ପ୍ରିଜମ ନ୍ୟୁଜ୍ ବ୍ୟୁରୋ: ବଲିଉଡ୍ ଅଭିନେତା ସୋନୁ ସୁଦ ଜଣେ ଏପରି ଅଭିନେତା, ଯିଏ ବର୍ତ୍ତମାନ ଜନସାଧାରଣଙ୍କ ପାଇଁ ପ୍ରକୃତ ହିରୋ ପାଲଟିଛନ୍ତି | ଲୋକଙ୍କୁ ସାହାଯ୍ୟ କରିବା ପାଇଁ ସେ ଗୋଟିଏ ବି ସୁଯୋଗ ହାତ ଛଡ଼ା କରୁ ନାହିଁ | ଯେତେବେଳେ ବି କେହି ସାହାଯ୍ୟ ପାଇଁ ତାଙ୍କ ନିକଟରେ ନିବେଦନ କରନ୍ତି, ସୋନୁ ତାଙ୍କୁ ସାହାଯ୍ୟ କରିବା ପାଇଁ ଲାଗିପଡ଼ନ୍ତି । ଏଥିପାଇଁ ତାଙ୍କୁ ଯେତେ ବି ପରିଶ୍ରମ କରିବାକୁ ପଡୁ ନା କାହିଁକି । ଏବେ ପୁଣି ଥରେ ସୋନୁ ଏପରି ଆଉ ଏକ ପଦକ୍ଷେପ ନେଇଛନ୍ତି । ତାଙ୍କର ଏହି ଉଦ୍ୟମକୁ ସମସ୍ତେ ବେଶ ପ୍ରଶଂସା କରୁଛନ୍ତି । ଅସହାୟ ଲୋକଙ୍କୁ ଶଯ୍ୟା, ମେଡିସିନ୍ ଏବଂ ଅମ୍ଳଜାନ ଯୋଗାଇବା ପରେ ସୋନୁ କରୋନା ସଂକ୍ରମିତଙ୍କୁ ସହାୟତା ଯୋଗାଇ ଦେବା ପାଇଁ ଅମ୍ଳଜାନ କାରଖାନା ସ୍ଥାପନ କରିବାକୁ ଘୋଷଣା କରିଛନ୍ତି ।
ସୋନୁ ସୁଦ ଟ୍ୱିଟର ମାଧ୍ୟମରେ ତାଙ୍କ ପ୍ରଶଂସକଙ୍କୁ ଏହି ସୂଚନା ଦେଇଛନ୍ତି । କରୋନା କାଳରେ ଆବଶ୍ୟକତା ଅନୁଯାୟୀ ସେ ରାଜ୍ୟମାନଙ୍କୁ ଅମ୍ଳଜାନ ସିଲିଣ୍ଡର ଯୋଗାଇ ଦେଉଛନ୍ତି । ମୁମ୍ବାଇ ଏବଂ ଦିଲ୍ଲୀ ସମେତ ସେ ଅନେକ ସ୍ଥାନରେ ଅଭାବୀ ଲୋକଙ୍କୁ ଅମ୍ଳଜାନ ସିଲିଣ୍ଡର ଯୋଗାଇ ଦେଉଛନ୍ତି । ଏବଂ ବର୍ତ୍ତମାନ ସେ ଆନ୍ଧ୍ରପ୍ରଦେଶରେ ଅମ୍ଳଜାନ କାରଖାନା ସ୍ଥାପନ କରିବାକୁ ଘୋଷଣା କରିଛନ୍ତି । ସୋନୁ ସୁଦଙ୍କ ଏହି ଟ୍ୱିଟ ପରେ ପ୍ରଶଂସକମାନେ ପୁଣି ଥରେ ତାଙ୍କୁ ଅଜସ୍ର ଭଲ ଦେଉଛନ୍ତି ।
ସୋନୁ ସୁଦ ଏକ ଟୁଇଟ୍ କରିଛ ଲେଖିଛନ୍ତି- ‘ମୁଁ ଅତ୍ୟନ୍ତ ଆନନ୍ଦିତ ଯେ ଆନ୍ଧ୍ରପ୍ରଦେଶର କୁର୍ନୁଲ ସରକାରୀ ହସ୍ପିଟାଲ ଏବଂ ନିଲୋର ଜିଲ୍ଲାରେ ଅମ୍ଳଜାନ କାରଖାନାର ପ୍ରଥମ ସେଟଅପ୍ ସ୍ଥାପନ କରାଯିବ। ଏହି ସେଟଅପ୍ ଜୁନ୍ ମାସରେ ସ୍ଥାପିତ ହେବାକୁ ଯୋଜନା କରାଯାଇଛି। ଆନ୍ଧ୍ରପ୍ରଦେଶ ପରେ ଆବଶ୍ୟକତା ଅନୁଯାୟୀ ଅନ୍ୟ ରାଜ୍ୟରେ ପ୍ଲାଣ୍ଟ ସ୍ଥାପନ କରାଯିବ। ଭାରତକୁ ସମର୍ଥନ କରିବାର ଏହା ହେଉଛି ସମୟ |
