ଚୀନ୍‌ରେ ୫୦ ବର୍ଷ ପରେ ଭୟଙ୍କର ବର୍ଷା, ବନ୍ୟା ପାଣି ପଶି ଉହାନ ସମେତ ବିଭିନ୍ନ ସହର ଜଳମଗ୍ନ

ପ୍ରିଜମ୍ ନ୍ୟୁଜ ବ୍ୟୁରୋ: କୋରୋନା ଭାଇରସ୍‌ ପରି ଭୟଙ୍କର ଭୂତାଣୁ ଉତ୍ପନ୍ନ କରିଥିବା ଚୀନ ପାଇଁ ବିପଦ ବଢିବାରେ ଲାଗିଛି । ମହାମାରୀ ଜନ୍ମ କରି ସାରା ବିଶ୍ୱକୁ ଆତଙ୍କିତ କରିଥିବା ଚୀନ୍‌ ଏବେ ପ୍ରକୃତିର ତାଣ୍ଡବରେ ଥରହର ହେଉଛି । ଭୀଷଣ ବର୍ଷା ଯୋଗୁ ଚୀନ୍‌ର ୪୩୩ଟି ନଦୀରେ ପ୍ରଳୟଙ୍କରୀ ବନ୍ୟା ସୃଷ୍ଟି ହୋଇଛି । ଜଳମଗ୍ନ ହୋଇଛି ବଡ଼ ବଡ଼ ସହର । ଏମିତି କି କୋରୋନାର ପେଣ୍ଠସ୍ଥଳୀ କୁହାଯାଉଥିବା ଉହାନ୍‌ ସହର ଜଳସମାଧି ନେବାକୁ ବସିଛି । ଶେଷ ସୂଚନା ଅନୁସାରେ ବନ୍ୟାରେ ଏଯାବତ୍‌ ୧୪୧ ଲୋକଙ୍କ ମୃତ୍ୟୁ ହୋଇଛି । ଏସବୁ ଦେଖିଲେ ଲାଗୁଛି ବିଧାତା ଯେମିତି ଚୀନରେ ବିନାଶ କରିବାକୁ ପ୍ରତିଜ୍ଞା କରିଛି। ଆଉ କୋରୋନା ପରି ମହାମାରୀ ଜନ୍ମ ଦେଇଥିବା ଚୀନ୍‌ ତା’ର ପରିଣାମ ଭୋଗୁଛି ।

ଗତ ମାସରେ ବନ୍ୟାରେ ୨୮ ହଜାର ଘର କ୍ଷତିଗ୍ରସ୍ତ ହୋଇଛି । ଶହେରୁ ଅଧିକ ଲୋକ ମରିଛନ୍ତି କି ନିଖୋଜ ଅଛନ୍ତି ସେନେଇ କୌଣସି ସୂଚନା ମିଳିନାହିଁ । ପୂରା ଚୀନରେ ତାଣ୍ଡବ ରଚାଇଛି ବନ୍ୟା । ଲୋକଙ୍କୁ ସୁରକ୍ଷିତ ସ୍ଥାନକୁ ସ୍ଥାନାନ୍ତର କରାଯାଉଛି । ଆଗକୁ ବର୍ଷା ଲାଗି ରହିଲେ ସ୍ଥିତି ଆହୁରି ଜଟିଳ ହୋଇପଡ଼ିବ । କୁହାଯାଉଛି, ୧୯୬୧ ମସିହା ପରେ ଏହା ହେଉଛି ଚୀନ୍‌ରେ ସବୁଠୁ ଭୟଙ୍କର ବର୍ଷା।