Connect with us

ଦେଶ ଓ ବିଦେଶ

ଏ ଯୁଗର ‘ରାମ’ ଅଭିନେତା ଗୁରୁମିତ, ଖୋଲିଲେ କୋଭିଡ୍ ହସ୍ପିଟାଲ

Published

on

ପ୍ରିଜମ ନ୍ୟୁଜ୍ ବ୍ୟୁରୋ: ସାଧାରଣ ଲୋକଙ୍କ ଠାରୁ ଆରମ୍ଭ କରି ସେଲିବ୍ରିଟଙ୍କ ପର୍ଯ୍ୟନ୍ତ ସମସ୍ତେ କରୋନା ସଂକ୍ରମିତଙ୍କୁ ସାହାଯ୍ୟ କରିବାକୁ ଆଗେଇ ଆସୁଛନ୍ତି । ସେଲିବ୍ରିଟମାନେ ଅମ୍ଳଜାନ, ଶଯ୍ୟା ଏବଂ ଡାକ୍ତରଖାନାର ଅଭାବକୁ ନିଜ ଉପାୟରେ ପୂରଣ କରିବାକୁ ଚେଷ୍ଟା କରୁଛନ୍ତି | ଏହି ଅଭିଯାନରେ ଟିଭିର ‘ରାମ’ ଅର୍ଥାତ୍ ଅଭିନେତା ଗୁରୁମିତ ଚୌଧୁରୀ ମଧ୍ୟ ଲୋକଙ୍କୁ ସାହାଯ୍ୟ କରିବାକୁ ଆଗେଇ ଆସିଛନ୍ତି ।

ଏଠାରେ କହିରଖୁଛୁ, ଗୁରୁମିତ ଚୌଧୁରୀ ‘ଆସ୍ତା’ ନାମକ ଏକ ଡାକ୍ତରଖାନା ଖୋଲିଛନ୍ତି । ଯେଉଁଠାରେ ୧୦୦୦ କୋଭିଡ୍ ସଂକ୍ରମିତଙ୍କ ପାଇଁ ଶଯ୍ୟା ବ୍ୟବସ୍ଥା କରାଯାଇଛି। ନିକଟରେ ଗୁରୁମିତ ଘୋଷଣା କରିଥିଲେ ଯେ, ସେ ଖୁବ ଶୀଘ୍ର କୋଭିଡ୍ ରୋଗୀଙ୍କ ପାଇଁ ଏକ ଡାକ୍ତରଖାନା ଖୋଲିବେ।

https://www.instagram.com/guruchoudhary/?utm_source=ig_embed

    ଗୁରୁମିତ ଚୌଧୁରୀ ଓପନ୍ସ ହସ୍ପିଟାଲର ଫଟୋ ନିଜର ସୋସିଆଲ ମିଡିଆ ଆକାଉଣ୍ଟରେ ସେୟାର କରିଛନ୍ତି । ଯାହାକୁ ଦେଖି କୁହାଯାଇପାରେ ଯେ, ଗୁରୁମିତ ତାଙ୍କ ପ୍ରତିଶ୍ରୁତି ପାଳନ କରିଛନ୍ତି ଏବଂ ଡାକ୍ତରଖାନା ଆରମ୍ଭ ହୋଇଛି । ଏଥି ସହିତ ଗୁରୁମିତଙ୍କ ପ୍ରଶଂସକମାନେ ଏହା ଜାଣି ବହୁତ ଖୁସି ହେବା ସହ ତାଙ୍କର ଭୂୟସୀ ପ୍ରଶଂସା କରୁଛନ୍ତି | ଏହି ଫଟୋଗୁଡ଼ିକୁ ସେୟାର କରି ଗୁରୁମିତ ଏକ ଶକ୍ତିଶାଳୀ କ୍ୟାପସନ୍ ଦେଇ ଲେଖିଛନ୍ତି, ଆଭେଞ୍ଜର୍ସଙ୍କ ପରି ଆମେ ମଧ୍ୟ ‘କୋରୋଭେଞ୍ଜର୍ସ’ । ଯାହା ଥାନୋସ୍ ଏବଂ ତାଙ୍କ ସୈନ୍ୟଙ୍କ ପରି କରୋନାକୁ ମାଟି କରି ଉଡ଼ାଇ ଦେବ । ନାଗପୁରରେ ଡକ୍ଟର ସୟିଦ ୱାଜାହାତାଲି ଏବଂ ତାଙ୍କ ଟିମ୍ ସହ ଏହି କୋଭିଡ୍ କେୟାର ହସ୍ପିଟାଲ ଆରମ୍ଭ ହୋଇଛି। ମୁଁ ସମସ୍ତ ଡାକ୍ତର ଏବଂ ଫ୍ରଣ୍ଟଲାଇନ କର୍ମଚାରୀଙ୍କୁ ଧନ୍ୟବାଦ ଜଣାଉଛି ଯାହାର ସାହାଯ୍ୟରେ ଏହି କାର୍ଯ୍ୟ ସମ୍ଭବ ହୋଇପାରିଛି ”।

ନିକଟରେ ଗୁରୁମିତ କରୋନା ସଂକ୍ରମିତ ରୋଗୀଙ୍କ ପାଇଁ ଡାକ୍ତରଖାନା ଖୋଲିବା ନେଇ ଏକ ପୋଷ୍ଟ ସେୟାର କରିଛନ୍ତି । ସେ ଲେଖିଛନ୍ତି ଯେ, ମୁଁ ପାଟନା ଏବଂ ଲକ୍ଷ୍ନୌର ସାଧାରଣ ଲୋକଙ୍କ ପାଇଁ ୧୦୦୦ ଶଯ୍ୟା ବିଶିଷ୍ଟ ଅଲ୍ଟ୍ରା ଆଧୁନିକ ଡାକ୍ତରଖାନା ଖୋଲିବାକୁ ନିଷ୍ପତ୍ତି ନେଇଛି । ଏହା ପରେ ମୁଁ ଅନ୍ୟ ସହରରେ ମଧ୍ୟ ହସ୍ପିଟାଲ ଖୋଲିବାକୁ ଯୋଜନା କରିଛି । ଏଥିପାଇଁ ଆପଣମାନଙ୍କ ଆଶୀର୍ବାଦ ଏବଂ ସହଯୋଗ ଦରକାର, ଜୟ ହିନ୍ଦ୍ । ଏହା ସହ ଜଡିତ ସମସ୍ତ ସୂଚନା ମୁଁ ଶୀଘ୍ର ଆପଣମାନଙ୍କ ସହ ସେୟାର କରିବି ।

Advertisement
Advertisement

Trending