Connect with us

ଭାଇରାଲ ଖବର

କେଶ ଖୋଲି କଲେଜ ଯାଇ ପାରିବେନି ଛାତ୍ରୀ, ସେଲଫି ଉପରେ ମଧ୍ୟ ଲାଗିଛି କଟକଣା

Published

on

ପ୍ରିଜମ୍ ନ୍ୟୁଜ ବ୍ୟୁରୋ: ବିହାରର ଭାଗଲପୁରରେ ଅବସ୍ଥିତ ମହିଳା ମହାବିଦ୍ୟାଳୟର ଏକ ବିଜ୍ଞପ୍ତି ଏବେ ଚର୍ଚ୍ଚାର ବିଷୟ ପାଲଟିଛି। ଭାଗଲପୁରର ପ୍ରତିଷ୍ଠିତ ତଥା ଏକମାତ୍ର ମହିଳା ମହାବିଦ୍ୟାଳୟ ‘ସୁନ୍ଦରବତୀ ମହିଳା ମହାବିଦ୍ୟାଳୟ’ (ଏସଏମ କଲେଜ) ରେ ଏକ ବିଜ୍ଞପ୍ତି ଜାରି କରାଯାଇଛି। ଯେଉଁଥିରେ ଛାତ୍ରୀମାନେ ଚୁଟି ଛାଡ଼ି ଆସିବାକୁ ମନା କରାଯାଇଛି, ଏହାକୁ ତାଲିବାନର ଶରିୟା ନିୟମ ବୋଲି କହି ଛାତ୍ରୀମାନେ ବିରୋଧ କରୁଛନ୍ତି। ଏହି ବିଜ୍ଞପ୍ତି ବିଶ୍ୱବିଦ୍ୟାଳୟର ପ୍ରିନ୍ସପାଲ୍ ଡକ୍ଟର ରମଣ ସିହ୍ନା ପ୍ରଦାନ କରିଛନ୍ତି। ଇଣ୍ଟର କଲେଜରେ, ଏହି ଡ୍ରେସ୍ କୋଡ୍ ୨୦୨୧-୨୩ ଅଧିବେଶନର ଛାତ୍ରୀମାନଙ୍କ ପାଇଁ ଲାଗୁ ହେବ। ନୂତନ ଡ୍ରେସ କୋଡରେ ଛାତ୍ରୀମାନଙ୍କୁ ମଧ୍ୟ କିଛି କଠୋର ନିର୍ଦ୍ଦେଶ ଦିଆଯାଇଛି। ଏଥିରେ କଲେଜରେ ଖୋଲା କେଶ ନିଷେଧ ସାଙ୍ଗକୁ ଛାତ୍ରୀମାନଙ୍କୁ କଲେଜ ପରିସରରେ ସେଲଫି ନନେବାକୁ ମଧ୍ୟ କୁହାଯାଇଛି। ବିଜ୍ଞପ୍ତିରେ ଲେଖାଯାଇଛି ଯେ ଛାତ୍ରୀମାନେ ଗୋଟିଏ କିମ୍ବା ଦୁଇଟି ଚୁଟି ବାନ୍ଧି କଲେଜକୁ ଆସିବେ। ଅନ୍ୟପକ୍ଷରେ, ଯଦି କାହାର କେଶ ଖୋଲା ରହେ, ତେବେ ତାଙ୍କୁ ପ୍ରବେଶ କରିବାକୁ ଦିଆଯିବ ନାହିଁ ବୋଲି ବିଜ୍ଞପ୍ତିରେ ସଫା ସଫା ମନା କରାଯାଇଛି। ଏହା ବ୍ୟତୀତ ନୂତନ ଡ୍ରେସ କୋଡରେ ବାଳିକା ଛାତ୍ରମାନଙ୍କ ପାଇଁ ଆହୁରି ଅନେକ ନିର୍ଦ୍ଦେଶନାମା ଜାରି କରାଯାଇଛି।
କୁହାଯାଉଛି ଯେ ଭାଗଲପୁରର ସୁନ୍ଦରବତୀ ମହିଳା ମହାବିଦ୍ୟାଳୟ କମିଟି ଏହି ନିଷ୍ପତ୍ତି ନେଇଛି, ଯାହା ଉପରେ କଲେଜର ପ୍ରିନ୍ସପାଲ ରମଣ ସିହ୍ନା ତାଙ୍କର ଶେଷ ଅନୁମୋଦନ ଦେଇଛନ୍ତି। ଏସଏମ କଲେଜରେ ଦ୍ୱାଦଶ ଶ୍ରେଣୀର ବିଜ୍ଞାନ, ବାଣିଜ୍ୟ ଓ କଳା ଷ୍ଟ୍ରିମରେ ପ୍ରାୟ ୧୫୦୦ ଛାତ୍ରୀ ରହିଛନ୍ତି। ନୂତନ ଡ୍ରେସ୍ କୋଡ୍ ସ୍ଥିର କରିବାକୁ ପ୍ରିନ୍ସିପାଲ୍ ଏକ କମିଟି ଗଠନ କରିଥିଲେ। ସମାନ କମିଟି ନୂତନ ଅଧିବେଶନରେ ରୟାଲ ବ୍ଲୁ କୁର୍ତ୍ତୀ, ଧଳା ସାଲୱାର, ଧଳା ଡୁପାଟ୍ଟା, ଧଳା ଚୁଡ଼ି, କଳା ଜୋତା ଏବଂ କେଶରେ ଦୁଇ ବା ଗୋଟିଏ ବେଣୀ ବିଷୟରେ କୁହାଯାଇଛି କରିଛି। ଏହାସହ ଶୀତ ଋତୁରେ ରୟାଲ ବ୍ଲୁ ବ୍ଲେଜର ଏବଂ କାର୍ଡିଗାନ୍ ପିନ୍ଧିବାକୁ କୁହାଯାଇଛି।
ଏହି ନୂତନ ଡ୍ରେସ କୋଡର ବାକି ନିୟମ ଉପରେ ଝିଅମାନେ ସମ୍ପୂର୍ଣ୍ଣ ସମ୍ମତି ପ୍ରକାଶ କରିଥିଲେ ମଧ୍ୟ ଖୋଲା କେଶ ବ୍ୟାନ ଆଦେଶକୁ ଝିଅମାନେ ବିରୋଧ କରୁଛନ୍ତି। କଲେଜ୍ ପ୍ରଶାସନର ନିଷ୍ପତିକୁ କିଛି ଛାତ୍ରୀ ସ୍ବାଗତ କରିବା ସହ ଧନ୍ୟବାଦ ମଧ୍ୟ ଜଣାଇଛନ୍ତି।

Advertisement
Click to comment

Leave a Reply

Your email address will not be published. Required fields are marked *

Advertisement
Advertisement
Advertisement

Trending