ୍ତୁ ଯେ କେଟ୍ ଟଙ୍କା ସଞ୍ଚୟ କରିବା ପାଇଁ ଟଏଲେଟ୍ ପେପର ମଧ୍ୟ କିଣନ୍ତି ନାହିଁ। ସେ କେବଳ ନିଜକୁ ସଫା କରିବା ପାଇଁ ପାଣି ଏବଂ ସାବୁନ ବ୍ୟବହାର କରନ୍ତି। ଆପଣ ଜାଣି ଆଶ୍ଚର୍ଯ୍ୟ ହେବେ ଯେ ଏହି ଉପାୟରେ ସଞ୍ଚୟ କରି କେଟ୍ ମାତ୍ର ୬ ମାସ ମଧ୍ୟରେ ୫ ହଜାର ପାଉଣ୍ଡ ଅର୍ଥାତ୍ ୬ ଲକ୍ଷରୁ ଅଧିକ ଟଙ୍କା ସଞ୍ଚୟ କରିଛନ୍ତି।

Leave a Reply

Your email address will not be published.