ନିଆରା ପରମ୍ପରା, ମା’ଙ୍କୁ ପଥର ଅର୍ପଣ କଲେ ପୂରଣ ହୁଏ ମନୋସ୍କାମନା

ପ୍ରିଜମ୍ ନ୍ୟୁଜ ବ୍ୟୁରୋ: ଭାରତରେ ଅନେକ ଦେବାଳୟ ରହିଛି । ଯେଉଁଠି ଭିନ୍ନ ଭିନ୍ନ ନୀତି ନିୟମ ସହ ନିଆରା ରହସ୍ୟ ଲୁଚି ରହିଥାଏ। କେଉଁଠି ପାଣିରେ ଦୀପ ଜଳେ ତ ଆଉ କେଉଁଠି ପାଣିରେ ପଥର ଭାସିବାର ଦେଖାଯାଏ। ସେମିତି ଏକ ନିଆରା ଘଟଣା ଛତିଶଗଡର ବିଳାଶପୁର ସହର ନିକଟରେ ଥିବା ଖାମତାରାଇ ମନ୍ଦିରରେ ଦେଖିବାକୁ ମିଳେ। ଏହି ମନ୍ଦିରରେ ବନଦେବୀଙ୍କୁ ପୂଜା କରାଯାଏ । ଏଠାରେ ଥିବା ଲୋକମାନେ ବିଶ୍ବାସ କରନ୍ତି ଯେ, ବନଦେବୀଙ୍କ ଦରବାରରେ ମାନସିକ ପୁରଣ ହେବା ପରେ ଦେବୀ ମାତାଙ୍କୁ ପାଞ୍ଚଟି ପଥର ଅର୍ପଣ କରାଯିବା ଶୁଭ ହୋଇଥାଏ ।
ଭକ୍ତମାନେ ଏହି ମନ୍ଦିରରେ ଫୁଲ କିମ୍ବା ଫୁଲମାଳ କିମ୍ବା ପୂଜାର୍ଚ୍ଚନା ସାମଗ୍ରୀ ଆଣନ୍ତି ନାହିଁ, କେବଳ ମନସ୍କାମନା ପୂର୍ଣ୍ଣ ହେବା ପରେ ପାଞ୍ଚଟି ପଥର ଆଣି ମାତା ଦେବୀଙ୍କ ନିକଟରେ ଅର୍ପଣ କରିଥାନ୍ତି । ବିଶ୍ୱାସ ରହିଛି, ବନଦେବୀଙ୍କ ମନ୍ଦିରରେ ଭକ୍ତି ଓ ନିଷ୍ଠାର ସହ ୫ଟି ପଥର ପ୍ରଦାନ କରୁଥିବା ଭକ୍ତଙ୍କ ଇଚ୍ଛା ନିଶ୍ଚିତ ରୂପେ ପୂରଣ ହୁଏ । ଏହାସହ ମନୋସ୍କାମନା ପୁରଣ ହେବା ପରେ ଭକ୍ତମାନେ ପୁଣି ଥରେ ମନ୍ଦିରରେ ପାଞ୍ଚଟି ପଥର ଅର୍ପଣ କରନ୍ତି । ତେବେ ଏଠାରେ ଦେବୀଙ୍କୁ କୌଣସି ସାଧାରଣ ପଥର ଅର୍ପଣ କରାଯାଏ ନାହିଁ, କେବଳ କ୍ଷେତରେ ମିଳୁଥିବା ଗୋଟା ସ୍ଵତନ୍ତ୍ର ପଥର ଅର୍ପଣ କରାଯାଇଥାଏ। ତେବେ ମାଆଙ୍କୁ ପଥର ସହ କେବେ କେବେ ମନ୍ଦାର ଫୁଲ ଅର୍ପଣ କରାଯାଉଥିବାର ମଧ୍ୟ ଦେଖା ଯାଇଥାଏ।

Leave a Reply

Your email address will not be published. Required fields are marked *