ଦରକାର ନାହିଁ ଏସି,କୁଲର- ଗରମରୁ ରକ୍ଷା କରିବ କମ୍ବଳ

ପ୍ରିଜମ୍ ନ୍ୟୁଜ ବ୍ୟୁରୋ: ଖରାଦିନ ଆସିଲେ ଗରମରୁ ରକ୍ଷା ପାଇବା ପାଇଁ ଫ୍ୟାନ, ଏସି, କୁଲରର ଆବଶ୍ୟକତା ପଡିଥାଏ। ତାପମାତ୍ରା ବୃଦ୍ଧି ସହିତ ପାଗ ଅଦ୍ର ଏବଂ ଗରମ କାରଣରୁ ରାତିରେ ନିଦ ମଧ୍ୟ ହୁଏନି।ଏପରି ପରିସ୍ଥିତିରେ ନା ଶୋଇବା ପାଇଁ ଭଲ ପରିବେଶ ମିଳିପାରେ, ନା ଭଲ ନିଦ ହୋଇଥାଏ। ଏହାସହ ଲାଇନ୍ ବିଲ୍ ମଧ୍ୟ ଢେରେ ଉଠେ।ହେଲେ ଏବେ ସେଥି ପାଇଁ ଚିନ୍ତା କରିବା ଦରକାର ନାହିଁ କାରଣ ଆପଣ ଏସି କି କୁଲରଭଳି ଥଣ୍ଡା ଗୋଟିଏ କମ୍ବଳରୁ ପାଇ ପାରିବେ। ଦିନକୁ ଦିନ ବୃଦ୍ଧି ପାଉଥିବା ଗରମକୁ ଧ୍ୟାନରେ ରଖି ବର୍ତ୍ତମାନ ଏକ ଥଣ୍ଡା କମ୍ବଳ ତିଆରି କରିଛନ୍ତି ବିଶେଷଜ୍ଞମାନେ, ଯାହା ଆମକୁ ଶୀତ ନୁହେଁ ଗ୍ରୀଷ୍ମଦିନେ ଗରମରୁ ରକ୍ଷା କରିବ। ଏହି କମ୍ବଳ ଶରୀରରୁ ତାପମାତ୍ରା ଶୋଷଣ କରି ଥଣ୍ଡାର ଅନୁଭବ ଦେଇଥାଏ।
ମାର୍ଚ୍ଚ ପାୱାର କୁଲିଂ ନାମକ ଏହି କମ୍ବଳର ବିଶେଷତ୍ୱ ​​ହେଉଛି ଏହା ଆପଣଙ୍କୁ ରାତିରେ ଭଲ ନିଦ୍ରା ପ୍ରଦାନ କରିଥାଏ। ଶରୀରର ଉତ୍ତାପକୁ ଶୋଷଣ କରି ଶୋଇବା ଭଳି ତାପମାତ୍ରାକୁ ବଜାୟ ରଖୁଥିବା ଏହି କୁଲିଂ କମ୍ବଳ, ଗ୍ରୀଷ୍ମ ଋତୁ ପାଇଁ କୌଣସି ବରଦାନ ଠାରୁ କମ୍ ନୁହେଁ। ଏବେ ଏହାକୁ ପ୍ରାୟ ସମସ୍ତ ଅନଲାଇନ୍ ସପିଂ ସାଇଟରେ ବିକ୍ରୟ ପାଇଁ ରଖାଯାଇଛି। ଏହି ଚମତ୍କାର କମ୍ବଳ ଗ୍ରୀଷ୍ମ ସମୟରେ ମଧ୍ୟ ଆପଣଙ୍କ ସୁଖ ନିଦ୍ରାର ଯତ୍ନ ନେଇପାରେ।
ବର୍ତ୍ତମାନ ପ୍ରଶ୍ନ ହେଉଛି ମାର୍ଚ୍ଚ ପାୱାର କୁଲିଂ କମ୍ବଳ କିପରି ଶରୀରକୁ ଥଣ୍ଡା ରଖିପାରିବ। ଜାପାନର ଆର୍କ-ଚିଲ୍ Q-Max ଦ୍ୱାରା ଡିଜାଇନ୍ ହୋଇଥିବା ଏହି କମ୍ବଳରେ 0.34 ଫାଇବର କୁଲିଂ କପଡା ବ୍ୟବହାର ହୋଇଛି। ଏହି ଅନନ୍ୟ ଟେକ୍ନୋଲୋଜି ଶରୀରର ଉତ୍ତାପକୁ ଶୋଷଣ କରିଥାଏ ଏବଂ ଚର୍ମର ତାପମାତ୍ରାକୁ କମ କରିଥାଏ। ଏହି କାରଣ ହେଉଛି କମ୍ବଳ ପିନ୍ଧିବା ପରେ ଚର୍ମର ତାପମାତ୍ରା ସ୍ଥିର ହୋଇଯାଏ ଏବଂ ଆପଣ ରାତିରେ ଆରାରେ ଶୋଇପାରିବେ। କମ୍ବଳ ଉଭୟ ପାର୍ଶ୍ୱରୁ ଘୋଡ଼ି ହୋଇ ହେବ ଏହା ବହୁତ ହାଲୁକା ଏବଂ ନରମ ମଧ୍ୟ। କମ୍ବଳ ପିନ୍ଧିବା ମାତ୍ରେ ଏହାର ବିଶେଷ କପଡା ଶରୀରର ଆର୍ଦ୍ରତାକୁ ଟାଣିଥାଏ ଏବଂ ଏହା ବାଷ୍ପୀଭୂତ ହୁଏ।
କମ୍ବଳ ୧୦୦% ଏୟାରଟାଇଟ୍ ବାଉଁଶ ତନ୍ତୁରୁ ତିଆରି ହୋଇଛି। ଏହା କେବଳ ଗ୍ରୀଷ୍ମ ସମୟରେ ଆପଣଙ୍କୁ ଥଣ୍ଡା ରଖିବ ତାହା ନାହିଁ, ଏହା ସାମାନ୍ୟ ଶୀତରେ ମଧ୍ୟ ଆପଣଙ୍କୁ ଗରମ ରଖିପାରେ। ଏହାକୁ ୱାଶିଂ ମେସିନରେ ଧୋଇ ହେବ। ଏଥିରେ କୌଣସି ଜୀବାଣୁ ରହିବେ ନାହିଁ ଏବଂ ସମ୍ବେଦନଶୀଳ ତ୍ୱଚ଼ା ଥିବା ଲୋକଙ୍କ ପାଇଁ ମଧ୍ୟ ଏହା ନିରାପଦ ଅଟେ। ଏହା ଶରୀରର ତାପମାତ୍ରାକୁ ୧ ରୁ ୨ ଡିଗ୍ରୀ ହ୍ରାସ କରିପାରେ ଏବଂ ଆପଣଙ୍କୁ ଶୋଇବାରେ ସାହାଯ୍ୟ କରିବ। ଏହି କୁଲିଂ କମ୍ବଳ ଆମାଜନ ପରି ସପିଂ ସାଇଟରେ ରିହାତି ସହିତ ଉପଲବ୍ଧ ହେଉଛି ।