ଏଠି ଖୋଲାଖୋଲି ଚାଲୁଛି ମଣିଷ ପିଲା ତିଆରି ଫ୍ୟାକ୍ଟ୍ରି, ସାମଗ୍ରୀ କିଣିଲା ପରି ଚାଲେ ଛୁଆ ମୂଲଚାଲ

ପ୍ରିଜମ୍ ନ୍ୟୁଜ ବ୍ୟୁରୋ: ଶିଶୁଟି ଜନ୍ମ ହେବା ମାତ୍ରେ ଅନ୍ୟ କେହି ତାର ମାଠୁ ତାକୁ ନେଇଯିବ, ତେବେ ମା’ର ହୃଦୟ ଥରି ଉଠିବ ନିଶ୍ଚୟ। ଅଭାବ କିମ୍ୱା ଖରାପ ପରିସ୍ଥିତିରେ ପଡ଼ି ହୁଏତ କୋଉ ମା ‘ ତାର ଛୁଆକୁ ନିଜଠୁ ଦୂରେଇବାକୁ ରାଜି ହୋଇପାରେ, ହେଲେ ଏଥି ପାଇଁ ସେ ତା ନିଜକୁ ହଜାରେ ଥର ଧିକ୍କାର କରୁଥିବ ନିଶ୍ଚୟ। କିନ୍ତୁ ବିଶ୍ବରେ ଏମିତି ଏକ ଦେଶ ଅଛି ଯେଉଁଠାରେ ମା ‘ ନୁହନ୍ତି ମହିଳା ପିଲା ତିଆରି ମେସିନ୍ ଭଳି ବ୍ୟବହାର ହୁଅନ୍ତି। ଏଠି ସରୋଗେସି କେବଳ ଆଇନଗତ ନୁହେଁ ବରଂ ଏହା ଏକ ବ୍ୟବସାୟରେ ପରିଣତ ହୋଇଛି। ଏହି ବିଚିତ୍ର ଦେଶ ହେଉଛି ୟୁକ୍ରେନ। ଏଠାରେ ଶିଶୁ ଜନ୍ମ ଦେଉଥିବା ମା ‘ ଭିତରୁ ସମସ୍ତ ପ୍ରକାର ସମ୍ବେଦନଶୀଳତା ଶେଷ ହୋଇଯାଇଥାଏ, ସେମାନଙ୍କୁ କେବଳ ଏକ ଶିଶୁ ଉତ୍ପାଦନକାରୀ କାରଖାନା ଭାବେ ବ୍ୟବହାର କରାଯାଇଥାଏ।
ଋଷିଆକୁ ଲାଗି ରହିଥିବା ୟୁକ୍ରେନ ଦେଶ ଏହାର ସୋନ୍ଦର୍ଯ୍ୟ ପାଇଁ ଅତ୍ୟନ୍ତ ପ୍ରସିଦ୍ଧ, କିନ୍ତୁ ଏହି ଦେଶରେ କିଛି କଳା ସତ୍ୟ ଅଛି, ଯାହା ଶୁଣିବା କଷ୍ଟକର ହୋଇଥାଏ। ଏଠାରେ ପିଲା ଉତ୍ପାଦନ ପାଇଁ ଖୋଲାଖୋଲି କାରଖାନା ଚାଲିଥାଏ । ଯେଉଁଠାରେ କୌଣସି ବି ବ୍ୟକ୍ତି କେବଳ ୪୦ ରୁ ୪୨ ଲକ୍ଷ ଟଙ୍କାରେ ପିଲାର ସୌଦା କରିଥାନ୍ତି। ଏସବୁ ଏକ ବୃତ୍ତିଗତ ଶୈଳୀରେ ହୋଇଥାଏ, ଏଠାରେ କେହି ଶିଶୁକୁ ଜନ୍ମ ଦେଇଥିବା ମା’ ବିଷୟରେ କିମ୍ବା ତାଙ୍କ ୯ ମାସର ସଂଘର୍ଷ ବିଷୟରେ ଭାବନ୍ତି ନାହିଁ।
ଭାରତ, ନେପାଳ, ବାଂଲାଦେଶ ସମେତ ଅନେକ ଦେଶରେ ସରୋଗେସିର କଠୋରତା ରହିଥିବା ବେଳେ, ୟୁକ୍ରେନରେ ଏହା ଆଇନଗତ ହେବା ସେହି ଦମ୍ପତିମାନଙ୍କ ପାଇଁ ଏକ ସିଧା ବାଟ ହୋଇଥାଏ, ଯେଉଁମାନ ସନ୍ତାନ ପ୍ରସବ କରିବାରେ ଅସମର୍ଥ ଅଟନ୍ତି। ବିଶେଷକରି ବ୍ରିଟିଶ ଦମ୍ପତିମାନେ ୟୁକ୍ରେନରେ କାର୍ଯ୍ୟ କରୁଥିବା ଶିଶୁ କାରଖାନାରୁ ପିଲାମାନଙ୍କୁ ଆଣିଥାନ୍ତି। ତନାମର ଦମ୍ପତି ବିୟାନ୍କା ଏବଂ ଭିନି ସ୍ମିଥ୍ ନିଜେ ସରୋଗେସି ଏବଂ ଶିଶୁ କାରଖାନାର ଆଶ୍ଚର୍ଯ୍ୟଜନକ ସତ୍ୟ ପ୍ରକାଶ କରିଥିଲେ। ସେ ତାଙ୍କର ଦୁଇ ଯାଆଁଳା ପୁଅ ପାଇଁ ଏହି ସେବା ବ୍ୟବହାର କରିଥିଲେ।
ଏହି ଦମ୍ପତି ଡେଲିମେଲକୁ କହିଛନ୍ତି ଯେ ଯଦିଓ ବ୍ରିଟେନରେ ସରୋଗେସି ଅନୁମତିପ୍ରାପ୍ତ, ୟୁକ୍ରେନ ହେଉଛି ଏକମାତ୍ର ଦେଶ ଯେଉଁଠାରେ ଏହା ବ୍ୟବସାୟ ପରି ଚାଲିଥାଏ। ୟୁକ୍ରେନର ସମସ୍ତ କମ୍ପାନୀ ଏହି ବ୍ୟବସାୟକୁ ଏକ ସଂଗଠିତ ଢ଼ଙ୍ଗରେ ପରିଚାଳନା କରନ୍ତି। ଏଥିପାଇଁ ପ୍ରମୋସନାଲ୍ ଭିଡିଓ ଏବଂ ଇଭେଣ୍ଟଗୁଡିକ ଚଲାଯାଇଥାଏ, ଯେଉଁଥିରେ ଲୋକମାନେ ପିଲାମାନଙ୍କ ସହିତ ଖୁସି ଦମ୍ପତିଙ୍କୁ ଦେଖି ଆକର୍ଷିତ ହୁଅନ୍ତି। ଏହି ଦମ୍ପତି କହିଛନ୍ତି ଯେ ଯଦିଓ ଭିଡିଓରେ ସରୋଗେଟସର ଅବସ୍ଥା ଭଲ ବୋଲି ଦର୍ଶାଯାଇଛି, କିନ୍ତୁ ବାସ୍ତବରେ ସେମାନଙ୍କୁ ପଶୁ ପରି ବ୍ୟବହାର କରାଯାଏ।
ବିୟାନ୍କା ଏବଂ ଭିନି କହିଛନ୍ତି ଯେ ସେମାନଙ୍କୁ ମଧ୍ୟ ସେମାନଙ୍କ ସରୋଗେଟ୍ ବିଷୟରେ ଭୁଲ ସୂଚନା ଦିଆଯାଇଥିଲା। ତାଙ୍କୁ କୁହାଯାଇଥିଲା ଯେ ତାଙ୍କୁ ପରିଷ୍କାର ଏବଂ ଭଲ ପରିବେଶରେ ରଖାଯାଇଛି। ସେ ଏହି କାମ ପାଇଁ ଟ୍ରେଣ୍ଡ । ଯେତେବେଳେ ସେମାନେ ଶିଶୁର ପ୍ରସବ ପାଇଁ ସେଠାରେ ପହଞ୍ଚିଲେ, ସେମାନେ ଜାଣିବାକୁ ପାଇଲେ ଯେ ପ୍ରସବ ପୂର୍ବରୁ ମହିଳାମାନଙ୍କୁ ଅତ୍ୟଧିକ ଖରାପ ଅବସ୍ଥାରେ ରଖାଯାଇଥିଲା।ସରୋଗେଟ୍ ମାନଙ୍କୁ ଏକ ବିଲେଇ ଛୁଆ ପରି ବ୍ୟବହାର କରାଯାଏ। ସେମାନଙ୍କୁ ପରିବାର ସଦସ୍ୟଙ୍କ ସହ କଥାବାର୍ତ୍ତା କରିବାକୁ ଅନୁମତି ଦିଆଯାଏ ନାହିଁ କିମ୍ବା ଗ୍ରୀଷ୍ମ ଋତୁରେ ସେମାନେ ଏସି ସୁବିଧା ମଧ୍ୟ ନଥାଏ। ସେମାନଙ୍କୁ ଅତ୍ୟନ୍ତ ଅପରିଷ୍କାର ସ୍ଥାନରେ ରଖାଯାଏ। ଏହି କାମ ପାଇଁ ସେ ବର୍ଷକୁ ୧୦ ଲକ୍ଷ ଟଙ୍କା ପାଆନ୍ତି। ତଥାପି, ସେମାନେ ଯେଉଁ ପ୍ରକାରର ମାନସିକ ଏବଂ ଶାରୀରିକ ଯନ୍ତ୍ରଣା ଦେଇ ଗତି କରନ୍ତି, ତାହା ତୁଳନାରେ ଏହା କିଛି ନୁହେଁ। କିନ୍ତୁ ଏହି ପିଲା ତିଆରି କରୁଥିବା ସଂସ୍ଥା ଗୁଡ଼ିକ ସରୋଗେଟସି ମାଙ୍କୁ ଦେଉଥିବା ଟଙ୍କା ତୁଳନାରେ ତିନି ଗୁଣା ଟଙ୍କା ନିଜର ଲାଭ ରଖନ୍ତି।

Leave a Reply

Your email address will not be published.