ଅବିଶ୍ୱସନୀୟ, ସମ୍ପର୍କୀୟଙ୍କ ଶବକୁ ପୋଡ଼ି ଖାଆନ୍ତି ଏହି ଦେଶର ଲୋକ

ପ୍ରିଜମ୍ ନ୍ୟୁଜ ବ୍ୟୁରୋ: ଦୁନିଆରେ ବିଭିନ୍ନ ପ୍ରାନ୍ତରେ ଏପରି ଅନେକ ମଣିଷ ପ୍ରଜାତି ଅଛନ୍ତି, ଯାହା ବିଷୟରେ ସାଧାରଣ ସଭ୍ୟ ସମାଜର ଲୋକମାନେ ଅଜ୍ଞ ରହିଥାନ୍ତି। କେବଳ ସେତିକି ନୁହେଁ ସେମାନଙ୍କର ରୀତିନୀତି, ପରମ୍ପରା ଏବଂ ସଂସ୍କୃତି ବିଷୟରେ ମଧ୍ୟ କାହାକୁ ଜଣା ନଥାଏ। ଏହାସହ ସେମାନେ ରହୁଥିବା ସ୍ଥାନକୁ ଯିବା ପାଇଁ ଅନ୍ୟ ଅଞ୍ଚଳର ଲୋକଙ୍କୁ ଭୟ ଲାଗିଥାଏ। ବେଳେବେଳେ ସେମାନଙ୍କ ବିଶ୍ବାସ ବିଷୟରେ ଜାଣିଲେ ସେମାନେ କାହିଁକି ଏପରି କରନ୍ତି ତାହା ବୁଝିବା ସାଧାରଣ ଲୋକଙ୍କ ପକ୍ଷେ କଷ୍ଟକର ହୋଇପଡେ। ସେହିଭଳି ଏକ ନିଆରା ଜନଜାତି ଦକ୍ଷିଣ ଆମେରିକାରେ ଦେଖିବାକୁ ମିଳନ୍ତି।ଖବର ଅନୁଯାୟୀ ଦକ୍ଷିଣ ଆମେରିକାର ବ୍ରାଜିଲ ଏବଂ ଭେନେଜୁଏଲାରେ ରହୁଥିବା ୟାନୋମାମି ଜନଜାତି, ଯେଉଁମାନେ କି ୟାନାମ ବା ସିନେମା ଭାବରେ ମଧ୍ୟ ଜଣାଶୁଣା। ଏହି ଜନଜାତିମାନେ ଆଧୁନିକୀକରଣ ଏବଂ ପାଶ୍ଚାତ୍ୟକରଣ ଦ୍ୱାରା ପ୍ରଭାବିତ ହୁଅନ୍ତି ନାହିଁ, ସେମାନେ ସେମାନଙ୍କର ନିଜସ୍ଵ ସଂସ୍କୃତି ଏବଂ ପରମ୍ପରାକୁ ଏବେ ମଧ୍ୟ ଦୃଢ଼ ଭାବେ ଅନୁସରଣ କରନ୍ତି। ଏହାସହ ଏହି ପ୍ରଜାତିର ଜନଜାତିମାନେ ନିଜ ନିଜ ପଦ୍ଧତିରେ ବଞ୍ଚିବାକୁ ପସନ୍ଦ କରନ୍ତି। ଏହି ଗୋଷ୍ଠୀରେ କୌଣସି ମଣିଷ ମରିବା ପରେ କରାଯାଉଥିବା ଅନ୍ତିମ ସଂସ୍କାରର ରୀତିନୀତି ପଦ୍ଧତି ଅତ୍ୟନ୍ତ ନିଆରା।

 ଏଣ୍ଡୋକାନିବାଲିଜିମ୍ ନାମକ ଏହି ପରମ୍ପରା ଅନୁଯାୟୀ, ଏହି ଜନଜାତିର ଲୋକମାନେ ନିଜ ସମ୍ପର୍କୀୟଙ୍କ ମୃତ୍ୟୁ ହେଲେ ତାଙ୍କର ମାଂସ ଖାଇଥାନ୍ତି। ଏହି ପ୍ରଜାତିର ଜନଜାତି ଆମାଜନ୍ ରେନଫରେଷ୍ଟରେ ରୁହନ୍ତି। ୟାନୋମାମି ଜନଜାତି ବିଶ୍ୱାସ କରନ୍ତି ଯେ, ମୃତ୍ୟୁ ପରେ ଶରୀରର ଆତ୍ମାକୁ ସଂରକ୍ଷଣ କରିବା ଆବଶ୍ୟକ। ସେମାନଙ୍କ ବିଶ୍ୱାସ ଅନୁଯାୟୀ ଯେତେବେଳେ ଶବ ସଂପୂର୍ଣ୍ଣ ଜଳିଯାଏ ତାକୁ ତାର ଜୀବନ୍ତ ସମ୍ପର୍କୀୟମାନେ ଖାଇଥା’ନ୍ତି, ଏହାଦ୍ବାରା ମୃତ ବ୍ୟକ୍ତିଙ୍କ ଆତ୍ମା ​​ଶାନ୍ତି ପାଇବ ବୋଲି ସେମାନେ ବିଶ୍ୱାସ କରନ୍ତି। ମୃତମାନଙ୍କର ପାରମ୍ପାରିକ ସମାଧି ପ୍ରକ୍ରିୟା ପରି, ଏହି ଆଦିବାସୀମାନେ ମୃତ ଶରୀରକୁ ଜାଳି ଦିଅନ୍ତି ଏବଂ ଜଳିଯାଇଥିବା ଶରୀର ପାଖରେ ଖୁସିରେ ଖୁସିରେ ମୁହଁ ରଙ୍ଗ କରନ୍ତି। କେବଳ ଏତିକି ନୁହେଁ, ସେମାନେ ଗୀତ ଗାଇ ସମ୍ପର୍କୀୟଙ୍କ ମୃତ୍ୟୁ ପାଇଁ କାନ୍ଦନ୍ତି ଏବଂ ସେମାନଙ୍କର ଦୁଃଖ ପ୍ରକାଶ କରନ୍ତି।