କରୋନାରୁ ସୁସ୍ଥ ହେବା ପରେ ବଢୁଛି ସ୍ନାୟୁ ଓ ହୃଦ ରୋଗୀଙ୍କ ସଂଖ୍ୟା

ପ୍ରିଜମ ନ୍ୟୁଜ ବ୍ୟୁରୋ:କରୋନା ସୁସ୍ଥ ହେବା ପରେ ବିଭିନ୍ନ ପ୍ରକାର ସ୍ବାସ୍ଥ୍ୟ ସମସ୍ୟା ଦେଖା ଯାଉଥିବା ଘଟଣା ଦେଖିବାକୁ ମିଳୁଛି। ତେବେ ଏବେ ଆଉ ଏକ ନୂଆ ସମସ୍ୟା ଦେଖା ଦେଇଛି କରୋନାରୁ ସୁସ୍ଥ ହୋଇଥିବା ଲୋକଙ୍କ ପାଖରେ। କରୋନାରୁ ସୁସ୍ଥ ହେବା ପରେ ବଢୁଛି ବ୍ରେନ ଷ୍ଟ୍ରୋକ ଓ ହୃଦ ରୋଗ ଆଶଙ୍କା। କମ ବୟସରେ ମଧ୍ୟ ହୃଦଘାତ ହେଉଛି କରୋନାରେ ଆକ୍ରାନ୍ତ ହୋଇଥିବା ଲୋକଙ୍କର। କରୋନାର ଦ୍ୱିତୀୟ ଲହର ପରେ ଏହି ସମସ୍ୟା ବଢିଯାଇଛି। ଏକ ରିପୋର୍ଟ ଅନୁଯାୟୀ, କରୋନା ଦ୍ୱିତୀୟ ଲହରରେ ବ୍ରେନ ଷ୍ଟ୍ରୋକ ଓ ହୃଦ ରୋଗ ଘଟଣା ଅଧିକ ବଢିଛି। କରୋନା ଆକ୍ରାନ୍ତଙ୍କ ମୁଣ୍ଡ ଓ ହୃଦୟରେ ରକ୍ତ ଜମାଟ ହେବାର ଆଶଙ୍କା ଅଧିକ ରହିଛି ।

ବିଶେଷଜ୍ଞଙ୍କ ଅନୁଯାୟୀ, କରୋନାରୁ ସୁସ୍ଥ ହେବା ସମୟରେ ଥକ୍କା ଲାଗିବା , ଯନ୍ତ୍ରଣା ଅନୁଭବ ହେବା କିମ୍ବା କୌଣସି ଭାଇରାଲ ରୋଗ ହେବା ଆଦି ଲକ୍ଷଣ ଥିବା ଲୋକଙ୍କୁ ଅଧିକ ବ୍ରେନ ଷ୍ଟ୍ରୋକ ଓ ହୃଦଘାତ ହେଉଛି। ଯେଉଁମାନଙ୍କୁ ଶାସ୍ୱକ୍ରିୟା କରିବାରେ ଅସୁବିଧା ହେଉଛି, ସେମାନଙ୍କୁ ତୁରନ୍ତ ଡାକ୍ତରଙ୍କ ପରାମର୍ଶ ନେବା ଉଚିତ ବୋଲି କହିଛନ୍ତି ବିଶେଷଜ୍ଞ।ଅନ୍ୟପଟେ ଦିଲ୍ଲୀର ଏଆଇଏମ୍ଏସ୍ କାର୍ଡିଓଲୋଜି ବିଭାଗର ପ୍ରଫେସର ଡାକ୍ତର ନୀତୀଶ ନାୟକ କହିଛନ୍ତି ଯେ, କରୋନାରୁ ସୁସ୍ଥ ହେବା ପରେ ତୀବ୍ର ହୃଦ୍‌ରୋଗକୁ ସୁଧାରିବାରେ COVID ର ଭୂମିକା ସମ୍ପର୍କରେ ଅଧ୍ୟୟନ ଜାରି ରହିଛି। ସମସ୍ତ ଫ୍ଲୁ ଭଳି ରୋଗ ହୃଦ୍‌ରୋଗ ସମ୍ବନ୍ଧୀୟ ଆଶଙ୍କା ସହିତ ଜଡିତ। ଏହା ବହୁ ବର୍ଷ ଧରି ଜଣାଶୁଣା ଏବଂ କୋଭିଡରେ ମଧ୍ୟ ସମାନ ଲକ୍ଷଣ ଦେଖାଯାଉଛି।

ବିଶେଷଜ୍ଞମାନେ କହିଛନ୍ତି ଯେ, ଏହା ହୋଇଥାଏ ଯେ, କୌଣସି ଭାଇରାଲ୍ ରୋଗ ପରେ ସୁସ୍ଥ ହେବା ବେଳେ କିଛି ବ୍ୟକ୍ତି କ୍ରମାଗତ ଯନ୍ତ୍ରଣା, ଥକାପଣ ଆଦି ଅନୁଭବ କରିଥାନ୍ତି। ତଥାପି ଶ୍ୱାସକ୍ରିୟାରେ ଯଦି ସମସ୍ୟା କିମ୍ବା ଯନ୍ତ୍ରଣା ହେଉଥାଏ ତେବେ ସେମାନେ ତୁରନ୍ତ ଡାକ୍ତରଙ୍କ ସହିତ ପରାମର୍ଶ କରିବା ଆବଶ୍ୟକ ।AIIMS ର ସ୍ନାୟୁବିଜ୍ଞାନର ପ୍ରଫେସର ଡାକ୍ତର ମଞ୍ଜରୀ ତ୍ରିପାଠୀଙ୍କ ଅନୁଯାୟୀ, ମସ୍ତିଷ୍କ ଉପରେ ଏହାର ପ୍ରଭାବ ଥିବାରୁ କୋଭିଡ ପରେ ସ୍ନାୟୁଗତ ରୋଗ ବଢ଼ିବାରେ ଲାଗିଛି। ମସ୍ତିଷ୍କ ଉପରେ ଏହାର ପ୍ରଭାବ ପଡିବା କାରଣରୁ ସ୍ମୃତି ଶକ୍ତି ହ୍ରାସ, ଡିମେନ୍ସିଆ, କିମ୍ବା ଷ୍ଟ୍ରୋକ୍ ପରି ସ୍ନାୟୁଗତ ରୋଗ ଦେଖା ଯାଉଛି। ଯାହା ହୃଦୟ ଉପରେ ମଧ୍ୟ ପ୍ରଭାବ ପକାଉଛି। ଯଦି କୌଣସି ରୋଗୀ ସ୍ନାୟୁଗତ ରୋଗରେ ସମ୍ମୁଖୀନ ହେଉଛନ୍ତି ତେବେ ଡାକ୍ତରଙ୍କ ପରାମର୍ଶ ଅନୁଯାୟୀ ଔଷଧ ଗ୍ରହଣ କରିବା ଉଚିତ୍ ।