ଏଠି ଲୋକମାନେ ଗୋଟିଏ ଦେଶରେ ଖାଆନ୍ତି ଓ ଅନ୍ୟ ଦେଶରେ ଶୁଅନ୍ତି

ପ୍ରିଜମ ନ୍ୟୁଜ ବ୍ୟୁରୋ: ଯଦିଓ ଦେଶରେ ସହରୀକରଣକୁ ପ୍ରୋତ୍ସାହନ ଦିଆଯାଉଛି, ତଥାପି ଆଜି ମଧ୍ୟ ଦେଶର ଅଧିକାଂଶ ଲୋକ ଗାଁରେ ରୁହନ୍ତି । ଏକ ରିପୋର୍ଟ ଅନୁଯାୟୀ, ଭାରତରେ ୬ ଲକ୍ଷରୁ ଅଧିକ ଗାଁ ଅଛି, କିନ୍ତୁ ଆପଣ ଜାଣନ୍ତି କି ଦେଶରେ ଏପରି ଏକ ଗ୍ରାମ ଅଛି ଯାହାକୁ ଦୁଇ ଦେଶରେ ବିଭକ୍ତ କରାଯାଇଛି। ଏହି ଗାଁ ସହିତ ଜଡିତ ଅନେକ ମଜାଦାର ଜିନିଷ ଅଛି, ଯାହା ଲୋକଙ୍କୁ ଆଶ୍ଚର୍ଯ୍ୟ କରିଥାଏ।ଭାରତର ଏହି ଅନନ୍ୟ ଗ୍ରାମରେ ଲୋକମାନେ ଗୋଟିଏ ଦେଶରେ ଖାଆନ୍ତି ଏବଂ ଅନ୍ୟ ଦେଶରେ ଶୋଇଥା’ନ୍ତି। ଆସନ୍ତୁ ଜାଣିବା ଏହି ଗାଁ ବିଷୟରେ ।

ଏହି ଗାଁର ନାମ ଲଙ୍ଗୱା, ଯାହା ନାଗାଲାଣ୍ଡରେ ଅବସ୍ଥିତ, କିନ୍ତୁ ଏହି ଗାଁକୁ ନେଇ ସବୁଠାରୁ କୌତୁହଳର ବିଷୟ ହେଉଛି ଏହାର ଗୋଟିଏ ଅଂଶ ଭାରତରେ ଏବଂ ଅନ୍ୟ ଅଂଶ ମିଆଁମାରରେ ରହିଛି। ସେଥିପାଇଁ ଗାଁର ଲୋକମାନେ ଉଭୟ ଦେଶର ନାଗରିକତ୍ୱ ପାଇଛନ୍ତି। ସେମାନେ ବିନାବାଧାରେ ମିଆଁମାରରେ ମୁକ୍ତ ଭାବରେ ବୁଲାବୁଲି ବା ଅନ୍ୟାନ୍ୟ କାର୍ଯ୍ୟ କରିପାରିବେ।ଆପଣ ଜାଣି ଆଶ୍ଚର୍ଯ୍ୟ ହେବେ ଯେ ଅନ୍ତର୍ଜାତୀୟ ସୀମା ଏହି ଗାଁ ମୁଖିଆଙ୍କ ଘର ମଧ୍ୟଭାଗ ଦେଇ ଯାଇଥାଏ। ଏଭଳି ପରିସ୍ଥିତିରେ କୁହାଯାଏ ଯେ ଏହି ଗାଁର ଲୋକମାନେ ଗୋଟିଏ ଦେଶରେ ଖାଇ ଅନ୍ୟ ଦେଶରେ ଶୋଇଥାନ୍ତି।

ଏହି ଗାଁର ମୁଖ୍ୟଙ୍କୁ ‘ଅଙ୍ଗ’ କୁହାଯାଏ। ବାସ୍ତବରେ ସେ ଏଠାରେ ବଂଶାନୁକ୍ରମିକ ଶାସକ ଅଟନ୍ତି। ଗଣମାଧ୍ୟମ ରିପୋର୍ଟ ଅନୁଯାୟୀ, କେବଳ ଗୋଟିଏ ଗାଁରେ ନୁହେଁ, ଭାରତ ଏବଂ ମିଆଁମାରରେ ଅବସ୍ଥିତ ପ୍ରାୟ ୭୦ ଟି ଗାଁରେ ତାଙ୍କ ଶାସନ ଚାଲିଛି।କୁହାଯାଏ ଯେ ଗାଁ ମୁଖିଆଙ୍କର ଗୋଟିଏ କିମ୍ବା ଦୁଇଟି ନୁହେଁ ବରଂ ମୋଟ ୬୦ ପତ୍ନୀ ଅଛନ୍ତି, ଅର୍ଥାତ୍ ସେ ୬୦ ଟି ବିବାହ କରିଛନ୍ତି। ଏହି ଗାଁରେ ରହୁଥିବା ଲୋକମାନେ କନିଆକ୍ ଜନଜାତିରୁ ଆସିଛନ୍ତି, ଯାହା ପୂର୍ବରୁ ହେଡହଣ୍ଟର୍ ଜନଜାତି ଭାବରେ ଜଣାଶୁଣା। ତେବେ ଏହି ଗାଁ ଟି ଦେଖିବାକୁ ବହୁତ୍ ସୁନ୍ଦର। ଏଠାକୁ ବିଭିନ୍ନ ସମୟରେ ପର୍ଯ୍ୟଟକ ବୁଲି ଯାଇଥାନ୍ତି।