ସକାଳୁ କୁକୁଡ଼ା ରାବିବାରୁ ଥାନାରେ ଅଭିଯୋଗ କଲେ ଡାକ୍ତର

ପ୍ରିଜମ ନ୍ୟୁଜ ବ୍ୟୁରୋ: ଆମେ ପିଲାଦିନରୁ ଶୁଣିଛେ ଯେ ଗାଁର ଲୋକମାନେ କୁକୁଡ଼ା ଡାକ ଶୁଣି ସକାଳେ ଉଠନ୍ତି। କୁକୁଡ଼ା ପ୍ରଥମେ ବଡି ଭୋରରୁ ରାବ ଦେଇଥାଏ, ଏବଂ ଏହାକୁ ଜୀବିତ ଆଲାର୍ମ କୁହାଯାଏ। କୁକୁଡ଼ା ରାବ ପରେ ଲୋକମାନେ ଭୋରରୁ ଉଠିବା ସହ ବିଳମ୍ବ ପର୍ଯ୍ୟନ୍ତ ଶୋଇବାକୁ ଏଡ଼ାଉଥିଲେ। ଏବଂ ସର୍ବଦା ସମୟାନୁବର୍ତ୍ତୀ ଥିଲେ । କିନ୍ତୁ ବର୍ତ୍ତମାନ ଅନେକ ଲୋକ କୁକୁଡ଼ା ରାବକୁ ପସନ୍ଦ କରନ୍ତି ନାହିଁ। ଏହା ସହ ଏବେ ଲୋକମାନେ କୁକୁଡ଼ା ରାବ ଅନୁସାରେ ଜାଗ୍ରତ ହେବାକୁ ପସନ୍ଦ କରନ୍ତି ନାହିଁ। ବର୍ତ୍ତମାନ ଲୋକମାନେ ମୋବାଇଲ୍ ଚାର୍ଜ ଥିବା ପର୍ଯ୍ୟନ୍ତ ଜାଗ୍ରତ ରୁହନ୍ତି ଏବଂ ମୋବାଇଲ୍ ବାଜିବା ପରେ ସକାଳୁ ଉଠନ୍ତି। ଏପରି ପରିସ୍ଥିତିରେ ନିରୀହ କୁକୁଡ଼ା ପ୍ରତିଦିନ ସକାଳେ ରାବିବା ତାକୁ ମହଙ୍ଗା ପଡିଛି।

ମଧ୍ୟପ୍ରଦେଶର ଇନ୍ଦୋରରୁ ଏଭଳି ଏକ ମାମଲା ସାମ୍ନାକୁ ଆସିଛି ଯାହା ଶୁଣିଲେ ଯେ କେହିବି ତାଯୁବୁ ହେବେ। ପ୍ରତିଦିନ ସକାଳେ କୁକୁଡ଼ା ରାବ ଜଣେ ବ୍ୟକ୍ତିଙ୍କୁ ଏତେ ଅସୁବିଧାରେ ପକାଇଥିଲା ଯେ, ସେ କୁକୁଡ଼ା ନାରେ ଅଭିଯୋଗ କରିବାକୁ ପୋଲିସ ଷ୍ଟେସନ ଯିବାକୁ ପଛେଇ ନାହାନ୍ତି। ଇନ୍ଦୋରରେ ରହୁଥିବା ଜଣେ ଡାକ୍ତର ତାଙ୍କ ପଡ଼ୋଶୀଙ୍କ କୁକୁଡ଼ା ବିରୋଧରେ ଅଭିଯୋଗ କରିଛନ୍ତି। ପ୍ରତିଦିନ ସକାଳେ ତାଙ୍କ ପଡୋଶୀଙ୍କ କୁକୁଡ଼ା ବଡ ପାଟି କରି ରାବୁଥିଲା। ଯାହାକି ଡାକ୍ତରଙ୍କୁ ବିବ୍ରତ କରୁଥିଲା, ସେ ଏହି ଘଟଣାରେ ସିଧାସଳଖ ପୋଲିସ ଷ୍ଟେସନରେ ପହଞ୍ଚିଥିଲେ ଏବଂ ଏହି ପ୍ରସଙ୍ଗରେ ପଡୋଶୀଙ୍କ ବିରୋଧରେ ଅଭିଯୋଗ ମଧ୍ୟ କରିଥିଲେ। ଅଭିଯୋଗ ଦାଖଲ କରିଥିବା ଡାକ୍ତର ସହରର ପାଲାସିଆ ଅଞ୍ଚଳରେ ରୁହନ୍ତି। ଏଥି ସହିତ ପୋଲିସ କହିଛି ଯେ ସେମାନେ ପ୍ରଥମେ ଉଭୟ ପକ୍ଷଙ୍କ ସହ କଥାବାର୍ତ୍ତା କରିବାକୁ ଚେଷ୍ଟା କରିବେ ଏବଂ ଯଦି ଏହାର ସମାଧାନ ନହୁଏ ତେବେ ଏହି ମାମଲାରେ କିଛି ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯିବ। ଏହି ଅଭିଯୋଗ ଆଣିଥିବା ଡାକ୍ତରଙ୍କ ନାମ ହେଉଛି ଆଲୋକ ମୋଦୀ।

ପୋଲିସର କହିବାନୁସାରେ, ଯଦି ଉଭୟ ପକ୍ଷ ନିଜ ନିଜ ମଧ୍ୟରେ କଥାବାର୍ତ୍ତା କରି ସମସ୍ୟାର ସମାଧାନ କରିବାକୁ ପ୍ରସ୍ତୁତ ନୁହଁନ୍ତି, ତେବେ CrPC ର ଧାରା ୧୩୩ ​​ଅନୁଯାୟୀ କାର୍ଯ୍ୟାନୁଷ୍ଠାନ ନିଆଯିବ। ଏହି ମାମଲା ସର୍ବସାଧାରଣ ସ୍ଥାନରେ ବେଆଇନ ବାଧା ସୃଷ୍ଟି କିମ୍ବା ଉଦ୍ବେଗ ସୃଷ୍ଟି କରିବା ବିଷୟରେ। ଅଭିଯୋଗକାରୀଙ୍କ କହିବାନୁସାରେ, ଜଣେ ମହିଳା ତାଙ୍କ ଘର ନିକଟରେ ଅନେକ କୁକୁଡ଼ା ରଖିଛନ୍ତି, ଯେଉଁମାନେ ପ୍ରତିଦିନ ସକାଳୁ ରାବି ବା ସହ ତାଙ୍କ ଚିତ୍କାର ମୋତେ ବିଚଳିତ କରିଥାଏ । ଡାକ୍ତରଙ୍କ କହିବାନୁସାରେ, ସେ ପ୍ରତିଦିନ ବିଳମ୍ବିତ ରାତିରେ କାମରୁ ଘରକୁ ଫେରିଥାନ୍ତି । ଏପରି ପରିସ୍ଥିତିରେ, କୁକୁଡ଼ା ଶବ୍ଦ ସକାଳେ ତାଙ୍କ ନିଦକୁ ବ୍ୟାହତ କରିଥାଏ, ଯେଉଁଥିପାଇଁ ସେ ବହୁତ ଅସୁବିଧାରେ ପଡ଼ନ୍ତି।