ଅତୁଟ ସମ୍ପର୍କ, ଗୋଟିଏ ମିନିଟ୍ ବି ଅଲଗା ହୁଅନ୍ତିନି କୁକୁର ଓ ପକ୍ଷୀ

ପ୍ରିଜମ୍ ନ୍ୟୁଜ ବ୍ୟୁରୋ: ଆପଣ ନିଶ୍ଚୟ ବନ୍ଧୁତ୍ୱର ଅନେକ ଉଦାହରଣ ଦେଖିଥିବେ। ଲୋକମାନେ ବନ୍ଧୁତ୍ୱରେ କିଛି ବି କରିପାରନ୍ତି । ବନ୍ଧୁତା ହେଉଛି ଏପରି ଏକ ସମ୍ପର୍କ ଯେଉଁଥିରେ ଦୁଇ ଜଣ ଅସମାନ ଲୋକ ଏକାଠି ହୁଅନ୍ତି। ଏହିପରି ଏକ ବନ୍ଧୁତ୍ୱର ଉଦାହରଣ ଦେଖାଉଥିବା ଏକ ଭିଡିଓ ସୋସିଆଲ ମିଡିଆରେ ଭାଇରାଲ୍ ହେବାରେ ଲାଗିଛି। ତେବେ ଏଥିରେ ଗୋଟିଏ କୁକୁର ଓ ପକ୍ଷୀର ବନ୍ଧୁତା ଦେଖିବାକୁ ମିଳିଛି । ଅଷ୍ଟ୍ରେଲିଆର କୁଇନ୍ସଲ୍ୟାଣ୍ଡରେ ରହୁଥିବା ୪୫ ବର୍ଷୀୟ ଜୁଲିଏଟଙ୍କ ପୋଷା କୁକୁର ଏବଂ ପକ୍ଷୀ ମଧ୍ୟରେ ରହିଥିବା ଏହି ବନ୍ଧୁତା ଆଜିକାଲି ଚର୍ଚ୍ଚାର ବିଷୟ ପାଲଟିଛି। ଉଭୟଙ୍କ ବନ୍ଧୁତା ଏତେ ଗଭୀର ଯେ, ସେମାନେ ଖାଇବା ପିଇବା ଠାରୁ ଆରମ୍ଭ କରି ଶୋଇବା ପର୍ଯ୍ୟନ୍ତ ସବୁ କାମ ଏକାଠି କରୁଛନ୍ତି ।
ଜୁଲିଏଟଙ୍କ ଘରେ ପୂର୍ବରୁ କୁକୁର ପେଗି ରହୁଛି । ଗତ ବର୍ଷ ସେପ୍ଟେମ୍ବରରେ ସେ ରାସ୍ତା କଡ଼ରୁ ଏକ ଛୋଟ ପକ୍ଷୀ ମୋଗପାଇକୁ ପାଇଥିଲେ । ଜୁଲିଏଟ୍ ତାକୁ ରାସ୍ତାକଡ଼ରୁ ଅସୁସ୍ଥ ଅବସ୍ଥାରେ ଉଠାଇ ନିଜ ଘରକୁ ଆଣିଥିଲେ। ଏହା ପରେ ଉଭୟଙ୍କ ମଧ୍ୟରେ ବନ୍ଧୁତା ଆରମ୍ଭ ହୋଇଥିଲା। ଜୁଲିଏଟ୍ କହିଛନ୍ତି ଯେ, ପେଗି ଆରମ୍ଭରୁ ପକ୍ଷୀ ପ୍ରତି ବହୁତ ଯତ୍ନବାନ ଥିଲେ। ସେ ମୋଗପାଇକୁ ଗୋଟିଏ ମିନିଟ୍ ପାଇଁ ନିଜ ପାଖରୁ ଏକଲା ଛାଡି ନଥିଲେ। ମୋଗପାଇଙ୍କୁ ଯେତେବେଳେ ଜୁଲିଏଟ ରାସ୍ତା କଡ଼ରୁ ଉଠାଇ ଆଣିଥିଲେ, ସେ ବହୁତ ଦୁର୍ବଳ ଥିଲେ । କିନ୍ତୁ ସେ ପେଗିଙ୍କ ତତ୍ତ୍ୱାବଧାନରେ ଏକ ଜବରଦସ୍ତ ସୁସ୍ଥ ଅବସ୍ଥା ପାଇଥିଲା। ଏକ ସପ୍ତାହ ମଧ୍ୟରେ ମୋଗପାଇ ସମ୍ପୂର୍ଣ୍ଣ ଭାବରେ ସୁସ୍ଥ ହୋଇଥିଲା । ସେବେଠାରୁ ମୋଗପାଇ ଏବଂ ପେଗିଙ୍କ ବନ୍ଧୁତା ବଜାୟ ରହିଛି। ଉଭୟ ପରସ୍ପର ବିନା ଏକ ମିନିଟ୍ ବଞ୍ଚିବା କଷ୍ଟକର । ମୋଗପାଇର ନାମ ଜୁଲିଏଟ୍ ମୌଲି ରଖିଛନ୍ତି। ଏବେ ମୌଲିକୁ ଖୋଲା ଛଡା ଯାଉଥିଲେ ହିଁ ସେ ପେଗି ବ୍ୟତୀତ ଅନ୍ୟ କୌଣସି ସ୍ଥାନକୁ ଯାଉ ନାହିଁ।
ମୌଲି ଏବଂ ପେଗିଙ୍କ ଭାଇରାଲ ହେଉଥିବା ଏହି ଭିଡ଼ିଓରେ ଦେଖିବାକୁ ମିଳିଛି ଯେ, ପେଗିଙ୍କ ହାତ ଧରି ଖେଳୁଛି ମୌଲି । ଏହାସହ ଗୋଟିଏ ମିନିଟ୍ ପାଇଁ ଉଭୟ ଛଡ଼ା ଛଡ଼ି ହେଉନାହାନ୍ତି। ଜୁଲିଏଟ୍ କହିଛନ୍ତି ଯେ, ଦୁହେଁ ପରସ୍ପର ବିନା ବ୍ୟସ୍ତ ହୋଇ ପଡନ୍ତି । ଜୁଲିଏଟ୍ ଟିକଟକରେ ତାଙ୍କର ଏହି ଭିଡିଓ ସେୟାର କରିଥିଲେ, ଯାହା ସେଠାରୁ ଭାଇରାଲ୍ ହେବାରେ ଲାଗିଛି । ଏହି ଭିଡିଓଟିକୁ ଲକ୍ଷାଧିକ ଲୋକ ଦେଖି ସାରିଲେଣି । ଲୋକମାନେ ସେମାନଙ୍କର ବନ୍ଧୁତାକୁ ବହୁତ ପ୍ରଶଂସା କରିବା ସହ ମଣିଷମାନଙ୍କୁ ସେମାନଙ୍କ ପାଖରୁ କିଛି ଶିଖିବା ଦରକାର ବୋଲି କମେଣ୍ଟ ମଧ୍ୟ କରୁଥିବାର ଦେଖିବାକୁ ମିଳିଛି।

Leave a Reply

Your email address will not be published.