ଘରକୁ ଫେରିବ ସୁନା ପୁଅ, ସ୍ବାଗତ ପାଇଁ ଚାଲିଛି ଏମିତି ପ୍ରସ୍ତୁତି

ପ୍ରିଜମ୍ ନ୍ୟୁଜ ବ୍ୟୁରୋ: ନୀରଜ ଚୋପ୍ରା, ଯାହାଙ୍କ ସମ୍ପୂର୍ଣ୍ଣ ପରିଚୟ ଦେବାକୁ ପଡ଼ିବନି, ନାମ ହିଁ ଯଥେଷ୍ଟ। ଅଲିମ୍ପିକ୍ସରେ ଦେଶ ପାଇଁ ସ୍ୱର୍ଣ୍ଣ ପଦକ ଆଣିଛନ୍ତି ଏହି ସୁନା ପୁଅ। ତେବେ ସୁନା ପୁଅ ନୀରଜ ଅଗଷ୍ଟ ୧୭ ରେ ତାଙ୍କ ଗାଁକୁ ଫେରୁଛନ୍ତି। ଯେଉଁଥି ପାଇଁ ମତ୍ତଲୋଡ଼ାର ଖଣ୍ଡରା ଗ୍ରାମ ଉତ୍ସାହର ଶୀର୍ଷରେ ପହଁଚିଛି। ଗାଁରେ ବିଭିନ୍ନ ପ୍ରକାର ମିଠା ପ୍ରସ୍ତୁତ ସାଙ୍ଗକୁ ୨୦ ହଜାର ଲୋକଙ୍କ ପାଇଁ ମିଠା ତିଆରି କରାଯାଉଛି। ଖବର ଅନୁଯାୟୀ ପ୍ରାୟ ଶହେ ଲୋକଙ୍କ ଏକ ଟିମ୍ ମିଠା ତିଆରି କରିବା ଆରମ୍ଭ କରିଛନ୍ତି। ଦୁଇ ଶହରୁ ଅଧିକ ଚିନି ପାତ୍ର ରଖାଯାଇଛି। ତିରିଶରୁ ଅଧିକ ଗ୍ୟାସ ସିଲିଣ୍ଡର ଅର୍ଡର କରାଯାଇଛି। ମିଠା ତିଆରି କରୁଥିବା କାରିଗର ମଧ୍ୟ ଏନେଇ ଗର୍ବ କରନ୍ତି ଏବଂ କୁହନ୍ତି ଯେ ସେମାନଙ୍କର ନାମ ମଧ୍ୟ ଜଣାଶୁଣା ହୋଇପାରିବ। ଯେତେବେଳେ ବି ନୀରଜଙ୍କ ନାମ ଆସିବ, ଲୋକ କହିବେ ଯେ ଆମେ ନୀରଜଙ୍କ ସ୍ୱାଗତ ପାଇଁ ମିଠା ପ୍ରସ୍ତୁତ କରୁଥିଲୁ। ଜିନ୍ଦ ରୂପଗଡ ସମେତ ବିଭିନ୍ନ ଜିଲ୍ଲାରୁ ମିଠା କାରିଗର ଏଠାରେ ଏକାଠି ହୋଇଛନ୍ତି। ଚଣ୍ଡିଗଡ଼ ଏବଂ ଅମ୍ବାଲାରୁ ମଧ୍ୟ କେତେକ କାରିଗର ଆସିଛନ୍ତି। କାରିଗରମାନେ କହିଛନ୍ତି ଯେ ଦେଶର ପୁଅର ଆଗମନରେ ସେମାନେ ମିଠା ପ୍ରସ୍ତୁତ କରୁଛନ୍ତି। କୌଣସି ଅଭାବ ରହିବ ନାହିଁ। ଏକ ଲକ୍ଷ ଲଡୁ ତିଆରି କରିବାକୁ ନିର୍ଦ୍ଦେଶ ଦିଆଯାଇଛି। ଏହାସହ ନୀରଜଙ୍କ ସ୍ବାଗତ ପାଇଁ ଦେଶୀ ଘିଅରେ ଲଡୁ, ଗୁଲାବ ଜାମୁ, ଜଲେବି, ଅଗଷ୍ଟ ୧୭ ରେ ତିଆରି ହେବ।
ତେବେ ନୀରଜଙ୍କ ଜେଜେବାପା ଧର୍ମ ସିଂ ଚୋପ୍ରା କହିଛନ୍ତି ଯେ ନୀରଜ ମିଠା ଖାଇବାକୁ ଭଲ ପାଆନ୍ତି। ସେ ଚୁର୍ମା ଖାଇବାକୁ ଅଧିକ ପସନ୍ଦ କରେ। ପିଲାଦିନର କାହାଣୀ ବର୍ଣ୍ଣନା କରି କୁହନ୍ତି ଯେ ନୀରଜ ବହୁତ ଚଗଲା ଥିଲେ। ସେ ପଢ଼ାପଢ଼ି ଅପେକ୍ଷା ଅଧିକ ଖେଳିବାରେ ଧ୍ୟାନ ଦେଉଥିଲେ। ଠିକ୍, ସେହିଭଳି ଶାନ୍ତ ସ୍ୱଭାବର ଥିଲେ ଗାଁରୁ କୌଣସି ଅଭିଯୋଗ ହୋଇନଥିଲା। ହଁ, ଅନେକ ଥର ସେ କାଦୁଅ ହୋଇ ଘରକୁ ଫେରୁଥିଲେ। ତାଙ୍କୁ ଦେଖି ଖୁସି ଲାଗୁଥିଲା। ଲାଗୁଥିଲା ଯେ ସେ ନିଶ୍ଚିତ ଭାବରେ ଦେଶର ନା ରଖିବ। ଶେଷରେ ଦେଶ ପାଇଁ ପଦକ ଜିତିଛି ଆମେ ବହୁତ ଖୁସି