Connect with us

ଭାଇରାଲ ଖବର

ଡେଟିଂ ଆପରୁ କୋଟିପତି ହେବାର ସ୍ୱପ୍ନ ଦେଖିଥିଲେ ମହିଳା, ପାଇଲେ ପାନେ

Published

on

ପ୍ରିଜମ୍ ନ୍ୟୁଜ ବ୍ୟୁରୋ: କୁହାଯାଏ ଯେ ପ୍ରେମ ମଣିଷକୁ ଅନ୍ଧ କରିଦିଏ । ପ୍ରେମ ପାଇଁ ମଣିଷ ସର୍ବସ୍ବ ଉଜାଡି ଦେବାକୁ ପଛାଏ ନାହିଁ। ପ୍ରେମରେ ଅନ୍ଧ ହୋଇ ବ୍ରିଟେନର ଜଣେ ମହିଳାଙ୍କୁ ବହୁମୂଲ୍ୟ ଦେବାକୁ ପଡ଼ିଛି। ଡେଟିଂ ଆପରେ ଠକ୍ ପ୍ରେମିକ ଜାଲରେ ପଡ଼ି ମହିଳା ଜଣକ ତାଙ୍କ ଜୀବନସାରା ରୋଜଗାର ଓ ଜମାପୁଞ୍ଜି ହରେଇ ବସିଛନ୍ତି। ଟଙ୍କା ପାଇବା ପରେ ଠକ୍ ପ୍ରେମିକ ପୁନର୍ବାର ନା ତାଙ୍କୁ ଭେଟିବାକୁ ଆସିଲା ନା ତାଙ୍କ ସହ ମୋବାଇଲ୍ ଚାଟ୍ ବା ଫୋନରେ କଥା ହୋଇଥିଲା।
ଡେଲି ମେଲର ରିପୋର୍ଟ ଅନୁଯାୟୀ, ସୋଫିଆ ସୋରି ନାମକ ଜଣେ ମହିଳାଙ୍କ ସହ ୪୨,୬୦୦ ପାଉଣ୍ଡ ଅର୍ଥାତ ଭାରତୀୟ ମୁଦ୍ରାରେ ପ୍ରାୟ ୩୧ଲକ୍ଷ ୭୮ ହଜାର ୬୪୧ ଟଙ୍କା ଠକାମି ହୋଇଛି। ସେ ପ୍ରକୃତରେ ଏକ ହାଇ ପ୍ରୋଫାଇଲ୍ ଠକେଇର ଶିକାର ହୋଇଛନ୍ତି। ଖବର ଅନୁଯାୟୀ ସୋଫିଆ ଡେଟିଂ ଆପ୍ ମାଧ୍ୟମରେ ସାକ୍ଷାତ କରିଥିବା ଜଣେ ବ୍ୟକ୍ତିଙ୍କ ସହିତ ଭବିଷ୍ୟତର ସ୍ୱପ୍ନ ଦେଖୁଥିଲେ। ତାର କହିବା ଅନୁସାରେ ସୋଫିଆ ମଧ୍ୟ ତାଙ୍କ କଷ୍ଟ ଉପାର୍ଜିତ ଟଙ୍କା ବିନିଯୋଗ କରିଥିଲେ, କିନ୍ତୁ ଜାଣିବାକୁ ମିଳିଥିଲା ​​ଯେ ଏହି ଇନଭେଷ୍ଟ ନୁହେଁ ଗୋଟିଏ ଜାଲିଆତି ଘଟଣା ଥିଲା।
୩୬ ବର୍ଷିୟ ସୋଫିଆ ଡେଟିଂ ଆପ ମାଧ୍ୟମରେ ଜର୍ଜ ୱିଲିୟମ୍ସ ନାମକ ଜଣେ ୩୮ ବର୍ଷିୟ ଇନଭେଷ୍ଟରଙ୍କୁ ଭେଟିଥିଲେ। ଉଭୟଙ୍କ ମଧ୍ୟରେ ଅନେକ ଜିନିଷ ଘଟିବାକୁ ଲାଗିଲା। ସୋଫିଆ ଜର୍ଜଙ୍କ ଆକର୍ଷଣୀୟ ଶୈଳୀକୁ ଏତେ ପସନ୍ଦ କଲେ ଯେ ସେ ଧୀରେ ଧୀରେ ତାଙ୍କ ଉପରେ ସମ୍ପୂର୍ଣ୍ଣ ବିଶ୍ୱାସ କରିବା ଆରମ୍ଭ କରିଦେଲେ। ନିଜକୁ ଜଣେ ବ୍ୟବସାୟୀ ଭାବରେ ପରିଚୟ ଦେଇ ଜର୍ଜ ଦିନେ ସୋଫିଆଙ୍କୁ ତାଙ୍କ ଫାଇନାସର୍ ମାମୁଁଙ୍କ ପରାମର୍ଶରେ ଇନଭେଷ୍ଟ କରିବାକୁ କହିଥିଲେ। ଏହା ତାଙ୍କ ସଞ୍ଚୟକୁ ଦ୍ୱିଗୁଣିତ କରିବ ବୋଲି ଭରସା ଦେଇଥିଲେ ମଧ୍ୟ।ପ୍ରଥମେ ସୋଫିଆ ଏହାକୁ ବିଶ୍ୱାସ କରିନଥିଲେ, କିନ୍ତୁ ପରେ ପ୍ରେମିକଙ୍କ ଅନୁରୋଧ ଅନୁଯାୟୀ ସେ ତାଙ୍କ ଟଙ୍କା ବିନିଯୋଗ କରିଥିଲେ। ହେଲେ ମାତ୍ର ୨୪ ଘଣ୍ଟା ପରେ ଜଣାପଡିଲା ଯେ ନା ତାଙ୍କ ଟଙ୍କା ଅଛି ନା ତାଙ୍କ ପ୍ରେମିକ ଅଛି।
ସୋଫିଆଙ୍କ ଠକ ପ୍ରେମିକ ଜର୍ଜ ୱିଲିୟମ୍ସ ତାଙ୍କୁ ଆନ୍ତର୍ଜାତୀୟ କ୍ରିପ୍ଟୋକରେନ୍ସି ପ୍ଲାଟଫର୍ମ ବିନାନ୍ସରେ ବିନିଯୋଗ କରିବାକୁ କହିଥିଲେ। ଯେତେବେଳେ ସୋଫିଆ ତାଙ୍କ ନିର୍ଦ୍ଦେଶରେ ସେଠାରେ ଟଙ୍କା ରଖିଥିଲେ, ୨୪ ଘଣ୍ଟା ପରେ, ଜର୍ଜ ୱିଲିୟମ୍ସ ନାମକ ଜଣେ ବ୍ୟକ୍ତି କେହି ନଥିଲେ ଏବଂ ସୋଫିଆଙ୍କ ଟଙ୍କା ଠକ୍ ହାତରେ ପଡିଯାଇଥିଲା ବୋଲି ସ୍ପଷ୍ଟ ହୋଇଥିଲା। ଏହାପୂର୍ବରୁ ଜର୍ଜ ନାମକ ଠକ ସୋଫିଆଙ୍କୁ ତାଙ୍କ ଗର୍ଭବତୀ ଗର୍ଲଫ୍ରେଣ୍ଡର ମୃତ୍ୟୁର ମିଥ୍ୟା କାହାଣୀ କହିଥିଲେ ଏବଂ ତାଙ୍କ ପିଲାଦିନର କିଛି ଫଟୋ ମଧ୍ୟ ପଠାଇଥିଲେ। ତେବେ ଯେତେବେଳେ ସୋଫିଆ ତାଙ୍କୁ ଭେଟିବାକୁ କହିଥିଲେ, ସେ ପ୍ରତ୍ୟେକ ଥର ତାହାକୁ ଏଡ଼ାଇବାକୁ ଚେଷ୍ଟା କରିଥିଲେ। Binance କମ୍ପାନୀ ମଧ୍ୟ ଏହି ପ୍ରସଙ୍ଗରେ କହିଛି ଯେ ଆଇନଗତ ଅଭିଯୋଗ ପରେ ସେମାନେ ଏହାର ଅନୁସନ୍ଧାନ କରିବେ। ଏହି ଘଟଣା ପରେ ସୋଫିଆ କହିଛନ୍ତି ଯେ ସେ ଆଉ ଜୀବନରେ କେବେ ଡେଟିଂ ଆପକୁ ଯିବାକୁ ସାହସ କରିବେ ନାହିଁ।

Advertisement
Click to comment

Leave a Reply

Your email address will not be published. Required fields are marked *

Advertisement
Advertisement
Advertisement

Trending