‘ରମାକୁ ମାରିବାର ପାଞ୍ଚଟି ଉପାୟ’ ପାଇଁ ଦେବଦାସ ଛୋଟରାୟଙ୍କୁ ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର, ବୀଣାପାଣି ପଣ୍ଡାଙ୍କୁ ବି ମିଳିବ ସମ୍ମାନ

ପ୍ରିଜମ ନ୍ୟୁଜ ବ୍ୟୁରୋ: ୨୦୧୫-୧୬ ମସିହା ପାଇଁ ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର ଘୋଷଣା । ୯ଟି ବିଭାଗ ପାଇଁ ବିଭିନ୍ନ ଲେଖକ, ଲେଖିକାଙ୍କୁ ପୁରସ୍କୃତ କରାଯିବ। ଉପନ୍ୟାସ ‘ଗୋଟିଏ ଯୋଡ଼ି ଗାଁର କାହାଣୀ’ ପାଇଁ ନିତ୍ୟାନନ୍ଦ ପଣ୍ଡାଙ୍କୁ ମିଳିବ ସାହିତ୍ୟ ଏକାଡେମୀ ପୁରସ୍କାର । ସେହିପରି ‘ଗୋଧୂଳି ଗୀତ’ କବିତା ପାଇଁ ବୀଣାପାଣୀ ପଣ୍ଡାଙ୍କୁ ମିଳିବ ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର । ‘ରମାକୁ ମାରିବାର ୫ଟି ଉପାୟ’ କ୍ଷୁଦ୍ରଗଳ୍ପ ପାଇଁ ଦେବଦାସ ଛୋଟରାୟ, ‘ଆଲୋଚନା ପ୍ରସଙ୍ଗ’ ପାଇଁ ପ୍ରସନ୍ନ ସ୍ୱାଇଁ, ‘ଆତ୍ମଲିପି ଓ ଅନ୍ୟାନ୍ୟ’ ପାଇଁ ଫକୀର ସିଂହ ଓ ‘ଫେରନ୍ତି ଘର’ କବିତା ପାଇଁ ଭଗବାନ ଜୟସିଂ, ‘ଚୁଇଁ ଚଢ଼େଇ’ ଶିଶୁ ସାହିତ୍ୟ ପାଇଁ ଦେବେନ୍ଦ୍ର ଚୌଧୁରୀ, ‘ତଥାପି କିଛି ରହିଯିବ’ ଅନୁବାଦ ପାଇଁ ବିଜୟ ମହାନ୍ତି, ‘ପ୍ରତି ପଲକରେ ତୁମେ’ ଗୀତି କବିତା ପାଇଁ ମନୋଜ ମହାନ୍ତିଙ୍କୁ ପୁରସ୍କୃତ କରାଯିବ ।

ସେହିପରି ‘ଗପର ମୁହଁ’ କ୍ଷୁଦ୍ରଗଳ୍ପ ପାଇଁ ପବିତ୍ର ପାଣିଗ୍ରାହୀଙ୍କୁ ଓଡ଼ିଶା ସାହିତ୍ୟ ଏକାଡେମୀ ପୁରସ୍କାର ମିଳିବ। ସାହିତ୍ୟ ସମାଲୋଚନା ତାତ୍ତ୍ୱିକ ଓ ପ୍ରାୟୋଗିକ ପ୍ରସଙ୍ଗ ପାଇଁ ପଞ୍ଚାନନ ମିଶ୍ର ସାହିତ୍ୟ ଏକାଡେମୀ ପୁରସ୍କାର ପାଇବେ ।