ନିଜ ବାହାଘର ଭୋଜିରେ ଭାଙ୍ଗ ମିଶେଇ ଦେଲା କନ୍ୟା, ତାପରେ ଯାହା ହେଲା ବିଶ୍ଵାସ କରି ହେବନି

ପ୍ରିଜମ ନ୍ୟୁଜ ବ୍ୟୁରୋ:ବାହାଘରରେ ଲୋକମାନେ ମନ ଭରି ଉପଭୋଗ କରନ୍ତି, ନାଚ ଗୀତ ସହ ଭୋଜିଭାତର ଆସର ଜମେ । ଏହାସହ ବର ଏବଂ କନ୍ୟା ସେମାନଙ୍କ ବିବାହକୁ ସ୍ମରଣୀୟ କରିବା ପାଇଁ କିଛି ଅଲଗା କରିବାକୁ ଚେଷ୍ଟା କରନ୍ତି । ଏହିଭଳି କିଛି ନିଆରା କାର୍ଯ୍ୟ କରିବା ଚକରରେ, ଜଣେ କନ୍ୟା ଏମିତି କିଛି କଲେ, ଯାହା ତାଙ୍କ ଉପରେ ଓଲଟା ପଡିଲା। ଆମେରିକାର ଫ୍ଲୋରିଡା ସହରର ଜଣେ କନ୍ୟା ତାଙ୍କ ବିବାହ ଉତ୍ସବରେ ଏମିତି କିଛି କରିଥିଲେ ଯାହାକି ତାଙ୍କ ଅତିଥିମାନଙ୍କ ଉପରେ ଭାରି ପଡ଼ିଥିଲା।

ଖାଦ୍ୟରେ କନ୍ୟା ମିଶେଇ ଦେଲେ ଭାଙ୍ଗ:

ଡେଲି ମେଲର ରିପୋର୍ଟ ଅନୁଯାୟୀ ଫ୍ଲୋରିଡାରେ ରହୁଥିବା ଡାନିଆ ନାମକ ଜଣେ ଯୁବତୀ ଫେବୃଆରୀ ୧୯ ରେ ବିବାହ କରିଥିଲେ। ବିବାହକୁ ଆସିଥିବା ଅତିଥିମାନେ ଯେପରି ବିରକ୍ତ ନହୁଅନ୍ତି ଏବଂ ମନ ଭରି ମଜା କରନ୍ତି। ଏଥିପାଇଁ କନ୍ୟା ସମସ୍ତଙ୍କ ଖାଦ୍ୟରେ ଭାଙ୍ଗ ମିଶେଇ ଦେଇଥିଲେ। ଏହା ପରେ ଯାହା ଘଟିଲା ତାହା ଅତ୍ୟନ୍ତ ଆଶ୍ଚର୍ଯ୍ୟଜନକ ଥିଲା। ବାସ୍ତବରେ, କନ୍ୟା ନିଜ ବିବାହରେ ଭୋଜି ରାନ୍ଧୁଥିବା ମହିଳାଙ୍କ ସହାୟତାରେ ଖାଦ୍ୟରେ ଭାଙ୍ଗ ମିଶାଇ ଦେଇଥିଲେ। ଏହି ବିଷୟରେ ସେତେବେଳେ ଜଣା ପଡ଼ିଥିଲା ଯେତେବେଳେ ବହୁ ସଂଖ୍ୟାରେ ଅତିଥି ଡାକ୍ତରଖାନାରେ ଭର୍ତ୍ତି ହୋଇଥିଲେ।ଏହା ପରେ ପୋଲିସ ବିବାହ ସମାରୋହରେ ପହଞ୍ଚିଥିଲା ​​ଏବଂ କନ୍ୟା ସହିତ କ୍ୟାଟରିଂ କରୁଥିବା ମହିଳାଙ୍କୁ ଗିରଫ କରିଥିଲା। ପୋଲିସରେ ଲୋକଙ୍କୁ ନଜଣାଇ ସେମାନଙ୍କ ଖାଦ୍ୟରେ ଭାଙ୍ଗ ମିଶାଯାଇ ଥିବା ଅଭିଯୋଗ ହୋଇଥିଲା। ପୋଲିସର ସୂଚନାନୁସାରେ, ଅତିଥିମାନଙ୍କ ଖାଦ୍ୟରେ ଭାଙ୍ଗ ମିଶାଇବା ପରେ ଅନେକ ଲୋକ ଅସୁସ୍ଥ ହୋଇପଡିଥିଲେ ଏବଂ ଅନେକଙ୍କୁ ଡାକ୍ତରଖାନା ଯିବାକୁ ପଡିଥିଲା। ଏହା ବ୍ୟତୀତ ଅନେକ ଲୋକ ଭାଙ୍ଗ କାରଣରୁ ଘରକୁ ଫେରୁଥିବା ସମୟରେ ନିଜ ଗାଡ଼ିରେ ବେହୋସ ହୋଇ ଯାଇଥିଲେ।

୫୦ ଅତିଥି ଡାକ୍ତରଖାନାରେ ଭର୍ତ୍ତି ହୋଇଥିଲେ:

ବିବାହକୁ ବହୁ ଅତିଥି ଆସିଥିଲେ ବୋଲି ପୋଲିସ କହିଛି। ଯେଉଁଥିରୁ ୫୦ ରୁ ଅଧିକ ଅତିଥି ଖାଦ୍ୟ ଖାଇବା ପରେ ଅସୁସ୍ଥ ହୋଇ ପଡିଥିଲେ। ଖାଦ୍ୟ ନଷ୍ଟ ହେତୁ ଅତିଥିମାନେ ଅଭିଯୋଗ କରିଥିଲେ। ଅତିଥିମାନେ ଅଭିଯୋଗ କରିଥିଲେ ଯେ, ଖାଦ୍ୟ ଖାଇବା ପରେ ସେମାନଙ୍କ ପେଟରେ ଯନ୍ତ୍ରଣା ଅନୁଭବ ହୋଇଥିଲା ଏବଂ ସେମାନେ ବାନ୍ତି କରିବା ଆରମ୍ଭ କରିଥିଲେ। ଅତିଥିମାନଙ୍କୁ ମାଂସ ବଲ୍, ସିଜର ସାଲାଡ୍, ଅଲିଭ୍ ଅଏଲ୍ ସହିତ ଭାଙ୍ଗ ମିଶାଇ ଖାଦ୍ୟ ପରିବେଷଣ କରାଯାଇଥିଲା। ଜଣେ ଅତିଥି କହିଛନ୍ତି ଯେ ଖାଦ୍ୟ ଖାଇବା ପରେ ସେ ହୃଦଘାତ ଭଳି ଅନୁଭବ କରିଥିଲେ ଏବଂ ତାଙ୍କର ହୃଦସ୍ପନ୍ଦନ ବଢିଯାଇଥିଲା।