ପେଟୁ ସ୍ଵାମୀଙ୍କଠୁ ଛାଡ଼ପତ୍ର ଚାହାନ୍ତି ମହିଳା, ସ୍ୱାମୀଙ୍କ ପାଇଁ ଖାଇବାକୁ ପାଉନାହାନ୍ତି

ପ୍ରିଜମ୍ ନ୍ୟୁଜ ବ୍ୟୁରୋ: ସାଧାରଣ ଭାବେ ମହିଳାମାନେ ନିଜ ସ୍ବାମୀ ଓ ପିଲାମାନଙ୍କୁ ଭଳିକି ଭଳି ମନ ପସନ୍ଦର ଖାଦ୍ୟ ତିଆରି କରି ଖୁଆଇବାକୁ ପସନ୍ଦ କରନ୍ତି। କିନ୍ତୁ ସ୍ୱାମୀଙ୍କର ଖାଇବା ଅଭ୍ୟାସକୁ ନେଇ କେହି କେବେ ଛାଡ଼ପତ୍ର ନେବା କଥା ଶୁଣିଛନ୍ତି କି? ସେମିତି ଏକ ଘଟଣା ଏବେ ସୋସିଆଲ ମିଡିଆରେ ଚହଳ ପକେଇଛି। ଜଣେ ମହିଳା ତାଙ୍କ ସ୍ଵାମୀ ଅଧିକ ଖାଉଥିବାରୁ ଛାଡ଼ପତ୍ର ପାଇଁ ଆବେଦନ କରିବା ସମସ୍ତଙ୍କୁ ଆଶ୍ଚର୍ଯ୍ୟ କରିଛି। ଜଣେ ପତ୍ନୀ ତାଙ୍କ ସ୍ୱାମୀଙ୍କ ଆବଶ୍ୟକତାଠାରୁ ଅଧିକ ଖାଇବା ଅଭ୍ୟାସରେ ଅତ୍ୟନ୍ତ ବିରକ୍ତ ହୋଇ ଛାଡପତ୍ର ନେବାକୁ ଚିନ୍ତା କରିଛନ୍ତି। ଯଦିଓ ଏହି ଘଟଣାଟି ବିଦେଶରୁ ଆସିଛି, କିନ୍ତୁ ଭାରତୀୟ ମହିଳାଙ୍କୁ ମଧ୍ୟ ଅନେକ ସମୟରେ ଏଭଳି ପରିସ୍ଥିତିର ସାମ୍ନା କରିବାକୁ ପଡେ।
ବିଦେଶୀ ମହିଳା ଜଣକ ଅଭିଯୋଗ କରିଛନ୍ତି ଯେ ତାଙ୍କ ସ୍ୱାମୀ ତୁରନ୍ତ ଘରେ ପ୍ରସ୍ତୁତ ସମସ୍ତ ଖାଦ୍ୟ ଖାଇଦେଉଛନ୍ତି। ଯଦି ସେ ଖାଦ୍ୟ ଖାଇବାରେ ଟିକେ ବିଳମ୍ବ କରନ୍ତି, ତେବେ ସେ ନିଜ ଘରେ ପେଟପୁରା ଖାଦ୍ୟ ପାଇପାରିନ୍ତି ନାହିଁ। ମହିଳା କହିଛନ୍ତି ଯେ ଏହି ସମସ୍ୟା ଉଭୟଙ୍କ ପାରିବାରିକ ପୃଷ୍ଠଭୂମି ସହିତ ଜଡିତ। ତାଙ୍କୁ ଘରେ କୌଣସି ଜିନିଷ ବ୍ୟବହାର କରିବା ପୂର୍ବରୁ ଅନ୍ୟମାନଙ୍କୁ ପଚାରିବାକୁ ଶିଖାଯାଇଥିବା ବେଳେ ତାଙ୍କ ସ୍ୱାମୀ କେବଳ ଜାଣନ୍ତି ଯେ ‘ଖାଦ୍ୟ ଖାଇବା ପାଇଁ ହୋଇଥାଏ, ସଞ୍ଚୟ କରିବା ପାଇଁ ନୁହେଁ’।
ଏହାସହ ପତ୍ନୀ ଜଣକ ଅଭିଯୋଗ କରିଛନ୍ତି ଯେ ରୋଷେଇ କରିବା ସମୟରେ ତାଙ୍କ ସ୍ୱାମୀ ତାଙ୍କୁ କୌଣସି ସାହାଯ୍ୟ କରନ୍ତି ନାହିଁ, କିନ୍ତୁ ଖାଦ୍ୟ ରାନ୍ଧିବା ମାତ୍ରେ ସମସ୍ତ ଖାଦ୍ୟ ଖାଇଦେଇଥାନ୍ତି। ଯଦି ସେ ଖାଦ୍ୟ ଖାଇ ନଥାନ୍ତି, ତେବେ ସ୍ୱାମୀ ତାଙ୍କୁ ଖାଦ୍ୟ ବିଷୟରେ ପଚାରନ୍ତି ବି ନାହିଁ।କେବଳ ସେତିକି ନୁହେଁ, ପତ୍ନୀ ଜଣଙ୍କ କହିଛନ୍ତି ଯେ ଯଦି ସେ ଘରକୁ ଜୁସ୍ କିମ୍ବା ସ୍ନାକ୍ସ କିଣିକି ଆଣନ୍ତି, ତା’ହେଲେ ତାଙ୍କ ସ୍ୱାମୀ ସବୁ ଜିନିଷକୁ ମାତ୍ର କିଛି ସମୟ ଭିତରେ ଶେଷ କରି ଦିଅନ୍ତି ତାଙ୍କ ପାଇଁ କିଛି ବଳକା ରଖନ୍ତି ନାହିଁ। ମହିଳା ଜଣକ ଆହୁରି ମଧ୍ୟ କହିଛନ୍ତି ଯେ ସେ ଏହି ପ୍ରସଙ୍ଗରେ ତାଙ୍କ ସ୍ୱାମୀଙ୍କ ସହ ଅନେକ ଥର କଥାବାର୍ତ୍ତା କରିଛନ୍ତି। କିନ୍ତୁ ତାଙ୍କ ସ୍ୱାମୀ କୁହନ୍ତି ଯେ ସେ ଅଧିକ ଖାଦ୍ୟ ଖାଆନ୍ତି, ତେଣୁ ସେ ଅଧିକ ସପିଂ କରିବା ଉଚିତ୍। ମହିଳା ଜଣକ ସବୁବେଳେ ଚିନ୍ତିତାରେ ରୁହନ୍ତି ଯେ ଯଦି ସେ ତୁରନ୍ତ ନିଜର ରନ୍ଧା ଖାଦ୍ୟ ନଖାଇବେ, ତେବେ ସେ ଟେଷ୍ଟ କରିବାକୁ ମଧ୍ୟ ଅଳ୍ପ ଖାଦ୍ୟ ପାଇବେ ନାହିଁ। ସେ ତାଙ୍କ ସ୍ୱାମୀଙ୍କର ଏହି ଅଭ୍ୟାସ ଅସଭ୍ୟ ବୋଲି କହିଛନ୍ତି। ଏହି ପ୍ରସଙ୍ଗନେଇ ବିବାହିତ ଦମ୍ପତିଙ୍କ ମଧ୍ୟରେ ଅନେକ ଝଗଡ଼ା ମଧ୍ୟ ହୋଇଥିଲା। ଶେଷରେ ସମ୍ପର୍କରେ ଏତେ ତିକ୍ତତା ଆସିଥିଲା ଯେ କଥା ଯାଇ ଛାଡ଼ପତ୍ର ରେ ପହଞ୍ଚି ଥିଲା। ତେବେ ସ୍ୱାମୀ ଅନୁଭବ କରନ୍ତି ଯେ ସ୍ତ୍ରୀଙ୍କୁ ରୋଷେଇ କରିବାରେ ସମସ୍ୟା ରହୁଥିବା ବେଳେ ପତ୍ନୀ ସ୍ୱାମୀକୁ ସ୍ୱାର୍ଥପର ମନେ କରନ୍ତି। ଏହି ପ୍ରସଙ୍ଗରେ ସେ ଲୋକଙ୍କ ଠାରୁ ମତାମତ ମଧ୍ୟ ମାଗିଥିଲେ। ପ୍ରଶ୍ନର ଉତ୍ତରରେ ଅଧିକାଂଶ ଲୋକ କହିଛନ୍ତି ଯେ ତାଙ୍କ ସ୍ୱାମୀ ସ୍ୱାର୍ଥପର ଏବଂ ତାଙ୍କ ପାଇଁ ଚିନ୍ତା କରୁନାହାଁନ୍ତି। ଏପରି ପରିସ୍ଥିତିରେ ସେ ତାଙ୍କ ପାଇଁ ରୋଷେଇ କରିବା କିମ୍ବା କୌଣସି ଖାଦ୍ୟ କିଣିବା ଉଚିତ୍ ନୁହେଁ। ଅନେକ ଲୋକ ତାଙ୍କୁ ଏକ ତାଲା ପଡିଥିବା ଫ୍ରିଜ୍ ଏବଂ ପାତ୍ରଗୁଡିକ ରଖିବାକୁ କହିଛନ୍ତି ଯାହା ଦ୍ଵାରା ସେ ଆରାମରେ ଖାଇବା ପାଇଁ ଖାଦ୍ୟ ପାଇପାରିବେ।