ପ୍ରିଜମ ନ୍ୟୁଜ୍ ବ୍ୟୁରୋ: ସପ୍ତାହର ଗୋଟିଏ ଦିନ ହେଉଛି ରବିବାର ଯାହାକୁ ଅତ୍ୟନ୍ତ ଉତ୍ସାହର ସହିତ ପିଲାଠୁ ବୟସ୍କ ଅପେକ୍ଷା କରି ରହିଥାନ୍ତି। କାରଣ ରବିବାର ଦିନ ସବୁଠି ଛୁଟି ହୋଇଥାଏ ଏବଂ କୌଣସି କାମର ଚାପ ନଥାଏ। ତେବେ ହୁଏତ ଆପଣ ବେଳେବେଳେ ଭାବିଥିବେ ଯେ ସପ୍ତାହରେ ଅନ୍ୟ ୬ ଦିନ ରହିଥିଲେ ମଧ୍ୟ ରବିବାର ଦିନ କାହିଁକି ଛୁଟିଦିନ ହୋଇଥାଏ। ବାସ୍ତବରେ ଏହା ପଛରେ ଅନେକ ପ୍ରକାରର କାହାଣୀ ଏବଂ କାରଣ ରହିଛି। ଆଜି ଆମେ ଆପଣଙ୍କୁ କହିବୁ ଯେ ରବିବାର କାହିଁକି ଛୁଟିଦିନ ହୋଇଥାଏ ? କେବଳ ଭାରତରେ ନୁହେଁ ଅନ୍ୟ ଦେଶରେ ମଧ୍ୟ ରବିବାର ଛୁଟି ବୋଲି ବିବେଚନା କରାଯାଏ କାହିଁକି ?
ଆନ୍ତର୍ଜାତୀୟ ମାନକକରଣ ସଂଗଠନ ISO ଅନୁଯାୟୀ, ରବିବାର ସପ୍ତାହର ଶେଷ ଦିନ ଭାବରେ ବିବେଚନା କରାଯାଏ ଏବଂ ଏହି ଦିନଟି ଏକ ସାଧାରଣ ଛୁଟି ଦିନ। ୧୯୮୬ ମସିହାରେ ଏହା ପ୍ରଥମ ମାନ୍ୟତା ପାଇଥିଲେ ହିଁ ଏହାର ଇତିହାସ ବହୁତ ପୁରୁଣା । ବାସ୍ତବରେ ଏହାକୁ ସପ୍ତାହର ଶେଷ ଦିନ ଭାବରେ ବିବେଚନା କରାଯାଉଥିବାରୁ ସ୍କୁଲ ଏବଂ କଲେଜଗୁଡ଼ିକ ରବିବାର ଛୁଟି ଘୋଷଣା ହୋଇଥାଏ l ଏହା ପରେ କ୍ରମାଗତ ରବିବାର ଛୁଟିଦିନ ଭାବରେ ବିବେଚନା କରାଯାଉଛି।
ସେହିଭଳି ଏନେଇ କେତେକ ଧାର୍ମିକ କାରଣ ମଧ୍ୟ ରହିଛି। ରୋମାନ୍ କ୍ୟାଥୋଲିକ୍ ଏବଂ ପ୍ରୋଟେଷ୍ଟାଣ୍ଟ ଖ୍ରୀଷ୍ଟିଆନମାନେ ରବିବାରକୁ ଈଶ୍ବରଙ୍କ ଦିନ ଭାବରେ ବିବେଚନା କରନ୍ତି ଏବଂ ୟୁରୋପ ସମେତ ଅଧିକାଂଶ ଖ୍ରୀଷ୍ଟିଆନ ଦେଶରେ ଲୋକମାନେ ରବିବାର ଦିନ ଚର୍ଚ୍ଚକୁ ଯାଆନ୍ତି। ଖ୍ରୀଷ୍ଟିଆନ ଧର୍ମରେ ବିଶ୍ଵାସ କରାଯାଏ ଯେ, ଭଗବାନ ୬ ଦିନରେ ଜଗତ ସୃଷ୍ଟି କରିଥିଲେ ଏବଂ ରବିବାର ଦିନ ବିଶ୍ରାମ ନେଇଥିଲେ। ଏହି କାରଣରୁ ରବିବାର ବିଶ୍ରାମ ଦିନ ଭାବରେ ଚୟନ କରାଯାଇଥିଲା।
ତେବେ ଭାରତରେ ରବିବାରକୁ କିପରି ଛୁଟି ଦିନ ଭାବେ ମନୋନୀତ କରାଗଲା ସେ ନେଇ କୁହାଯାଏ ଯେ, ଭାରତରେ ବ୍ରିଟିଶମାନଙ୍କ ସମୟରେ ଭାରତୀୟମାନେ ୭ ଦିନ କାମ କରିଥିଲେ ଏବଂ ସେମାନଙ୍କୁ ଗୋଟିଏ ଦିନର ବିଶ୍ରାମ ଆବଶ୍ୟକ ଥିଲା। ଏହା ପରେ ୧୮୫୭ ମସିହାରେ ଶ୍ରମିକ ନେତା ମେଘାଜୀ ଲୋଖଣ୍ଡେ ଛୁଟି ଦିନ ପାଇଁ ସ୍ୱର ଉତ୍ତୋଳନ କରିଥିଲେ ଏବଂ ସେ ବ୍ରିଟିଶମାନଙ୍କ ସହ ଛୁଟି ପାଇଁ ସଂଘର୍ଷ କରିଥିଲେ। ଏବଂ ସେ କହିଥିଲେ ଯେ ଶ୍ରମିକମାନେ ଗୋଟିଏ ଦିନ ବିଶ୍ରାମ ନେବା ଉଚିତ ଏବଂ ଦେଶ ଓ ସମାଜ ପାଇଁ କାମ କରିବା ପାଇଁ ଗୋଟିଏ ଛୁଟି ଦିନ ଦରକାର। ରବିବାର ଦିନ, ବ୍ରିଟିଶମାନେ ଛୁଟିରେ ରହୁଥିଲେ ନହେଲେ ଚର୍ଚ୍ଚକୁ ଯାଉଥିଲେ, ତେଣୁ ଭାରତରେ ରବିବାର ଛୁଟିଦିନ ପାଇଁ ଲୋକପ୍ରିୟ ହୋଇଥିଲା। ତେବେ ରବିବାରକୁ ସାପ୍ତାହିକ ଛୁଟି ଦିନ ଭାବରେ ସ୍ୱୀକୃତି ଭାରତ ସରକାର ଦେଇ ନାହାନ୍ତି, କିନ୍ତୁ ବ୍ରିଟିଶମାନଙ୍କ ସମୟରୁ ଏହା ଜାରି ରହିଛି। ଏକ ଆରଟିଆଇରେ ସରକାର ରବିବାର ଦିନ ସାଧାରଣ ଛୁଟି ହେବା ପାଇଁ ମନା କରିଦେଇଥିଲେ।
0 Comments