ଆପଣ ମଧ୍ୟ ମହାକାଶରେ କରିପାରିବେ ବାହାଘର, ଗୋଟିଏ ସିଟ୍ ବୁକ୍ ପାଇଁ ଦେବାକୁ ପଡ଼ିବ ଏତିକି ଟଙ୍କା

ପ୍ରିଜମ୍ ନ୍ୟୁଜ ବ୍ୟୁରୋ: ଦିନକୁ ଦିନ ବାହାଘର ରୀତିନୀତି ସହ ଏହାର ପରିଭାଷା ବଦଳିଛି। ପ୍ରି ୱେଡ଼ିଂ, ପୋଷ୍ଟ ୱେଡିଂ ସହ ଲକ୍ଷ ଲକ୍ଷ ଟଙ୍କା ଖର୍ଚ୍ଚରେ ଲୋକମାନେ ଡେଷ୍ଟିନେଶନ ମ୍ୟାରେଜ୍, ଅଣ୍ଡର ୱାଟର ମ୍ୟାରେଜ କରୁଛନ୍ତି। ଏହାସହ କେହି କେହି ସ୍ପେସ୍ ବିବାହ କରିବାର ସ୍ୱପ୍ନ ମଧ୍ୟ ଦେଖିଲେଣି। ତେବେ ଏହିଭଳି ଲୋକଙ୍କ ଆଶା ଖୁବ୍ ଶୀଘ୍ର ପୁରଣ ହୋଇ ପାରିବ ବୋଲି ସୂଚନା ମିଳିଛି। ନିଜ ବାହାଘରକୁ ସ୍ମରଣୀୟ କରିବା ପାଇଁ ଚାହୁଁଥିବା ଲୋକମାନେ ଏବେ ମହାକାଶକୁ ଯାଇ ବିବାହ କରିବାର ସୁଯୋଗ ପାଇବେ। ଫ୍ଲୋରିଡା ସ୍ଥିତ କମ୍ପାନୀ ସ୍ପେସ୍ ପର୍ସପେକ୍ଟିଭ୍ ଲୋକମାନଙ୍କର ଏହି ସ୍ୱପ୍ନକୁ ପୂରଣ କରିବ। ଦମ୍ପତିମାନେ ସେମାନଙ୍କର ବିବାହକୁ ଏକ ଫୁଟବଲ୍ ଷ୍ଟାଡିୟମର ଆକାର ବେଲୁନ୍ ଦ୍ୱାରା ସମୁଦ୍ର ପତ୍ତନଠାରୁ ୧୦୦,୦୦୦ ଫୁଟ ଅର୍ଥାତ୍ ୧୯ ମାଇଲ ଉପରେ ଭାସୁଥିବା କ୍ୟାପସୁଲ ଭିତରେ ୮ ଜଣ ସମ୍ପର୍କୀୟଙ୍କୁ ନେଇ ବିବାହ କରିପାରିବେ। ୨୦୨୪ ମସିହାରୁ ଏହି ଢାଞ୍ଚାରେ ବିବାହ ହେବ ବୋଲି ଆଶା କରାଯାଉଛି। ଏଥିପାଇଁ ମୋଟା ଅଙ୍କର ଅର୍ଥ ଦେବାକୁ ପଡିବ। ତେବେ ଏଥିପାଇଁ ସ୍ପେସ୍ ପର୍ସପେକ୍ଟିଭ୍ କ୍ୟାପସୁଲର ଉଡାଣର ମୂଲ୍ୟ ୧୨୫,୦୦୦ ଡଲାର ଅର୍ଥାତ୍ ୯୩ ଲକ୍ଷ ରୁ ଅଧିକ ଟଙ୍କା ନେଉଛି।
ଫାର୍ମର ୱେବସାଇଟ୍ ଅନୁଯାୟୀ, ୨୦୨୪ ପାଇଁ ସ୍ପେସ୍ ଫ୍ଲାଇଟ୍ ବିକ୍ରି ହୋଇସାରିଛି, କିନ୍ତୁ ଗ୍ରାହକମାନେ ୨୦୨୫ ପାଇଁ ଏବେ ସିଟ୍ ବୁକ୍ କରିପାରିବେ।

Leave a Reply

Your email address will not be published.