ଅଫିସ୍ ରେ ଶୋଇବା ସକରାତ୍ମକ ଲକ୍ଷଣ, କର୍ମଚାରୀଙ୍କୁ ମିଳେ ସାବାସି

ପ୍ରିଜମ ନ୍ୟୁଜ ବ୍ୟୁରୋ: ବେଳେ ବେଳେ ଅଫିସ୍ ରେ କୌଣସି କାରଣ ପାଇଁ ନିଦ ଆସିଯାଇଥାଏ ଯେଉଁଥି ପାଇଁ ବସଙ୍କଠାରୁ ଗାଳି ଖାଇବା ସହ, ଠକ୍ ର ଟ୍ୟାଗ ଲାଗିଯାଏ । କିନ୍ତୁ ଏପରି ଏକ ଦେଶ ଅଛି ଯେଉଁଠାରେ ଯଦି ଆପଣ ଅଫିସରେ କାମ କରିବା ସମୟରେ ଶୋଇପଡନ୍ତି, ତେବେ ଏହା ନକାରାତ୍ମକ ନୁହେଁ ସକରାତ୍ମକ ବୋଲି ଧରାଯାଏ । ଏଠି ଅଫିସ୍ ରେ ଶୋଇବା ପାଇଁ ଗାଳି ନୁହେଁ ସାବସି ମିଳେ।ଜାପାନରେ କାମ କରିବା ସମୟରେ ଶୋଇବା ଏକ ଭଲ କଥା ବୋଲି ବିବେଚନା କରାଯାଏ।ଅଧିକାଂଶ ଦେଶରେ, କାର୍ଯ୍ୟାଳୟରେ ଶୋଇବା ଏକ ନକାରାତ୍ମକ ସଙ୍କେତ ବୋଲି ବିବେଚନା କରାଯାଏ। କେବଳ ଏତିକି ନୁହେଁ, ଅନେକ ଥର କର୍ମଚାରୀଙ୍କୁ ଏହି କାରଣରୁ ବରଖାସ୍ତ ମଧ୍ୟ କରାଯାଇଥିବାର ନଜିର ରହିଛି। କିନ୍ତୁ ଯଦି ଜାପାନର କାର୍ଯ୍ୟାଳୟରେ କାମ କରିବା ସମୟରେ କେହି ଶୋଇପଡନ୍ତି, ତେବେ ଏହା ସକରାତ୍ମକ ଲକ୍ଷଣ ଭାବେ ଧରାଯାଏ।

ଜାପାନର ଲୋକମାନେ ବିଶ୍ୱାସ କରନ୍ତି ଯେ ବ୍ୟକ୍ତି ଜଣଙ୍କ ନିଶ୍ଚୟ ଏତେ ପରିଶ୍ରମ କରିଛନ୍ତି ଯେ ଯେଉଁଥି ପାଇଁ ଥକି ପଡ଼ି ନିଦ ଆସୁଛି। ଯଦି ଜାପାନରେ କେହି ଅଫିସରେ ଶୋଉଛନ୍ତି, ତେବେ କେହି ତାଙ୍କୁ ବିରୋଧ କରନ୍ତି ନାହିଁ।ଜାପାନରେ, ଏଥି ପାଇଁ ‘ଇନମୁରୀ’ ଶବ୍ଦ ବ୍ୟବହାର କରାଯାଏ। ଏହାକୁ ପ୍ରାୟତଃ ଡ୍ୟୁଟି ସମୟରେ ଶୋଇବା ‘ଭାବରେ ଅନୁବାଦ କରାଯାଇଥାଏ। ପ୍ରାୟ ୧୦୦୦ ବର୍ଷ ଧରି ଜାପାନରେ ଇନମୁରୀ ଅଭ୍ୟାସ ଜାରି ରହିଛି। ଏବଂ ଏହା କେବଳ ଉତ୍ତମ କୋଠରୀରେ ସୀମିତ ନୁହେଁ। ଲୋକମାନେ ଏକ ବ୍ୟସ୍ତବହୁଳ ରାସ୍ତାରେ, କୌଣସି ଡିପାଟମେଣ୍ଟ ଷ୍ଟୋର, କାଫେ, ରେଷ୍ଟୁରାଣ୍ଟ କିମ୍ବା ସହର ମଝିରେ ଥିବା କୌଣସି ଫୁଟଫାଥରେ ସୁଖଦ ନିଦର୍ ମଜା ନେଇପାରିବେ। ତେବେ ଜାପାନୀ ଲୋକ ସେମାନଙ୍କ ଜୀବନ ଶୈଳୀକୁ ନେଇ ସାରା ବିଶ୍ବରେ ଚର୍ଚ୍ଚାର ପାତ୍ର ହୋଇଥାନ୍ତି। ସେମାନେ କର୍ମଠ ଓ ଶାନ୍ତି ପ୍ରିୟ ଏହା ସମସ୍ତେ ଜାଣନ୍ତି।

ନିଦ ସମ୍ପୂର୍ଣ୍ଣ ନହେଲେ ଦେଖିବାକୁ ମିଳେ ଏସବୁ ପାର୍ଶ୍ୱ ପ୍ରତିକ୍ରିୟା।ସ୍ୱାସ୍ଥ୍ୟ ବିଶେଷଜ୍ଞଙ୍କ ଅନୁଯାୟୀ, ଯଦି ଆପଣ ପ୍ରତିଦିନ ରାତିରେ ୭ ଘଣ୍ଟାରୁ କମ୍ ଶୋଇଛନ୍ତି, ତେବେ ଆପଣଙ୍କର ଆୟୁଷ କମ ହୋଇଯିବ। ସେଥିପାଇଁ କୁହାଯାଏ ଯେ- ‘କ୍ଷୁଦ୍ର ନିଦ, କ୍ଷୁଦ୍ର ଜୀବନ’।କ୍ରମାଗତ ଭାବରେ ଏକ ସପ୍ତାହ ପର୍ଯ୍ୟନ୍ତ ପର୍ଯ୍ୟାପ୍ତ ନିଦ ନହେବା ହେତୁ ଆପଣଙ୍କର ଓଜନ ୯୦୦ ଗ୍ରାମ ପର୍ଯ୍ୟନ୍ତ ବଢିପାରେ।ଆପଣ ଖାଦ୍ୟ ନ ଖାଇ ୨ ମାସ ବଞ୍ଚିପାରିବେ, କିନ୍ତୁ ଶୋଇବା ବିନା ମାତ୍ର ୧୧ ଦିନ ବଞ୍ଚିବା ସମ୍ଭବ।