ଲାଜେଇ ଝିଅରୁ ହେଲେ ହ୍ୟାଣ୍ଡସମ୍ ପୁଅ, ସିକ୍ସପ୍ୟାକ୍ ଦେଖି ଲୋକ କହୁଛନ୍ତି ବାଃ…ଏତ ଚମତ୍କାର…

ପ୍ରିଜମ ନ୍ୟୁଜ୍ ବ୍ୟୁରୋ: କାହାକୁ କେମିତି ଗଢିବେ, ତାହା ଭଗବାନଙ୍କ ହାତରେ । ବେଳେବେଳେ କିଛି ଲୋକ ଈଶ୍ୱରଙ୍କ ସେହି ନିଷ୍ପତ୍ତିରେ ସହମତ ହୁଅନ୍ତି ନାହିଁ। ସେମାନେ ଏହି ନିଷ୍ପତ୍ତିକୁ ପରିବର୍ତ୍ତନ କରିବାକୁ ଚେଷ୍ଟା କରନ୍ତି। କିଛି ଲୋକ ନିଜ ଅସନ୍ତୋଷ କାରଣରୁ ଲିଙ୍ଗ ପରିବର୍ତ୍ତନ କରିବାର ଦେଖାଯାଏ । କାଲିଫର୍ନିଆରେ ରହୁଥିବା ମ୍ୟାଟ ମିଲରଙ୍କ ସହ ମଧ୍ୟ ସମାନ ଘଟଣା ଘଟିଛି । ମ୍ୟାଟ୍ ଝିଅ ହୋଇ ଜନ୍ମ ହୋଇଥିଲେ, କିନ୍ତୁ ପାଞ୍ଚ ବର୍ଷ ବୟସରେ ସେ ଅନୁଭବ କଲେ ଯେ, ପୁଅମାନଙ୍କ ଭଳି ହେବାରେ ତାଙ୍କର ଆଗ୍ରହ ରହିଛି। ମ୍ୟାଟ୍ ତାଙ୍କ ଯୌବନ ପର୍ଯ୍ୟନ୍ତ ଝିଅ ପରି ଜୀବନ ବିତାଇଥିଲେ, କିନ୍ତୁ ଏହା ପରେ ସେ ଅସ୍ତ୍ରୋପଚାର କରି ଲିଙ୍ଗ ପରିବର୍ତ୍ତନ କରିଥିଲେ। କେବଳ ସେତିକି ନୁହେଁ, ଦିନେ ସୁନ୍ଦର ଝିଅ ହୋଇ ରହିଥିବା ମ୍ୟାଟ ଆଜି ଫିଟନେସ ଇଣ୍ଡଷ୍ଟ୍ରିରେ ଏକ ସ୍ବତନ୍ତ୍ର ନାମ ଅର୍ଜନ କରି ପାରିଛନ୍ତି।

https://www.instagram.com/p/CIolhoEFmIA/?utm_source=ig_web_copy_link


କାଲିଫର୍ନିଆର ମ୍ୟାଟ୍ ତାଙ୍କର ଲିଙ୍ଗ ପରିବର୍ତ୍ତନ ଓ ଚେହେରା ପାଇଁ ସୋସିଆଲ୍ ମିଡିଆରେ ବେଶ ଚର୍ଚ୍ଚାରେ ଅଛନ୍ତି। ତେବେ ସେ ତାଙ୍କର ଏହି ପରିବର୍ତ୍ତନ ଯାତ୍ରା ଲୋକଙ୍କ ସହ ସୋସିଆଲ ମିଡିଆରେ ସେୟାର କରିଛନ୍ତି। ଉଚ୍ଚ ବିଦ୍ୟାଳୟ ପର୍ଯ୍ୟନ୍ତ ମ୍ୟାଟ୍ ଲାଜେଇ ଝିଅଟିଏ ଥିବା ବେଳେ ବର୍ତ୍ତମାନ ସେ ସିକ୍ସ-ପ୍ୟାକ୍ ରଖିଥିବା ହଟାକଟା ଯୁବକ । ଲୋକମାନେ ତାଙ୍କ କାହାଣୀ ଶୁଣିବା ପରେ ବିଶ୍ବାସ କରିପାରିନାହାନ୍ତି ଯେ ମ୍ୟାଟ୍ ନିଜକୁ ଏକ ଝିଅରୁ ପୁଅ ଭାବେ ବଦଳାଇଛନ୍ତି। ମ୍ୟାଟ୍ ଏବେ ପର୍ଶନାଲ ଟ୍ରେନର ଭାବରେ କାର୍ଯ୍ୟ କରୁଛନ୍ତି।

ମ୍ୟାଟ ତାଙ୍କ ଯାତ୍ରା ବିଷୟରେ ସେୟାର କରି କହିଛନ୍ତି ଯେ, ପାଞ୍ଚ ବର୍ଷ ବୟସରେ ସେ ଅନୁଭବ କରିଥିଲେ ଯେ ସେ ଜଣେ ଝିଅ ନୁହଁନ୍ତି । ସେ କୌଣସି ପ୍ରକାରେ କିଶୋର ପର୍ଯ୍ୟନ୍ତ ନିଜକୁ ଝିଅ ଭାବରେ ରଖିଥିଲେ। ମ୍ୟାଟଙ୍କ ପିତାମାତା ତାଙ୍କୁ ଝିଅମାନଙ୍କ ପରି ପାଳୁଥିଲେ ମଧ୍ୟ ମ୍ୟାଟ ପୁଅମାନଙ୍କ ସହିତ ସମୟ ବିତାଇବାକୁ ଭଲ ପାଉଥିଲେ । ୧୭ ବର୍ଷ ବୟସରେ ସେ ଫେସବୁକରେ ପାଇଥିବା ଜଣେ ବନ୍ଧୁଙ୍କ ସାହାଯ୍ୟରେ ତାଙ୍କର ଲିଙ୍ଗ ପରିବର୍ତ୍ତନ କରିଥିଲେ। ସେ ଏଥିପାଇଁ ଅସ୍ତ୍ରୋପଚାର ଏବଂ ହରମୋନାଲ ଇଞ୍ଜେକ୍ସନର ସାହାଯ୍ୟ ନେଇଥିବାର କୁହନ୍ତି।
ଆଜି, ମ୍ୟାଟ୍ ତାଙ୍କର ନୂତନ ରୂପରେ ବହୁତ ଖୁସି ଅଛନ୍ତି ବୋଲି କୁହନ୍ତି। ମ୍ୟାଟ୍ ଜଣେ ଫିଟନେସ୍ ପ୍ରଶିକ୍ଷକ ଭାବରେ ଏବେ କାର୍ଯ୍ୟ କରୁଛନ୍ତି। ସେ ଏବେ ପୁରୁଷଙ୍କ ପରି ଏକ ବିଶାଳ ଶରୀର ତିଆରି କରିବାରେ ସକ୍ଷମ ହୋଇଛନ୍ତି। ସେ ନିଜର ସିକ୍ସ-ପ୍ୟାକ୍ ସହିତ ଇନଷ୍ଟାଗ୍ରାମରେ ଅନେକ ଗୁଡ଼ିଏ ଫଟୋ ମଧ୍ୟ ସେୟାର କରିଛନ୍ତି। ତାଙ୍କର ଏହି ପରିବର୍ତ୍ତନ ଲୋକଙ୍କୁ ଆଶ୍ଚର୍ଯ୍ୟ କରିଛି। ମ୍ୟାଟ୍ ଦୁଇ ବର୍ଷ ପୂର୍ବେ ମୋଲ୍ଲିଙ୍କୁ ଭେଟିଥିଲେ। ଆଜି ମ୍ୟାଟ ଏବଂ ମୋଲ୍ଲି ରିଲେସନସିପରେ ଅଛନ୍ତି। ସେମାନଙ୍କ ସମ୍ପର୍କ ବିଷୟରେ ମ୍ୟାଟ କହିଛନ୍ତି ଯେ, ମୋଲ୍ଲି ତାଙ୍କୁ ଏହି ଯାତ୍ରାରେ ବହୁତ ସମର୍ଥନ କରିଛନ୍ତି। ମ୍ୟାଟଙ୍କ ଫଟୋ ଦିନକୁ ଦିନ ଭାଇରାଲ ହେବାରେ ଲାଗିଛି।

Leave a Reply

Your email address will not be published.