ପ୍ରିଜମ ନ୍ୟୁଜ ବ୍ୟୁରୋ: ସାଉଥ୍ ଫିଲ୍ମ ଇଣ୍ଡଷ୍ଟ୍ରିରେ ଜଣେ ଆଗଧାଡିର ଜଣାଶୁଣା ଅଭିନେତା ହେଲେ ଧନୁଷ୍। ନିକଟେ ପତ୍ନୀ ଐଶର୍ଯ୍ୟାଙ୍କ ଠାରୁ ଅଲଗା ହେବା ନେଇ ସେ ଚର୍ଚ୍ଚାର ବିଷୟ ପାଲଟିଥିଲେ। ପୁଣି ନିଜର ସ୍ବତନ୍ତ୍ର ପରିଚୟ ସୃଷ୍ଟି କରି ସେ ଚର୍ଚ୍ଚାକୁ ଆସିଛନ୍ତି। ସାଉଥ୍ ସହ ବଲିଉଡ୍ର କିଛି ମୁଭିରେ ନିଜର ଅଭିନୟ ମାଧ୍ୟମରେ ଦର୍ଶକଙ୍କ ମନ ଜିଣିଛନ୍ତି ଧନୁଷ୍। ସେ ଏବେ ହଲିଉଡ୍ରେ ନିଜ ଅଭିନୟର ଯାଦୁ ଦେଖାଇବେ। ହଲିଉଡ୍ ମୁଭି ‘ଦ ଗ୍ରେ ମ୍ୟାନ’ରେ ଅଭିନେତା ଧନୁଷ୍ ନଜର ଆସିବେ। ଏହି ଆକ୍ସନ ଥ୍ରିଲର ଫିଲ୍ମରେ ଧନୁଷ୍ଙ୍କ ଆକ୍ସନ ଦେଖିବାକୁ ମିଳିବ। ସିନେମାଟି ନେଟ୍ଫ୍ଲିକ୍ସରେ ଷ୍ଟ୍ରିମ ହେବ। ଆଣ୍ଟୋନୀ ଓ ଜୋ ରୁଷୋ ଏଥିରେ ନିର୍ଦ୍ଦେଶନା ଦେଇଛନ୍ତି। ଫିଲ୍ମଟିର ଶୁଟିଂ ୨୦୨୧ରେ ସରିଥିବା ଜଣାପଡିଛି। ତେବେ ସିନେମା ଖୁବ୍ଶୀଘ୍ର ରିଲିଜ୍ ହେବ। ଏଥିରେ ଧନୁଷ୍ ହଲିଉଡ୍ ଅଭିନେତା ରିୟାନ ଗୋଲିଙ୍ଗ ଓ ଖ୍ରୀସ ଇଭାନ୍ସଙ୍କ ସହ ଫିଲ୍ମରେ ସ୍କ୍ରିନ ଶେୟାର କରିଛନ୍ତି।
0 Comments