Connect with us

ଦେଶ ଓ ବିଦେଶ

କମ୍ ବୟସରେ କେଶ ଧଳା ହେଉଥିଲେ କଣ କରିବେ ଜାଣନ୍ତୁ

Published

on

ପ୍ରିଜମ୍ ନ୍ୟୁଜ ବ୍ୟୁରୋ: ଆଗରୁ କେଶ ଧଳା ହେବା ବୟସ ସହିତ ଜଡିତ ରହିଥିଲା, ମଣିଷ ବୃଦ୍ଧ ହେଲେ ଚୁଟି ପାଚୁଥିଲା ବୋଲି କୁହାଯାଉଥିଲା । କିନ୍ତୁ ଆଜିକାଲି ଏହା ଏକ ସାଧାରଣ ସମସ୍ୟା ହୋଇଗଲାଣି । ବର୍ତ୍ତମାନ ଲୋକମାନଙ୍କର କେଶ ଅଳ୍ପ ବୟସରେ ଧଳା ହେବାକୁ ଲାଗୁଛି । ପିଲାମାନଙ୍କର କେଶ ମଧ୍ୟ ଅଳ୍ପ ବୟସରେ ଧଳା ହୋଇଯାଉଛି।
ବିଶେଷଜ୍ଞଙ୍କ ଅନୁଯାୟୀ, ଏହି ସବୁ ମେଲାନିନ କାରଣରୁ ହୋଇଥାଏ। ଆମ କେଶ ମୂଳର କୋଷଗୁଡ଼ିକରେ ମେଲାନିନ ପିଗମେଣ୍ଟ ମିଳିଥାଏ ଏବଂ ଏହା ଆମ କେଶକୁ କଳା କରିବା ପାଇଁ କାମ କରିଥାଏ । ଯେତେବେଳେ ମେଲାନିନର ଗଠନ କମିଯାଏ, କେଶ ଧଳା ହେବାକୁ ଲାଗେ । କିନ୍ତୁ ମେଲାନିନ କମ୍ କେଉଁ କାରଣରୁ ହୋଇଥାଏ, ତାହା ଜାଣିବା ନିହାତି ଜରୁରୀ । ତେବେ ଏହି ସମସ୍ୟାକୁ ନିୟନ୍ତ୍ରଣ କରିବା ପାଇଁ କଣ ପଦକ୍ଷେପ ନେବା ଉଚିତ୍ ସେ ବିଷୟରେ ଜାଣିବା ଜରୁରୀ…

ଭିଟାମିନ୍ B12 ଅଭାବ:-
ବିଶେଷଜ୍ଞଙ୍କ ଅନୁଯାୟୀ, ବୟସ ବଢିବା ସହିତ ମେଲାନିନ କମ୍ ହେବା କିମ୍ବା ନହେବା ସ୍ୱାଭାବିକ କଥା । କିନ୍ତୁ ଯଦି ଏହା ଅଳ୍ପ ବୟସରେ ଘଟୁଛି, ତେବେ ଏହାର ମୁଖ୍ୟ କାରଣ ହେଉଛି ଆପଣଙ୍କର ଜୀବନଶୈଳୀରେ ବ୍ୟାଘାତ ଓ ଖାଦ୍ୟ । ଆଜିକାଲି ଭିଟାମିନ୍ B12ର ଅଭାବ ସାଧାରଣତଃ ଲୋକଙ୍କମାନଙ୍କ ପାଖରେ ବହୁ ପରିମାଣରେ ଦେଖାଯାଉଛି । ଶାକାହାରୀ ଖାଦ୍ୟରେ ଭିଟାମିନ୍ B12 ମିଳିପାରିବ ନାହିଁ, ତେଣୁ ଏହାର ସପ୍ଲିମେଣ୍ଟ ଆବଶ୍ୟକ । ଏହାର ଅଭାବ ହେତୁ କେଶ ଅଳ୍ପ ବୟସରେ ଧଳା ହେବାକୁ ଲାଗେ।

ଥାଇରଏଡ୍ ସମସ୍ୟା:-
କମ୍ ବୟସରେ କେଶ ଧଳା ହେବାର ଅନ୍ୟ ଏକ କାରଣ ହେଉଛି ଥାଇରଏଡର ସମସ୍ୟା । ଥାଇରଏଡ ସମସ୍ୟା ଅଧିକାଂଶ ଲୋକଙ୍କ ପାଖରେ ଦେଖା ଯାଉଛି। ଥାଇରଏଡ୍ ଗ୍ରନ୍ଥି T3, T4 ଥାଇରକ୍ସାଇନ୍ ହରମୋନ୍ ଉତ୍ପାଦନ କରେ । କିନ୍ତୁ ଥାଇରଏଡ୍ର ସମସ୍ୟା ହେଲେ ଏହି ହରମୋନରେ ଏକ ଅସନ୍ତୁଳନ ଦେଖାଯାଏ । ଏହା ମନ ଏବଂ କେଶ ଉପରେ ସିଧାସଳଖ ପ୍ରଭାବ ପକାଇଥାଏ । ଏହାଦ୍ୱାରା ସମୟ ପୂର୍ବରୁ କେଶ ଧଳା କିମ୍ବା ଝୋଟ ଭଳି ହୋଇଯାଏ।

ଚାପ ଏବଂ ବାହ୍ୟ ଖାଦ୍ୟ:-
ଚାପରେ ମଧ୍ୟ କେଶ ଧଳା ହୋଇଯାଏ। ଏହି କାରଣରୁ, ଷ୍ଟେମ୍ କୋଷଗୁଡିକ ପ୍ରଭାବିତ ହୁଏ ଏବଂ ଏହା ମେଲାନିନର ଉତ୍ପାଦନରେ ହ୍ରାସ ଘଟାଏ । ଏଥି ସହିତ ବାହ୍ୟ ଖାଇବା, ଅଧିକ ଜଙ୍କଫୁଡ୍ ଏବଂ ଫାଷ୍ଟଫୁଡ୍ ଖାଇବା ଅଭ୍ୟାସ ହେତୁ ଶରୀର ପୁଷ୍ଟିକର ହୁଏ ନାହିଁ ଏବଂ ସମୟ ପୂର୍ବରୁ କେଶ ଧଳା ହୋଇଯାଏ।

ବଂଶଗତ:-
ବେଳେବେଳେ ପାରିବାରିକ କାରଣରୁ ମଧ୍ୟ ଏହି ସମସ୍ୟା ଦେଖାଯାଏ । ଯଦି ପରିବାରରେ ପୂର୍ବରୁ କାହାକୁ ଏହି ସମସ୍ୟା ରହିଛି, ତେବେ ଆପଣ ମଧ୍ୟ ଏହି ସମସ୍ୟା ଦ୍ୱାରା ପ୍ରଭାବିତ ହୋଇପାରିବେ।

ତେବେ ଏହି ସମସ୍ୟାରୁ ମୁକ୍ତି ପାଇଁ କ’ଣ କରିବା ଦରକାର ଆସନ୍ତୁ ଜାଣିବା:-
୧. ଭଲ ଡାଏଟ୍ ନିଅନ୍ତୁ । ଖାଦ୍ୟରେ ସବୁଜ ପନିପରିବା, ଅଙ୍କୁରିତ ଶସ୍ୟ, ଫଳ, ଜୁସ୍, ସୁପ୍, ସାଲାଡ୍, ବଟରମିଲ୍କ, ଦହି, କ୍ଷୀର ଇତ୍ୟାଦି ଅନ୍ତର୍ଭୁକ୍ତ କରନ୍ତୁ ।
୨.ଭିଟାମିନ୍ B12 ଖାଆନ୍ତୁ କିମ୍ବା ଏହାକୁ ସପ୍ଲିମେଣ୍ଟ ଭାବେ ନିଅନ୍ତୁ ଏବଂ ଶରୀରରେ ଏହାର ଅଭାବ ପୂରଣ କରନ୍ତୁ ।
୩.ଯୋଗ କରନ୍ତୁ, ନିୟମିତ ବ୍ୟାୟାମ କରନ୍ତୁ । ନିୟମିତ କିଛି ସମୟ ପାଇଁ ଧ୍ୟାନ କରନ୍ତୁ । ଏହା ଆପଣଙ୍କ ଚାପକୁ ହ୍ରାସ କରିବାରେ ସାହାଯ୍ୟ କରିବ ।
୪. ସପ୍ତାହରେ ଦୁଇଥର କେଶକୁ ତେଲ ଲଗାଇ ମସାଜ କରନ୍ତୁ, ଯାହା ଦ୍ଵାରା ସେଗୁଡିକ ପୋଷଣ ହୋଇପାରିବ। ମସାଜ ପାଇଁ ସୋରିଷ, ନଡ଼ିଆ, ଅଲିଭ୍ ତେଲ ବ୍ୟବହାର କରିପାରିବେ ।
୫. ଏହାସହ ନିଦ୍ରା ପୂର୍ଣ୍ଣ ଆଠ ଘଣ୍ଟା ଶୋଇବା ଜରୁରୀ । ବାହାର ଖାଦ୍ୟରୁ ଦୂରେଇ ରୁହନ୍ତୁ । କେବଳ ମନ ଖୁସି ପାଇଁ ମାସରେ ଥରେ କିମ୍ବା ଦୁଇଥରରୁ ଅଧିକ ଖାଆନ୍ତୁ ନାହିଁ ।

Advertisement
Click to comment

Leave a Reply

Your email address will not be published. Required fields are marked *

Advertisement
Advertisement
Advertisement

Trending