ପ୍ରିଜମ ନ୍ୟୁଜ ବ୍ୟୁରୋ: ଚଳିତ ବର୍ଷ କାନ୍ସରେ ଆୟୋଜିତ ସମ୍ମାନଜନକ ଚଳଚିତ୍ର ଉତ୍ସବରେ କଂଟ୍ରି ଅଫ୍ ଅନର୍ ଭାବେ ଭାରତ ଗୌରବ ଅର୍ଜନ କରିଛି। ଆମ ସ୍ୱାଧୀନତାର ୭୫ତମ ବର୍ଷକୁ ପାଳନ କରିବା ଏବଂ ଭାରତକୁ ବିଶ୍ୱରେ ଏକ ଚଳଚିତ୍ର ଗନ୍ତବ୍ୟସ୍ଥଳୀ ଭାବେ ପ୍ରୋତ୍ସାହିତ କରିବା ଲାଗି; ଗତ ମେ’ ୧୯ ତାରିଖରେ ଇଣ୍ଡିଆ ପାଭିଲିଅନରେ ‘ଫିଲ୍ମିଙ୍ଗ୍ ଇନ୍ ଇଣ୍ଡିଆ: ଏ ୱାର୍ଲ୍ଡ ଅଫ୍ ଅପର୍ଚ୍ୟୁନିଟିଜ୍’ ପ୍ରସଙ୍ଗ ଉପରେ ଏକ ରାଉଣ୍ଡ ଟେବୁଲ ବୈଠକ ଆୟୋଜିତ ହୋଇଛି । ଚଳଚିତ୍ର ନିର୍ମାତା ନୀଳମାଧବ ପଣ୍ଡା ଏହି ସମ୍ମାନଜନକ ରାଉଣ୍ଡ ଟେବୁଲ ବୈଠକରେ ଫ୍ରାଟର୍ନିଟିର ଅନ୍ୟ ବିଶିଷ୍ଟ ବ୍ୟକ୍ତିଙ୍କ ଗହଣରେ ଜଣେ ପ୍ୟାନେଲିଷ୍ଟ ଭାବେ ଯୋଗ ଦେଇଛନ୍ତି ।
ନିଜ ବକ୍ତବ୍ୟରେ ସେ ଆମ ଦେଶରେ ସିନେମା ପାଇଁ ରହିଥିବା ଲୋକଙ୍କ ପ୍ରେମ ଉପରେ ଗୁରୁତ୍ୱାରୋପ କରିଛନ୍ତି । ସେ ଅବସ୍ଥାନ ଦୃଷ୍ଟିରୁ ବିବିଧତା ସମ୍ପର୍କରେ ନିଜର ମତ ରଖିଛନ୍ତି, କିଭଳି ଭୁବନେଶ୍ୱର ହ୍ୱାଇଟ୍ ସ୍ୟାଣ୍ଡ ବିଚ୍, ଜଙ୍ଗଲ ଓ ଅନ୍ୟାନ୍ୟ ପର୍ବତଗୁଡିକ ସହ ବିଭିନ୍ନ ସ୍ଥାନ ସହ ଅତି ଘନିଷ୍ଠ ଭାବେ ଜଡିତ ରହିଛି ତାହା ଉପରେ ସ୍ୱତନ୍ତ୍ର ଭାବେ ଆଲୋକପାତ କରିଛନ୍ତି । କାନ୍ସରେ ଆମ ଓଡିଶା ସମ୍ପର୍କରେ ଉଲ୍ଲେଖ କରାଯିବାର ଶୁଣିବା ଆମ ସମସ୍ତଙ୍କ ପାଇଁ ବାସ୍ତବରେ ଏକ ବର୍ଗର ବିଷୟ ଅଟେ । ଏହି ଅବସରରେ ଦେଶରେ ନୂଆ ସିନେମାଗୁଡିକୁ ଆରମ୍ଭ କରିବା ଲାଗି ପ୍ରୋତ୍ସାହନ ଓ ପ୍ରକ୍ରିୟାରେ ସହଜତା ସମ୍ପର୍କରେ ଆଲୋକପାତ କରାଯାଇଥିଲା।
0 Comments