Connect with us

ଦେଶ-ବିଦେଶ

ଅକ୍ସିଜେନ୍ ପାଇଁ ଓସ୍ତ ଗଛ ମୂଳେ କରୋନା ସଂକ୍ରମିତଙ୍କ ଭିଡ଼, କାରଣ ଜାଣିଲେ ତାଜୁବ ହୋଇଯିବେ….

Published

on

ପ୍ରିଜମ ନ୍ୟୁଜ୍ ବ୍ୟୁରୋ: ଯେତେବେଳେ ମଣିଷ କୌଣସି ବ୍ୟବସ୍ଥା ଉପରୁ ଆଶା ତୁଟିଯାଏ । ତାପରେ ସେତେବେଳେ ସେ ଅନ୍ଧବିଶ୍ୱାସର ସାହାରା ନେଇଥାଏ ବୋଲି କୁହାଯାଏ। ଅନ୍ଧବିଶ୍ୱାସ କବଳରେ କବଳିତ ଲୋକମାନେ ସମାଜ ସହ ନିଜର କ୍ଷତି କରିବାକୁ ମଧ୍ୟ ପଛାନ୍ତି ନାହିଁ। ସେମିତି ଏକ ଅନ୍ଧବିଶ୍ୱାସ ଉତ୍ତରପ୍ରଦେଶର ଶାହାଜାହାନପୁରରେ ଦେଖିବାକୁ ମିଳିଛି। ବାହାଦୁରଗଞ୍ଜ ଅଞ୍ଚଳରେ ଲୋକମାନେ କୋଭିଡ ପଜିଟିଭ୍ ହେବା ପରେ ସ୍ଥାନୀୟ ଏକ ଓସ୍ତ ଗଛ ମୂଳରେ ଏକାଠି ହୋଇଥିଲେ। ଯେତେବେଳେ କରୋନା ରୋଗୀ ଗୋଟିଏ କୋଠରୀରୁ ଅନ୍ୟ କୋଠରୀକୁ ଯିବା ଅନ୍ୟମାନଙ୍କ ପାଇଁ ବିପଦ ସୃଷ୍ଟି କରିଥାଏ ।

ସେହିଭଳି ସମୟରେ ଏହି ଘଟଣା ସ୍ଥାନୀୟ ଅଞ୍ଚଳରେ ଚହଳ ସୃଷ୍ଟି କରିଛି । କୋଭିଡ ପଜିଟିଭ୍ ଘୋଷିତ ହେବା ପରେ ଦୁଇ ପରିବାରର ପ୍ରାୟ ୬ରୁ ଅଧିକ ଲୋକ ଅମ୍ଳଜାନ ସପ୍ଲିମେଣ୍ଟ ପାଇଁ ସେହି ଓସ୍ତ ଗଛ ତଳେ ଶୋଇଥିବାର ଦେଖିବାକୁ ମିଳିଥିଲା। ଗଛ ମୂଳରେ ଶୋଇଥିବା ମହିଳାମାନଙ୍କ ମଧ୍ୟରୁ ଉର୍ମିଲା କୁହନ୍ତି, “ମୋର ନିଶ୍ୱାସ ନେବାରେ ଅସୁବିଧା ହେଉଥିଲା ଏବଂ ମୋର ଅମ୍ଳଜାନ କମ୍ ରହିଥିଲା ଏବଂ ଅମ୍ଳଜାନ ନେବାର କୌଣସି ସାହାରା ନଥିଲା। କେହି ଜଣେ ମୋତେ କହିଥିଲେ ଯେ ଓସ୍ତ ଗଛ ଅମ୍ଳଜାନ ବାହାର କରିଥାଏ ଏବଂ ମୋ ପରିବାର ଲୋକ ମୋତେ ଏଠାକୁ ଆଣିଥିଲେ।” ଘଟଣା ବିଷୟରେ ଜାଣିବା ପରେ ସ୍ଥାନୀୟ ବିଧାୟକ ରୋଶନଲାଲ ବର୍ମା ଏହି ଅଞ୍ଚଳରେ ପହଞ୍ଚି ଲୋକଙ୍କୁ ଭେଟିଥିଲେ। ସ୍ୱାସ୍ଥ୍ୟ ସେବାର ଅବସ୍ଥା ଉପରେ କ୍ରୋଧ ପ୍ରକାଶ କରି ଜିଲ୍ଲା କର୍ତ୍ତୃପକ୍ଷଙ୍କୁ ଟେଲିଫୋନ୍ କରି ରୋଗୀଙ୍କୁ ଡାକ୍ତରଖାନା ସ୍ଥାନାନ୍ତର କରିବାକୁ କହିଥିଲେ।


ତେବେ ଉର୍ମିଲା କହିଛନ୍ତି ଯେ, ଓସ୍ତ ଗଛ ତଳେ ସେ ନିଜକୁ ଆଗ ଅପେକ୍ଷା ଅଧିକ ସୁସ୍ଥ ଅନୁଭବ କରୁଥିବାରୁ ସେ ଡାକ୍ତରଖାନାକୁ ଯିବାକୁ ଚାହୁଁ ନାହାନ୍ତି । ତାଙ୍କ ପରିବାର ସଦସ୍ୟ କହିଛନ୍ତି, “ଆମକୁ କୁହାଯାଇଥିଲା ଯେ, ଓସ୍ତ ଗଛ ସର୍ବାଧିକ ଅମ୍ଳଜାନ ଦେଇଥାଏ। କୌଣସି ବିକଳ୍ପ ବାକି ନଥିବାରୁ ଆମେ ଆମ ଖୁଡିଙ୍କୁ ଏଠାକୁ ଆଣିଥିଲୁ ଏବଂ ସେ ବହୁ ପରିମାଣରେ ସୁସ୍ଥ ହୋଇଛନ୍ତି । ଗୁରୁତ୍ୱପୂର୍ଣ୍ଣ ବିଷୟ ହେଉଛି ଯେ, ତାଙ୍କ ସ୍ବାସ୍ଥ୍ୟରେ ଉନ୍ନତି ଆସୁଛି, ତାଙ୍କର ଆଉ ଅମ୍ଳଜାନର ଆବଶ୍ୟକତା ନାହିଁ। ତେବେ ଲୋକ କଣ କହୁଛନ୍ତି ସେଥି ପ୍ରତି ଆମର ଖାତିର ନାହିଁ।


ଏ ବିଷୟରେ ଲକ୍ଷ୍ନୌ ଡାକ୍ତରୀ ବିଶେଷଜ୍ଞମାନେ ଦାବି କରିଛନ୍ତି ଯେ, ଶାରୀରିକ ଅପେକ୍ଷା ଏହାର ପ୍ରଭାବ ଅଧିକ ମାନସିକ ଅଟେ । ୱାହିମ କିଙ୍ଗ ଜର୍ଜ ମେଡିକାଲ ୟୁନିଭରସିଟିର ଜଣେ ଡାକ୍ତର କହିଛନ୍ତି ଯେ, ବୋଧହୁଏ ଏହା ନିର୍ମଳ ବାୟୁ ଯାହା ଲୋକଙ୍କୁ ନିଶ୍ୱାସ ନେବାରେ ସାହାଯ୍ୟ କରିଥାଏ।

Advertisement
Advertisement

Trending