ଏହି ଗାଁରେ ଦେଢ଼ ମିଟର ଉଚ୍ଚ ଘରେ ରହୁଛନ୍ତି ଲୋକେ, ଜାଣନ୍ତୁ କାହିଁକି?

ପ୍ରିଜମ ନ୍ୟୁଜ ବ୍ୟୁରୋ:ଆପଣ ବାମନ ଲୋକଙ୍କ ଦୁନିଆ ବିଷୟରେ ଶୁଣିଥିବେ। ସେମାନଙ୍କ ବେଶଭୂଷା, ଚାଲିଚଳନି ଓ ଘରଦ୍ୱାର କିପରି ହୋଇଥିବ ସେ ବିଷୟର ମଧ୍ୟ ଭାବୁଥିବେ। ତେବେ ଆପଣଙ୍କ ଆଖପାଖରେ ଜଣେ ଦୁଇଜଣ ବାମନ ଲୋକଙ୍କୁ ଦେଖିଥିବେ ନଶ୍ଚୟ। କିନ୍ତୁ ଆଜି ଆମେ ଆପଣଙ୍କୁ ଏହି ଭଳି ଏକ ରହସ୍ୟମୟ ଗାଁ ବିଷୟରେ କହିବାକୁ ଯାଉଛୁ। ଯେଉଁ ଗାଁରେ କେବଳ ବାମନମାନେ ରୁହନ୍ତି। ଏହି ଚମତ୍କାର ଗାଁ ଇରାନରେ ରହିଛି। ଆମେ ଆପଣଙ୍କୁ କହିବୁ ଯେ ବର୍ତ୍ତମାନ ଏହି ଗାଁରେ କୌଣସି ବାମନ ଲୋକ ବାସ କରୁନାହାଁନ୍ତି, କିନ୍ତୁ ଶହ ଶହ ବର୍ଷ ପୂର୍ବେ ଏଠାରେ କେବଳ ବାମନ ଲୋକମାନେ ବାସ କରୁଥିଲେ।

ବାମନମାନେ ପ୍ରାୟ ୧୫୦ ବର୍ଷ ପୂର୍ବେ ଇରାନର ମାଖୁନିକ୍ ଗ୍ରାମରେ ରହୁଥିଲେ। ଏହି ଗ୍ରାମ ଇରାନ-ଆଫଗାନିସ୍ତାନ ସୀମାଠାରୁ ପ୍ରାୟ ୭୬ କିଲୋମିଟର ଦୂରରେ ଅବସ୍ଥିତ। କୁହାଯାଏ ଯେ ବର୍ତ୍ତମାନ ଇରାନବାସୀଙ୍କ ହାରାହାରି ଉଚ୍ଚତା ଯେତିକି ଏହି ବାମନମାନଙ୍କର ଲମ୍ବ ସେମାନଙ୍କ ତୁଳନାରେ ପ୍ରାୟ ୫୦ ସେଣ୍ଟିମିଟର କମ୍ ଥିଲା। ୨୦୦୫ ମସିହାରେ ଖନନ ସମୟରେ ଏହି ଗାଁରୁ ଏକ ମମି ମିଳିଥିଲା, ଯାହାର ଲମ୍ବ ମାତ୍ର ୨୫ ସେମି ଥିଲା। ଏହି ମମି ମିଳିବା ପରେ ଅନୁସନ୍ଧାନରୁ ଜଣାପଡିଛି ଯେ ଅତି କମ ଉଚ୍ଚତା ବିଶିଷ୍ଟ ଲୋକମାନେ ଏହି ଗାଁରେ ରହୁଥିଲେ।ବିଶେଷଜ୍ଞଙ୍କ ଅନୁଯାୟୀ, ଗାଁରେ ମିଳିଥିବା ମମି ସମୟ ପୂର୍ବରୁ ଜନ୍ମ ହୋଇଥିବା ଶିଶୁର ହୋଇଥାଇପାରେ। ପ୍ରାୟ ୪୦୦ ବର୍ଷ ପୂର୍ବେ ଯିଏ ମରିଥିବ ନିଶ୍ଚୟ । ସେମାନେ ବିଶ୍ବାସ କରନ୍ତି ନାହିଁ ଯେ ଏହି ଗାଁର ଲୋକମାନେ ବାମନ ହୋଇପାରିବେ ବୋଲି। ମାଖୁନିକ୍ ନାମକ ଏହି ଗାଁ ହେଉଛି ଇରାନର ଏକ ଦୂର ଶୁଷ୍କ ଅଞ୍ଚଳ। ଏହି ସ୍ଥାନରେ କିଛି ଶସ୍ୟ, ଖଜୁରୀ, ସେଲଜମ୍, ବେରି ଏବଂ ଜ ଚାଷ କରାଯାଉଥିଲା।

ଏଠାରେ ବାସ କରୁଥିବା ଲୋକମାନେ ସଂପୂର୍ଣ୍ଣ ଶାକାହାରୀ ଥିଲେ। ଶରୀରର ବିକାଶ ପାଇଁ ଆବଶ୍ୟକ ପୁଷ୍ଟିକର ଖାଦ୍ୟ ଏଠାରେ ରହୁଥିବା ଲୋକଙ୍କ ପାଇଁ ଉପଲବ୍ଧ ନଥିଲା। ଏହି କାରଣରୁ ଏଠାରେ ଥିବା ଲୋକମାନଙ୍କର ଶାରୀରିକ ବିକାଶ ସମ୍ପୂର୍ଣ୍ଣ ରୂପେ ବିକଶିତ ହୋଇପାରିନଥିବା କୁହାଯାଉଛି।କୁହାଯାଏ ଯେ ଇରାନର ବୃହତ ଜନବହୁଳ ଅଞ୍ଚଳରୁ ମାଖୁନିକ୍ ଗାଁ ସମ୍ପୂର୍ଣ୍ଣ ଭାବେ ବିଚ୍ଛିନ୍ନ ହୋଇଯାଇଥିଲା। କାରଣ ଗାଁରେ ପହଞ୍ଚିବା ପାଇଁ ରାସ୍ତା ନଥିଲା। ବିଂଶ ଶତାବ୍ଦୀ ସମୟରେ, ଯେତେବେଳେ ଏହି ଅଞ୍ଚଳରେ ରାସ୍ତା ନିର୍ମାଣ କରାଯାଇଥିଲା, ଲୋକମାନେ ଏଠାରେ ପହଞ୍ଚିବା ଆରମ୍ଭ କରିଥିଲେ। ଏହା ପରେ ଏହି ଗାଁ ବିଷୟରେ ଜାଣିବା ପରେ ଏଠାକାର ଲୋକମାନେ ସେମାନଙ୍କୁ ସହରରେ କାମ ପାଇଁ ନେବା ଆରମ୍ଭ କରିଥିଲେ। ଏଠାକାର ଲୋକମାନେ କାମ ବଦଳରେ ଚାଉଳ ଏବଂ କୁକୁଡା ଆଣି ନିଜ ଗାଁକୁ ଆସୁଥିଲେ। ଏହା ପରେ ଏଠାକାର ଲୋକଙ୍କ ଖାଦ୍ୟ- ପାନୀୟରେ ପରିବର୍ତ୍ତନ ଆରମ୍ଭ ହୋଇଥିଲା। ଯେଉଁଥିପାଇଁ ଗାଁର ପ୍ରାୟ ୭୦୦ ଲୋକଙ୍କ ଲମ୍ବା ହାରାହାରି ହୋଇଗଲା।

ଆଜି ବି ଏହି ଗାଁରେ ବହୁ ପୁରୁଣା ଘର ରହିଛି। ଯାହା ଦର୍ଶାଏ ଯେ ଏଠାରେ ଥିବା ଲୋକମାନଙ୍କର ଲମ୍ବ ବହୁତ କମ୍ ଥିଲା। ମାଖୁନିକ୍ ଗ୍ରାମରେ ପ୍ରାୟ ଦୁଇଶହ ଘର ଅଛି, ସେଥିମଧ୍ୟରୁ ୭୦ ରୁ ୮୦ ଟି ଏପରି ଘର ଯାହାର ଉଚ୍ଚତା ବହୁତ କମ୍ ଅଟେ। ଏହି ଘରଗୁଡ଼ିକର ଉଚ୍ଚତା ମାତ୍ର ଦେଧରୁ ଦୁଇ ମିଟର । ଏଠାରେ ଥିବା ୧ ମିଟର ଏବଂ ୪ ସେମି ଉଚ୍ଚରେ ନିର୍ମିତ ଛାତ ଦେଖି ଏହା ସ୍ପଷ୍ଟ ହୋଇଯାଏ ଯେ ଏଠାରେ କେବଳ ବାମନ ଲୋକ ରହୁଥିଲେ।