ପ୍ରୋନିଂ ଥେରାପିରେ ୪ ଦିନରେ ଅମ୍ଳଜାନ ସ୍ତର ବୃଦ୍ଧି କରି ବିସ୍ମୟ ସୃଷ୍ଟି କଲେ ୮୨ ବର୍ଷର ବୃଦ୍ଧା

ପ୍ରିଜମ ନ୍ୟୁଜ୍ ବ୍ୟୁରୋ: ବଢ଼ୁଥିବା କରୋନା ସଂକ୍ରମଣ ମାମଲାରେ ଦେଶର ବିଭିନ୍ନ ରାଜ୍ୟରେ ହାହାକାର ଖେଳାଇ ଦେଇଛି । ଲୋକମାନେ ନିଜକୁ ଫିଟ୍ ରଖିବା ପାଇଁ ସେମାନଙ୍କ ତରଫରୁ ସମସ୍ତ ପ୍ରକାର ସତର୍କତା ଅବଲମ୍ବନ କରୁଛନ୍ତି । ଏହା ସତ୍ତ୍ଵେ ଲୋକମାନେ କରୋନା ମହାମାରୀ କବଳରୁ ବର୍ତ୍ତି ପାରୁନାହାନ୍ତି । କରୋନା ଭାଇରସ୍ ଅଧୀନରେ ଆସିବା ପରେ ଅମ୍ଳଜାନ ସ୍ତର ହ୍ରାସ ହେବାକୁ ଲାଗୁଛି। ଡାକ୍ତରଖାନାରେ ଅମ୍ଳଜାନ, ଶଯ୍ୟା ଅଭାବରୁ ଲୋକମାନେ ନିଜ ଘରେ ଅମ୍ଳଜାନ ସିଲିଣ୍ଡର ଏବଂ Oxygen Concentrator ରଖିବା ଆରମ୍ଭ କରିଛନ୍ତି। ଘରେ ପ୍ରୋନିଂ ଥେରାପି ସହିତ ଅମ୍ଳଜାନ ସ୍ତର ମଧ୍ୟ ବୃଦ୍ଧି କରାଯାଇପାରେ ବୋଲି ବିଶେଷଜ୍ଞମାନେ ମତ ଦେଇଛନ୍ତି।

ଆଇପିଏସ୍ ଅଫିସର ଦିପାନସୁ କାବ୍ରା ନିଜ ଟ୍ୱିଟର ଆକାଉଣ୍ଟରେ ଏକ ଭିଡିଓ ସେୟାର କରିଛନ୍ତି, ଯାହାକୁ ଦେଖି ଲୋକ ଚକିତ ହୋଇ ଯାଇଛନ୍ତି। ଏହି ଭିଡିଓରେ ପ୍ରୋନିଂ ଥେରାପି ଭିଡିଓର ସଠିକ୍ ସୂଚନା ମିଳିପାରିବ। ଆଇପିଏସ୍ ଅଧିକାରୀ ଦିପାନସୁ କାବ୍ରା ଭିଡିଓଟି ସେୟାର କରିବା ସହ କ୍ୟାପସନରେ ଲେଖିଛନ୍ତି – ୟୁପିରେ ୮୨ ବର୍ଷ ବୟସ୍କା ବୃଦ୍ଧା ମହିଳାଙ୍କ ଅମ୍ଳଜାନ ସ୍ତର କମ୍ ହେବା ପରେ ପୁଅ ପ୍ରୋନିଂ ଥେରାପି ଦେଇଥିଲା, ଯାହା ୪ ଦିନ ମଧ୍ୟରେ ତାଙ୍କ ଅମ୍ଳଜାନ ସ୍ତରକୁ ୮୯ ରୁ ୯୭ କୁ ବୃଦ୍ଧି କରିଥିଲା। ଏହା ଏକ ଅତ୍ୟନ୍ତ ପ୍ରଭାବଶାଳୀ କୌଶଳ। ଆପଣ ମଧ୍ୟ ଶିଖିବା ଏବଂ ପରୀକ୍ଷା କରିବା ଉଚିତ୍। ତେବେ ଉକ୍ତ ୮୨ ବର୍ଷିୟା ବୃଦ୍ଧା ମହିଳାଙ୍କ ସେହି ଥେରାପି ଭିଡିଓକୁ ହଜାର ହଜାରରୁ ଅଧିକ ଲୋକ ଦେଖି ସାରିଛନ୍ତି । ଏହି ଭିଡିଓଟି ୧ ମିନିଟ୍ ୪୦ ସେକେଣ୍ଡର ଅଟେ ।

ବର୍ତ୍ତମାନ ଭାରତରେ ଦେଖା ଦେଉଥିବା ଅମ୍ଳଜାନ ସଙ୍କଟ ସମୟରେ ଏହି ଭିଡିଓଟି ଲୋକଙ୍କ ମନରେ କିଛି ଆଶା ସଂଚାର କରିଛି। ବିଭିନ୍ନ ରାଜ୍ୟରେ ଡାକ୍ତରଖାନାରୁ ଅମ୍ଳଜାନ କମ୍ ହେବାର ଖବର ମଧ୍ୟ ସାଧାରଣ ହୋଇଗଲାଣି। ଏପରି ପରିସ୍ଥିତିରେ ଘରେ ରହି ଅମ୍ଳଜାନ ସ୍ତର ବୃଦ୍ଧି କରାଯାଇପାରେ ବୋଲି ବୃଦ୍ଧା ମହିଳା ଜଣକ ପ୍ରମାଣ କରି ପାରିଛନ୍ତି। ଅମ୍ଳଜାନର ସ୍ତର କିପରି ବଢିବ, ଘରର ପ୍ରତ୍ୟେକ ସଦସ୍ୟ ଜାଣିବା ଜରୁରୀ। ଯଦି ହଠାତ୍ କାହାକୁ ଆବଶ୍ୟକତା ଥାଏ, ତେବେ ଏହା କୌଣସି ଅସୁବିଧା ସୃଷ୍ଟି କରିବ ନାହିଁ ।