ସମୁଦ୍ରରେ ବିମାନର ଜରୁରୀ ଅବତରଣ, ପାଇଲଟ୍ ଙ୍କ ଅବସ୍ଥା

ପ୍ରିଜମ୍ ନ୍ୟୁଜ ବ୍ୟୁରୋ: ସମୁଦ୍ରରେ ଜରୁରୀ ଅବତରଣ କଲା ବିମାନ । ମରଣ ମୁହଁରୁ ଅଳ୍ପକେ ବର୍ତ୍ତିଗଲେ ପାଇଲଟ୍ । ଶନିବାର ଦୁର୍ଘଟଣାଗ୍ରସ୍ତ ହୋଇ ଫ୍ଲୋରିଡା(Florida) ସମୁଦ୍ରରେ ଏକ ବିମାନ ସୁରକ୍ଷିତ ଭାବରେ ଲ୍ୟାଣ୍ଡିଂ କରିଛି । ଏହି ଦୁର୍ଘଟଣାରେ କେହି ଆହତ ହୋଇନାହାନ୍ତି । ଦ୍ୱିତୀୟ ବିଶ୍ୱଯୁଦ୍ଧ ବେଳର ଏହି ବିମାନଟି ହୋଇଥିବା ବେଳେ ଏହା କୋକୋ ବିଚ୍ ଏୟାର ସୋ’ରେ ଭାଗ ନେଇଥିଲା ବୋଲି ଜଣା ପଡିଛି । ଏହାର ଏକ ଭିଡିଓ ଏବେ ସୋସିଆଲ ମିଡିଆରେ ଭାଇରାଲ୍ ହେବାରେ ଲାଗିଛି । ୟୁଟ୍ୟୁବରେ ସେୟାର ହୋଇଥିବା ଏହି ଭିଡିଓରେ ବିମାନଟି ସମୁଦ୍ରର ଭିତରେ ଅବତରଣ କରୁଥିବା ଦେଖିବାକୁ ମିଳିଛି । ଏକକ ଇଞ୍ଜିନ୍ ଟିବିଏମ୍ ଆଭେଞ୍ଜର୍ ମନ୍ଥର ହୋଇଯିବାରୁ ବିମାନକୁ ପାଣିରେ ଜରୁରୀ ଅବତରଣ କରିବାକୁ ପଡ଼ିଥିଲା । ତେବେ ସୋସିଆଲ ମିଡିଆରେ ଲୋକମାନେ ପାଇଲଟଙ୍କୁ “ଉପଯୁକ୍ତ ବୁଦ୍ଧି ଖଟାଇ ବିମାନର ଜରୁରୀକାଳୀନ ଅବତରଣ” ପାଇଁ ପ୍ରଶଂସା କରିଛନ୍ତି।
ଜଣେ ବ୍ୟକ୍ତି ଲେଖିଛନ୍ତି, ‘ମତେ ବିମାନ ଉଡ଼ାଣ ସମ୍ପର୍କରେ କିଛି ଜଣା ନାହିଁ । କିନ୍ତୁ ଏହି ଅବତରଣ ଜବରଦସ୍ତ ଥିଲା । ଏହା ସୁରକ୍ଷିତ ଭାବରେ ଲ୍ୟାଣ୍ଡିଂ କରିଥିବାରୁ ପାଇଲଟ୍ ଙ୍କୁ ବହୁତ ବହୁତ ଧନ୍ୟବାଦ” । ଅନ୍ୟ ଜଣେ କହିଛନ୍ତି, ଏହା ଏକ ଭିଣ୍ଟେଜ୍ ଯୁଦ୍ଧ ବିମାନ। ଏହା କି ପ୍ରକାର ବିମାନ ବୋଲି ମୁଁ ଜାଣିବାକୁ ଚାହେଁ।

ଫ୍ଲୋରିଡା ଟୁଡେ ରିପୋର୍ଟ ଅନୁଯାୟୀ, କୋକୋଆ ବିଚ୍ ଏୟାର ସୋ’ରେ ଅଧିକାରୀଙ୍କ ବିବୃତ୍ତି ଅନୁଯାୟୀ ଏହି ବିମାନ ୱାବର୍ଡ ପ୍ୟାରେଡରେ ଜଡିତ ଥିଲା। ଏଥିରେ କିଛି ଯାନ୍ତ୍ରିକ ସମସ୍ୟା ଦେଖା ଦେଇଥିଲା । “ପାଇଲଟ୍ ବିମାନଟିକୁ କୂଳକୁ ନିକଟତର କରିବାରେ ସକ୍ଷମ ହୋଇଥିଲେ। ଉଦ୍ଧାରକାରୀମାନେ ତୁରନ୍ତ ଘଟଣାସ୍ଥଳରେ ପହଞ୍ଚିଥିଲେ ଏବଂ ପାଇଲଟ୍ ଠିକ୍ ଥିଲେ।
୧୯୪୫ ଟିବିଏମ୍ ଆଭେଞ୍ଜର୍, ଟର୍ପେଡୋ ବିସ୍ଫୋରଣକାରୀ ଦ୍ୱିତୀୟ ବିଶ୍ୱଯୁଦ୍ଧ ସମୟରେ ଆମେରିକାର ନୈସେନା ଦ୍ୱାରା ବ୍ୟବହୃତ ହୋଇଥିଲା। କୋକୋ ବିଚ୍ ଏୟାର ସୋ ୱେବସାଇଟ୍ କହିଛି ଯେ, ଶୁକ୍ରବାରର ଏୟାର ଶୋରେ ଭାଗ ନେବା ପୂର୍ବରୁ ବିମାନଟି ସମ୍ପୂର୍ଣ୍ଣ ରୂପେ ବେହାଲ୍ ହୋଇଯାଇଥିଲା। ଆମେରିକାର ନୈସେନାରୁ ଅବସର ନେବା ପରେ ଏହା ୧୯୫୬ରୁ ୧୯୬୪ ପର୍ଯ୍ୟନ୍ତ କାଲିଫର୍ନିଆର ଡେଭିସରେ ଆମେରିକାର ବନ ସେବା ପାଇଁ ଅଗ୍ନି ବିସ୍ଫୋରଣକାରୀ ଭାବରେ ବ୍ୟବହୃତ ହୋଇଥିଲା ।
ଏକ ଫେସବୁକ ପୋଷ୍ଟରେ ଭାଲିଆଣ୍ଟ ଏୟାର କମାଣ୍ଡ ଦର୍ଶାଇଛନ୍ତି ଯେ, ପାଇଲଟ୍ ଠିକ ଅଛନ୍ତି ଏହା ଏକ ଖୁସି ଖବର । କିନ୍ତୁ ବିମାନର ପୁନଃନିର୍ମାଣ ପୁଣି ଥରେ ଅନେକ ବର୍ଷ ନେଇପାରେ ଏହା ଜମା ବି ଭଲ ଖବର ନୁହେଁ ।
ସିଏନ୍ଏନ୍ ରିପୋର୍ଟରେ କୁହାଯାଇଛି ଯେ, ଉଦ୍ଧାରକାରୀମାନେ ଭିଣ୍ଟେଜ୍ ବିମାନକୁ ପାଣିରୁ ବାହାର କରିବାର ଉପାୟ ଖୋଜିବାକୁ ଚେଷ୍ଟା କରୁଛନ୍ତି । ଫେଡେରାଲ ଆଭିଏସନ ଆଡମିନିଷ୍ଟ୍ରେସନ (ଏଫଏଏ) ଏହାର ଅନୁସନ୍ଧାନ କରୁଛି।