Connect with us

ମନୋରଞ୍ଜନ

ସୋନମ ଗୁପ୍ତା ବେୱଫା ହୈ? ଉତ୍ତର ଜାଣିବା ପାଇଁ ବାସ୍ ଅଳ୍ପ ଦିନ ଅପେକ୍ଷା କରନ୍ତୁ

Published

on

ପ୍ରିଜମ୍ ନ୍ୟୁଜ ବ୍ୟୁରୋ: ୨୦୧୬ ମସିହାରେ ଏମିତି ଗୋଟିଏ ଘଟଣା ଘଟିଥିଲା ​​ଯାହା ପୁରା ଇଣ୍ଟରନେଟରେ ହଇଚଇ ସୃଷ୍ଟି କରିଥିଲା। ଅବଶ୍ୟ, ଆପଣ ମଧ୍ୟ ଏହି ଘଟଣାକୁ ମନେ ରଖିଥିବେ, ଯେତେବେଳେ କି ଜଣେ ବ୍ୟକ୍ତି ୧୦ ଟଙ୍କିଆ ନୋଟରେ ଲେଖିଥିଲେ ଯେ, ‘ସୋନମ ଗୁପ୍ତା ବେୱାଫ ହେ’। ସେହି ୧୦ ଟଙ୍କିଆ ନୋଟଟିର ଫଟୋ ଇଣ୍ଟରନେଟରେ ଏତେ ଭାଇରାଲ ହୋଇଥିଲ ଯେ, ସବୁ ବର୍ଗର ଲୋକଙ୍କ ମଧ୍ୟରେ ଆଲୋଚନାର ବିଷୟ ପାଲଟିଥିଲା। ତେବେ ସେଇ ପୁରୁଣା ଘଟଣା ବର୍ତ୍ତମାନ ଖୁବ୍ ଶୀଘ୍ର ତାଜା ହେବାକୁ ଯାଉଛି, ବାସ୍ତବରେ ଜି -୫ ଏହି ନାମର ଏକ କମେଡି ଫିଲ୍ମ ତିଆରି କରୁଥିବାର ଘୋଷଣା କରିଛି। ଯାହାର ନାମ ‘କିୟା ମେରୀ ସୋନମ ଗୁପ୍ତା ବେୱାଫା ହେ?’ ରହିଛି। ଜଣାଶୁଣା ଟିଭି ଅଭିନେତ୍ରୀ ସୁରବୀ ଜ୍ୟୋତି ଏହି ଚଳଚ୍ଚିତ୍ରରେ ମୁଖ୍ୟ ଭୂମିକାରେ ନଜର ଆସିବେ। ଏହାସହ ପଞ୍ଜାବୀ ଗାୟକ ଜସି ଗିଲ ଏହି ଚଳଚ୍ଚିତ୍ର ଜରିଆରେ ହିନ୍ଦୀ ସିନେମାରେ ଡେବ୍ୟୁ କରିବାକୁ ଯାଉଛନ୍ତି।
‘କିୟା ମେରୀ ସୋନମ ଗୁପ୍ତ ବେୱାଫା ହେ’ ଫିଲ୍ମର ପୋଷ୍ଟର ଇତି ମଧ୍ୟରେ ଆଉଟ୍ ହୋଇସାରିଛି। ଅଭିନେତ୍ରୀ ସୁରବି ଜ୍ୟୋତି ତାଙ୍କ ଅଫିସିଆଲ୍ ଇନଷ୍ଟାଗ୍ରାମ ଆକାଉଣ୍ଟରେ ଫିଲ୍ମର ପୋଷ୍ଟର ସେୟାର କରିଛନ୍ତି। ପୋଷ୍ଟର ଦେଖି ବୁଝାପଡୁଛି ଯେ ଏହି ଚଳଚ୍ଚିତ୍ରଟି କମେଡିରେ ଭରପୁର ହୋଇଥିବ। ପୋଷ୍ଟରରେ ସୁରବି ଜ୍ୟୋତି ଏକ ଧଳା କ୍ରପ୍ ଟପ୍, କଳା ଜିନ୍ସ ଏବଂ ଗ୍ରେ ଡେନିମ୍ ଜ୍ୟାକେଟ୍ ପିନ୍ଧିଥିବାର ନଜର ଆସିଛନ୍ତି। ଏଥିସହିତ ପଞ୍ଜାବୀ ଗାୟକ ଜସି ଗିଲ ବର ବେଶରେ ଫୁଲମାଳ ଧରି ଠିଆ ହୋଇଥିବା ନଜର ଆସିଛନ୍ତି।ପୋଷ୍ଟରର ଆକର୍ଷଣର କେନ୍ଦ୍ରବିନ୍ଦୁ ହେଉଛି ୧୦ ଟଙ୍କିଆ ନୋଟ୍, ଯେଉଁଥିରେ ଲେଖା ଅଛି, ‘ସୋନମ ଗୁପ୍ତା ବେୱାଫା’। ଏହି ଚଳଚ୍ଚିତ୍ରଟି ସେପ୍ଟେମ୍ବରରେ OTT ପ୍ଲାଟଫର୍ମରେ ମୁକ୍ତିଲାଭ କରିବାକୁ ଯାଉଛି, ଯେଉଁଥିପାଇଁ ଫିଲ୍ମର ପୁରା ଷ୍ଟାର କାଷ୍ଟ ବହୁତ ଉତ୍ସାହିତ ଥିବାର ଜଣା ପଡ଼ିଛି। ଚଳଚ୍ଚିତ୍ରର ପୋଷ୍ଟର ସେୟାର କରି ସୁରବି ଜ୍ୟୋତି କ୍ୟାପସନରେ ଲେଖିଛନ୍ତି, ‘ଖୁବ୍ ଶୀଘ୍ର ସମସ୍ତେ Z5 ରେ ଜାଣିବେ ଯେ,’ କିୟା ମେରୀ ସୋନମ ଗୁପ୍ତା ବେୱାଫା ‘।
ସୁରେଖା ସିକରିଙ୍କ ଶେଷ ଫିଲ୍ମ:-

ଲୋକମାନେ ଏହି ଚଳଚ୍ଚିତ୍ରରେ ଶେଷ ଥର ପାଇଁ ବାଳିକା ବଧୂର ଜେଜେମା ଯଥା ସୁରେଖା ସିକରିଙ୍କୁ ଦେଖିପାରିବେ। ବାସ୍ତବରେ ଏହା ସ୍ୱର୍ଗତ ଅଭିନେତ୍ରୀ ସୁରେଖା ସିକରିଙ୍କର ଅଭିନୀତ ଶେଷ ଚଳଚ୍ଚିତ୍ର । ତାଙ୍କୁ ଏହି ଚଳଚ୍ଚିତ୍ରରେ ଏକ ଗୁରୁତ୍ୱପୂର୍ଣ୍ଣ ଭୂମିକାରେ ଦେଖିବାକୁ ପାଇବେ। ସୁରେଖା ସିକରିଙ୍କ ଗତ ଜୁଲାଇ ମାସରେ ହୃଦଘାତ ହେତୁ ୭୫ ବର୍ଷ ବୟସରେ ମୃତ୍ୟୁ ହୋଇଥିଲା। ଟିଭିରେ ତଥା ଚଳଚ୍ଚିତ୍ର ଏବଂ ପ୍ରେକ୍ଷାଳୟରେ ସୁରେଖା ଅନେକ ସ୍ମରଣୀୟ ଚରିତ୍ରରେ ଅଭିନୟ କରିଛନ୍ତି। ଅଭିନୟ ପାଇଁ ତାଙ୍କୁ ଅନେକ ପୁରସ୍କାର ମଧ୍ୟ ପ୍ରଦାନ କରାଯାଇଛି।

କାହାଣୀ ଏମିତି:-

ଏହି ଚଳଚ୍ଚିତ୍ରଟି ଉତ୍ତରପ୍ରଦେଶର କେତେକ ଛୋଟ ସହର ସହ ଜଡ଼ିତ କାହାଣୀ ଉପରେ ଆଧାରିତ, ଯେଉଁଥିରେ ଜଣେ ଯୁବକ ସିଣ୍ଟୁ ସୋନମ ଗୁପ୍ତାଙ୍କୁ ପ୍ରେମ କଟିବସେ। କାହାଣୀରେ ଟୁଇଷ୍ଟି ସେତେବେଳେ ଆସେ ଯେତେବେଳେ ସୋନମ ଗୁପ୍ତା ତାଙ୍କ ଫିଲିଂସ୍ ର ଜବାବ ଦିଅନ୍ତି। ଏହା ପରେ ଆପଣ ଫିଲ୍ମରେ ଅନେକ ମଜାଳିଆ ମୋଡ଼ ଦେଖିବାକୁ ପାଇବେ।
ଅନେକ ସେଲିବ୍ରିଟି ଫିଲ୍ମକୁ ନେଇ ଉତ୍ସାହିତ ଅଛନ୍ତି:-

ଇନଷ୍ଟାଗ୍ରାମରେ ସୁରବି ଜ୍ୟୋତି ପୋଷ୍ଟ କରିଥିବା ଫିଲ୍ମର ପୋଷ୍ଟରକୁ ଲୋକମାନେ ବହୁତ ପସନ୍ଦ କରୁଥିବାର ଦେଖିବାକୁ ମିଳିଛି। ଏପର୍ଯ୍ୟନ୍ତ ସୁରବି ଜ୍ୟୋତିଙ୍କ ଦ୍ୱାରା ସେୟାର ହୋଇଥିବା ପୋଷ୍ଟକୁ ୨ ଲକ୍ଷ ୪୦ ହଜାରରୁ ଅଧିକ ଥର ଦେଖାଯାଇଛି। ସୁରବିଙ୍କ ଏହି ପୋଷ୍ଟରେ ଅନେକ ସେଲିବ୍ରିଟି ମଧ୍ୟ ମନ୍ତବ୍ୟ ଦେଇଛନ୍ତି। ଟେଲିଭିଜନ ଅଭିନେତା ରବି ଦୁବେ, ରକ୍ଷନ୍ଦା ଖାନ, ରିତଭିକ୍ ଧନଜାନି,କରଣଭୀର ଭୋରା ପ୍ରମୁଖ ସେଲିବ୍ରିଟି ଅଲ୍ ଦ ବେଷ୍ଟ ଜଣାଇଛନ୍ତି। ଏହି ପୋଷ୍ଟରେ ମନ୍ତବ୍ୟ ଦେଇ ନିଜେ ଜସି ଗିଲ ଲେଖିଛନ୍ତି, ‘ବେୱାଫା ବେୱାଫା ବେୱାଫା ନିକଲି ହୋ ତୁମ’।

Advertisement
Advertisement
Advertisement

Trending