କାହିଁକି ଡାକ୍ତରଖାନାରେ କରୋନା ସଂକ୍ରମିତ ଶୁଣୁଛନ୍ତି ରାମାୟଣ ?

ପ୍ରିଜମ ନ୍ୟୁଜ୍ ବ୍ୟୁରୋ:

କରୋନା ଭାଇରସର ଦ୍ୱିତୀୟ ଲହର ଦେଶରେ ଭୟଙ୍କର ରୂପ ନେଉଛି । ଦେଶର ପ୍ରତ୍ୟେକ ରାଜ୍ୟ ଏହା ଦ୍ୱାରା ଗଭୀର ପ୍ରଭାବିତ ହୋଇଛି। ସାମାଜିକ ଜୀବନ ସହ ଅର୍ଥନୈତିକ ଅବସ୍ଥା ରସତାଳକୁ ଗଲାଣି। ଅନ୍ୟ ରାଜ୍ୟ ପରି ରାଜସ୍ଥାନରେ ମଧ୍ୟ କରୋନା ମାମଲା କ୍ରମାଗତ ଭାବେ ବୃଦ୍ଧି ପାଉଛି। ଏଥିସହ ରାଜ୍ୟରେ କରୋନାରେ ଆକ୍ରାନ୍ତ ହୋଇ ମୃତଙ୍କ ସଂଖ୍ୟା ମଧ୍ୟ ବୃଦ୍ଧି ପାଇବାରେ ଲାଗିଛି। କିନ୍ତୁ ଇତି ମଧ୍ୟରେ ରାଜସ୍ଥାନର ଏକ ଡାକ୍ତରଖାନାରୁ ଏଭଳି ଚିତ୍ର ଆସିଛି ଯାହା ଦେଖିଲେ ଲୋକଙ୍କ ହୃଦୟ ଏବଂ ମନକୁ ଶାନ୍ତି ଆସିବ।    

    ରାଜସ୍ଥାନର ରାଜଧାନୀ ଜୟପୁରର ଡାକ୍ତରଖାନାଗୁଡ଼ିକରେ ନା ଶଯ୍ୟା ବାକି ଅଛି ନା ଅମ୍ଳଜାନ ଯଥେଷ୍ଟ ହେଉଛି। କିନ୍ତୁ ଜୟପୁରର ମାଲଭିଆ ନାଗରର ରଙ୍ଗଟା ହସ୍ପିଟାଲରେ କୋଭିଡ ସଂକ୍ରମିତ ରୋଗୀଙ୍କ ପାଇଁ ଏକ ନୂତନ ପଦକ୍ଷେପ ନିଆଯାଇଛି । ରୋଗୀମାନଙ୍କୁ ମାନସିକ ଶାନ୍ତି ଯୋଗାଇବା ପାଇଁ ଡାକ୍ତରଖାନା ପରିଚାଳକଙ୍କ ଦ୍ୱାରା ରାମାୟଣ ପାଠ କରାଯାଉଛି। ଏଠାରେ ଜଣେ ପଣ୍ଡିତ ପ୍ରତିଦିନ ପିପିଇ କିଟ୍ ପିନ୍ଧି ରୋଗୀମାନଙ୍କୁ ରାମାୟଣ ପାଠ କରି ଶୁଣେଇବା ପାଇଁ ଆସନ୍ତି । ଡାକ୍ତରଖାନା ପରିଚାଳକଙ୍କ କହିବା ଅନୁଯାୟୀ, ଏହି ସମୟରେ ସବୁ ଆଡ଼େ ନକାରାତ୍ମକ ପରିବେଶ। ଏଭଳି ପରିସ୍ଥିତିରେ ଉଭୟ ମାନସିକ ଏବଂ ଶାରୀରିକ ଦିଗରୁ ଶକ୍ତିଶାଳୀ ହେବା ଜରୁରୀ ଅଟେ। କରୋନା ସଂକ୍ରମିତ ରୋଗୀ ମାନସିକ ସ୍ତରରେ ଭାଙ୍ଗିପଡନ୍ତି। ସେମାନଙ୍କ ନକାରାତ୍ମକତାକୁ ଦୂର କରିବା ପାଇଁ ଡାକ୍ତରଖାନା ପରିଚାଳକଙ୍କ ଦ୍ଵାରା କେବଳ ରାମାୟଣ ଶିକ୍ଷା ନୁହେଁ, ଯୋଗ ଅଧିବେଶନ ମଧ୍ୟ କରାଯାଉଛି। ଯୋଗ ଏବଂ ରାମାୟଣ ସହିତ ଡାକ୍ତରଖାନାରେ ଭର୍ତ୍ତି ରୋଗୀଙ୍କୁ ଧାର୍ମିକ ଏବଂ ଏଭଳି କିଛି ପୁସ୍ତକ ପଢ଼ିବାକୁ ଦିଆଯାଉଛି,  ଯାହା ମସ୍ତିଷ୍କରେ ସକରାତ୍ମକ ଭାବନା ସୃଷ୍ଟି କରିଥାଏ । ଏହି ସବୁ ଜିନିଷ ଦ୍ଵାରା ରୋଗୀମାନେ ନିଜକୁ ସୁସ୍ଥ ଅନୁଭବ କରନ୍ତି ।

 କରୋନା ଭାଇରସ ସଂକ୍ରମଣରୁ ନିଜକୁ ରକ୍ଷା କରିବା ପାଇଁ ଆମ ଶରୀରର ପ୍ରତିରକ୍ଷା ପ୍ରଣାଳୀକୁ ଦୃଢ଼ ରଖିବା ଆବଶ୍ୟକ। ଏହା ସହିତ, ଆମେ ଏପରି କାର୍ଯ୍ୟ କରିବା ଉଚିତ, ଯାହା ଅମା ମନକୁ ନକାରାତ୍ମକ ଚିନ୍ତାଧାରାରୁ ଦୂରେଇ ରଖୁଥିବ।