ପ୍ରଚଣ୍ଡ ସ୍ୱାଭିମାନର ପ୍ରତୀକ କୁଳବୃଦ୍ଧ ମଧୁସୂଦନ

ପ୍ରିଜମ୍ ନ୍ୟୁଜ (ସ୍ୱତନ୍ତ୍ର): ଓଡ଼ିଆ ଭାଷା ଓ ଜାତି ପାଇଁ ତାଙ୍କ ପ୍ରାଣ ଥିଲା ଉତ୍ସର୍ଗ। ସିଏ ଥିଲେ ଓଡ଼ିଆ ସ୍ୱାଭିମାନର ପ୍ରତୀକ। ଉତ୍କଳ ପ୍ରଦେଶ ଗଠନର ଅନ୍ୟତମ ପ୍ରମୁଖ ବିନ୍ଧାଣୀ। କଲମ ଧାରରେ ସଂଘର୍ଷ ଓ ସ୍ୱାଭିମାନ କାହାଣୀର ସିଏ ଥିଲେ ଜଣେ ଉତ୍ତମ ରଚୟିତା। କୂଳବୃଦ୍ଧ ମଧୁସୂଦନ ଦାସ। ୧୮୪୮ ମସିହା ଏପ୍ରିଲ ୨୮ ତାରିଖରେ କଟକ ଜିଲ୍ଲାର ସତ୍ୟଭାମାପୁର ଗାଁରେ ଜନ୍ମ ନିଅନ୍ତି ମଧୁସୂଦନ ଦାସ। ଉତ୍କଳ ଗୌରବ ରୂପେ ପ୍ରତିଟି ଓଡ଼ିଆଙ୍କ ହୃଦୟରେ ସ୍ଥାନ ପାଇଥିବା ଏହି ମହାପୁରୁଷ, ଓଡ଼ିଶାର ପ୍ରଥମ ବାରିଷ୍ଟର, ପ୍ରଥମ ଓଡ଼ିଆ ଗ୍ରାଜୁଏଟ, ପ୍ରଥମ ଓଡ଼ିଆ ଏମ.ଏ., ପ୍ରଥମ ଓଡ଼ିଆ ବିଲାତ ଯାତ୍ରୀ, ଓଡ଼ିଶାର ପ୍ରଥମ ଏଲ.ଏଲ.ବି, ପ୍ରଥମ ବିହାର-ଓଡ଼ିଶା ବିଧାନ ସଭା ସଦସ୍ୟ, ପ୍ରଥମ ମନ୍ତ୍ରୀ, ପ୍ରଥମ ଜିଲ୍ଲା ପରିଷଦ ବେସରକାରୀ ସଦସ୍ୟ ଥିଲେ। ଜନ୍ମଭୂମି ସତ୍ୟଭାମାପୁରରୁ ତାଙ୍କର ଯାତ୍ରା କଲିକତା, ବ୍ରିଟେନ ଦେଇ ଶେଷ ହୋଇଥିଲା କର୍ମଭୂମି କଟକ ସହରରେ। ଆଉ ଏହି ଲମ୍ବା ଯାତ୍ରା ଓଡ଼ିଆ ଏବଂ ଓଡ଼ିଶା ପାଇଁ ଯୁଗଯୁଗର ସ୍ୱତନ୍ତ୍ରତାକୁ ନିଶ୍ଚିତ କରିଯାଇଥିଲା। ଗୋବିନ୍ଦ ବଲ୍ଲଭ ଗାଁ ଚାଟଶାଳୀରୁ ମାଟି ବଂଶ ଅବଧାନଙ୍କ ତତ୍ତ୍ୱାବଧାନରେ ଆରମ୍ଭ ହୋଇଥିଲା ମଧୁବାବୁଙ୍କ ପାଠପଢ଼ା। ୧୮୭୦ରେ ସେ ବି.ଏ. ପରୀକ୍ଷାରେ କୃତକାର୍ଯ୍ୟ ହୋଇଥିଲେ। ଏହାପରେ କଲିକତା ହାଇକୋର୍ଟରେ ବାରିଷ୍ଟର ଜେଟି ଉଡ୍ରଫଙ୍କ ସହଯୋଗୀ ଭାବେ ଓକିଲାତି କରିଥିଲେ। ୧୮୮୧ ସେପ୍ଟେମ୍ବର ୧୨ରେ କଲିକତାରୁ ଫେରି କଟକରେ ଓକିଲାତି ଜୀବନ ଆରମ୍ଭ କରନ୍ତି ମଧୁବାବୁ। ଏହାପରେ ୧୯୨୧, ଜାନୁଆରୀ ୬ରେ ବିହାର ଓଡ଼ିଶାର ମନ୍ତ୍ରୀରୂପେ ନିଯୁକ୍ତି ପାଆନ୍ତି। ଜଣେ ଲେଖକ ଓ କବି ଭାବରେ ସେ ଅନେକ ଦେଶାତ୍ମବୋଧକ କବିତା ରଚନା କରିଛନ୍ତି। ସେହିପରି ଓଡ଼ିଶାର ବିଚ୍ଛିନ୍ନାଞ୍ଚଳର ଏକତ୍ରୀକରଣ ପାଇଁ ସେ ସାରାଜୀବନ ସଂଗ୍ରାମ କରିଥିଲେ। ତାଙ୍କର ପ୍ରଚେଷ୍ଟା ଫଳରେ ୧୯୩୬ ମସିହା ଏପ୍ରିଲ ୧ ତାରିଖରେ ଭାଷା ଭିତ୍ତିରେ ପ୍ରଥମ ଭାରତୀୟ ରାଜ୍ୟ ଭାବେ ଓଡ଼ିଶା ପ୍ରତିଷ୍ଠା ହୋଇଥିଲା।

ସ୍ବତନ୍ତ୍ର ଓଡ଼ିଶା ପ୍ରଦେଶ ଗଠନର ଅନ୍ୟତମ କର୍ଣ୍ଣଧାର ତଥା ଆଧୁନିକ ଓଡ଼ିଶାର ନିର୍ମାତା ଉତ୍କଳ ଗୌରବ ମଧୁସୂଦନ ଦାସଙ୍କ ଜୟନ୍ତୀରେ ମୋର ଶ୍ରଦ୍ଧାଞ୍ଜଳି। ଶିଳ୍ପ ସମୃଦ୍ଧ ରାଜ୍ୟ ଗଠନ ସହ ଓଡ଼ିଆ ଭାଷା, ଶିକ୍ଷା ଓ ସାହିତ୍ୟ କ୍ଷେତ୍ରରେ ନିଜ ବହୁମୂଲ୍ୟ ଅବଦାନ ପାଇଁ ସେ ଚିରସ୍ମରଣୀୟ ରହିବେ। pic.twitter.com/9ZTRg6PKVC

— Naveen Patnaik (@Naveen_Odisha) April 28, 2021

The Birth Anniversary of Late #MadhusudanDas is being celebrated as Lawyer’s Day in Odisha.#MadhuBabu , the First Advocate of Odidha, remains an inspiration for many lawyers in the state & India. pic.twitter.com/Ih1YuGXMkd

— Sujeet Kumar 🇮🇳 (@SujeetKOfficial) April 28, 2021

My humble tribute to #UtkalGourav #MadhusudanDas on his birth anniversary. He will be remembered forever for his valuable contribution in the field of Odia language, education and literature along with building an industrial rich state.🙏#MadhuBabu ✒️

— Souvic Biswal (@BiswalSouvic) April 28, 2021

୨୮ ଏପ୍ରିଲ ୧୮୪୮ – ମଧୁବାବୁଙ୍କ ଜୟନ୍ତୀ
ତାଙ୍କ ଏନ୍ତୁଡ଼ିଶାଳର ଫଟୋ ©@kaibalya3342 #bhubaneswarbuzz #Odisha #madhubabu https://t.co/bnxrvQwJzd ୨୮ ଏପ୍ରିଲ ୧୮୪୮ – ମଧୁବାବୁଙ୍କ ଜୟନ୍ତୀ
ତାଙ୍କ ଏନ୍ତୁଡ଼ିଶାଳର ଫଟୋ ©@kaibalya3342 #bhubaneswarbuzz #Odisha #madhubabu ୨୮ ଏପ୍ରିଲ ୧୮୪୮ – ମଧୁବାବୁଙ୍କ ଜୟନ୍ତୀ
ତ… pic.twitter.com/QIMuNwcnQo

— Bhubaneswar Buzz (@BBSRBuzz) April 28, 2021

ଓଡ଼ିଆ ଜାତିର ଗର୍ବ ଓ ଗୌରବକୁ ବାନ୍ଧି ରଖିଥିବା ଉତ୍କଳ ଗୌରବ କୁଳବୃଦ୍ଧ ମଧୁସୂଦନ ଦାସ ଯେ କି ସମସ୍ତ ଓଡିଶାବାସୀଙ୍କର ଅତି ଆପଣାର ହୋଇ ରହିଆସିଛନ୍ତି।
ସେ ପିଲାମାନଙ୍କୁ ଦେଇଥିବା ବାର୍ତା (ପାଠ ପଢ଼ିବି,କାଳିଆ ଘୋଡାରେ ଚଢିବି ମଧୁବାବୁ ସଙ୍ଗେ ଲଢ଼ିବି) ଚିରସ୍ମରଣୀୟ।
ତାଙ୍କର ଜନ୍ମତିଥିରେ ପ୍ରଣାମ କରୁଛି🙏#madhubabu pic.twitter.com/CTZfOXhjWo

— Smruti Pattnaik 🇮🇳 (@SmrutiPattnaik6) April 28, 2021

ସ୍ୱତନ୍ତ୍ର ଉତ୍କଳ ପ୍ରଦେଶ ଗଠନର କର୍ଣ୍ଣଧାର ଉତ୍କଳ ଗୌରବ ମଧୁସୂଦନ ଦାସଙ୍କ ଜୟନ୍ତୀ ଅବସରରେ ଭକ୍ତିପୂତ ଶ୍ରଦ୍ଧାଞ୍ଜଳି । pic.twitter.com/NTlsxBNv7N

— Dharmendra Pradhan (@dpradhanbjp) April 28, 2021

‘କହିଲା ଜାତିର କାନେ କାନେ
ଉଠିବୁ ଆଉ ତୁ କେତେଦିନେ,
ପୂରୁବ ଗୌରବ, ପୁରୁବ ମହିମା

ପଡ଼ୁନାହିଁ କିରେ ତୋର ମନେ’

————————

‘ଭୂମିକମ୍ପ ହେବ ଧରଣୀ ଫାଟିବ
ଉଠିବେ ସହସ୍ରଭୁଜା,
ସେହି ତୋର ମାତା ସେହି ତୋର ତ୍ରାତା

କର ସେହି ପଦ ପୂଜା’

————————-

‘ମା’ ମା’ ବୋଲି କେତେ ମୁଁ ଖୋଜିଲି
ମା’କୁ ପାଇଲି ନାହିଁ
ଭାଇ ଭାଇ ବୋଲି କେତେ ମୁଁ ଡାକିଲି
ନଦେଲେ ଉତ୍ତର କେହି’

—————————

‘ଜାତି ଇତିହାସ ଜାତିର ନିର୍ଝର

ତହୁଁ ବହେ ସଦା ଜାତି ପ୍ରାଣ ଧାର

ସେ ଧାରରୁ ନୀର ପିଉଛି ଯେ ନର

ନିଶ୍ଚୟ ହେବ ସେ ଜାତି କର୍ମବୀର’

——————

‘ଉଠରେ ଉଠରେ ଉତ୍କଳ ସନ୍ତାନ

ଉଠିବୁ ତୁ କେତେ ଦିନେ

ପୂରୂବ ଗୌରବ, ପୂରୂବ ସାହସ

ପଡ଼ିବକି କେବେ ମନେ ?’