ପ୍ରିଜମ ନ୍ୟୁଜ ବ୍ୟୁରୋ: ଏବେ ଯେଉଁଠି ଦେଖ ଫିଲ୍ମ ‘ପୁଷ୍ପା’କୁ ନେଇ ଚର୍ଚ୍ଚା। ସରକାରୀ କାର୍ଯ୍ୟାଳୟର ପୋଷ୍ଟରଠୁ ନେଇ ବିଭିନ୍ନ ମନୋରଞ୍ଜନ କ୍ଷେତ୍ରରେ ଏହାର ଟ୍ରେଣ୍ଡ ଚାଲିଛି। ‘ପୁଷ୍ପା’ ପୁଷ୍ପାରାଜ ଝୁକେଗା ନେହିଁ… ଯାହାକୁ ଦେଖିବ ତା’ ମୁହଁରେ ଏହି ଡାଏଲଗ। ହ୍ୱାଟସ୍ ଅପ୍ ଷ୍ଟାଟସ୍ ହେଉ ଅବା ଫେସ୍ବୁକ୍ ତଥା ଇନ୍ଷ୍ଟାଗ୍ରାମର ରିଲ୍, ସବୁଠି ଫିଲ୍ମ ପୁଷ୍ପା। ତେବେ ରିଲ୍ ଲାଇଫ୍ର ଏହି ଘଟଣାକୁ ରିଅଲ୍ ଲାଇଫ୍ରେ ଅପଣାଇ ବନ୍ଧା ହୋଇଛନ୍ତି ଜଣେ ନକଲି ‘ପୁଷ୍ପା’ ଓରଫ ୟାଶିନ ଇନାୟତୁଲ୍ଲା।ବେଙ୍ଗାଲୁରୁର ୟାଶିନ ଜଣେ ଡ୍ରାଇଭର। ପୁଷ୍ପା ଫିଲ୍ମରୁ ପ୍ରେରିତ ହୋଇ ନାଲି ଚନ୍ଦନ କାଠ ଚୋରା ଚାଲାଣ କରିବାକୁ ସେ ଚେଷ୍ଟା କରିଥିଲେ। ନାଲି ଚନ୍ଦନକାଠ ବୋଝେଇ ଏକ ଟ୍ରକ୍କୁ କର୍ଣ୍ଣାଟକ-ଆନ୍ଧ୍ରା ସୀମା ପାର୍ କରାଇ ସେ ମହାରାଷ୍ଟ୍ର ନେବାକୁ ଚେଷ୍ଟା କରିଥିଲେ। ତେତେ ସୀମା ପାର୍ ବେଳେ ମାଡି ବସିଥିଲା ମହାରାଷ୍ଟ୍ର ପୋଲିସ। ଆଉ ତାଙ୍କର ଏହି ଚୋରି କରିବାର ଫିଲ୍ମି ଟ୍ରିକ୍ ପାଣି ଫାଟି ଯାଇଥିଲା।
0 Comments