ଭାରତର ଏହି ସ୍ଥାନରେ କିଲୋଗ୍ରାମ ହିସାବରେ ବିକ୍ରି ହୁଏ ପୋଷାକ

ପ୍ରିଜମ ନ୍ୟୁଜ ବ୍ୟୁରୋ: ସାଧାରଣତଃ ପୋଷାକ ହଳ ବା ଅଲଗା ଅଲଗା ପିସ୍ ଅନୁଯାୟୀ ବିକ୍ରି ହୋଇଥାଏ। ତାହା ପୁଣି ବ୍ରାଣ୍ଡ ଦେଖି କାମରୁ ଅଧିକ ଟଙ୍କା ହୋଇଥାଏ। କିନ୍ତୁ ଆଜି ଆମେ ଆପଣଙ୍କୁ ଏକ ବଜାର ବିଷୟରେ କହିବୁ ଯେଉଁଠାରେ ବ୍ରାଣ୍ଡେଡ୍ ଏବଂ ଫ୍ୟାଶନେବଲ୍ ପୋଷାକ କବାଡି ଜିନିଷ ଭଳି କିଲୋ ଦରରେ ବିକ୍ରୀ ହୋଇଥାଏ। ହଁ, ଏହି ବଜାରରେ ଆପଣ ଜିନ୍ସ ଠାରୁ ଆରମ୍ଭ କରି ଜ୍ୟାକେଟ୍ ପର୍ଯ୍ୟନ୍ତ ସବୁ ଶସ୍ତା ମୂଲ୍ୟରେ ପାଇପରିବେ । ଏହି ବଜାର ଦିଲ୍ଲୀରେ ଅବସ୍ଥିତ । ଦିଲ୍ଲୀର ଏହି ଶସ୍ତା ବଜାର ଶିବାଜୀ ରୋଡ୍ ରେ ଅବସ୍ଥିତ ଏବଂ ଏହି ବଜାରର ନାମ ହେଉଛି ଆଜାଦ ମାର୍କେଟ ।

ବଜାରଟି ମେଟ୍ରୋ ଷ୍ଟେସନର ଅତି ନିକଟତର। ଷ୍ଟେସନରୁ ପଦରେ ଚାଲି ବଜାରରେ ପହଞ୍ଚିବାକୁ ଆପଣଙ୍କୁ ୧୦ ମିନିଟ୍ ଲାଗିବ।ଏଠାରେ ସେକେଣ୍ଡ ହାଣ୍ଡ ପୋଷାକ ମଧ୍ୟ ଉପଲବ୍ଧ । ଏହି ବଜାରରେ ଅନେକ ଦୋକାନ ଅଛି ଯେଉଁଠାରୁ ଆପଣ ପୋଷାକ କିଣି ପାରିବେ। ଆପଣ ଏଠାରେ ଏକକ ପୋଷାକ ପାଇବେ ନାହିଁ । ଆପଣ ଏଠାରୁ ୧୦ ରୁ ୫୦ ବଣ୍ଡଲରେ ପୋଷାକ କିଣି ପାରିବେ । ଏହାସହ ଆପଣ କିଲୋ ମୂଲ୍ୟରେ କିଛି ପୋଷାକ ମଧ୍ୟ ପାଇପାରିବେ, ଯେଉଁଥିରେ ବଣ୍ଡଲଗୁଡିକ 1KG ରୁ 45KG ପର୍ଯ୍ୟନ୍ତ ରହିଥାଏ।ଏଠାରେ ଆପଣ ପ୍ରତ୍ୟେକ ଦୋକାନରେ ଭିନ୍ନ ମୂଲ୍ୟରେ ଜିନିଷ ପାଇବେ, ସେଥିପାଇଁ କିଣିବା ପୂର୍ବରୁ ଭଲ ଭାବେ ଦରଦାମ ବୁଝିବା ଦରକାର୍। ଯଦି ଆପଣ ବହୁ ପରିମାଣରେ ପୋଷାକ କିଣୁଛନ୍ତି, ତେବେ ଥରେ ଖୋଲି ଦେଖିବା ଉଚିତ୍। ଆପଣ ଏହି ବଜାରରେ ଏକକ ପୋଷାକ କିଣି ପାରିବେ ନାହିଁ, ଆପଣଙ୍କୁ ସର୍ବନିମ୍ନ ୧୦ ଟି ପୋଷାକ କିଣିବାକୁ ପଡିବ।

ଏହି ବଜାରରେ ପୋଷାକ ୧୨ କିଲୋଗ୍ରାମରୁ ଆରମ୍ଭ ହୁଏ। ଏଠାରେ ଆପଣ ଜ୍ୟାକେଟରୁ ଜିନ୍ସ ପର୍ଯ୍ୟନ୍ତ କିଲୋଗ୍ରାମ ପିଛା ୪୦ ଟଙ୍କାରେ କିଣି ପାରିବେ । ସୂଚନାଯୋଗ୍ୟ ଯେ ଏଠାରେ ଥିବା ଦୋକାନୀମାନେ ପୋଷାକ ବିଷୟରେ ବିଭିନ୍ନ କଥା କୁହନ୍ତି, କେହି କେହି କୁହନ୍ତି ଯେ ଆମଦାନୀ ହୋଇଥିବା ପୋଷାକ, କେହି କେହି ସେମାନଙ୍କୁ ବ୍ୟବହୃତ ପୋଷାକ ବୋଲି କୁହନ୍ତି ଏବଂ କେହି କେହି କୁହନ୍ତି ଯେ ଏହି ପୋଷାକ କେବଳ ଭାରତର ଅଟେ। ଏଠାରେ ଆପଣ ବ୍ୟବହୃତ ପୋଷାକ ସହିତ ନୂତନ ପୋଷାକ ମଧ୍ୟ ପାଇବେ। ଲୋକମାନେ ଏଠାରୁ ପୋଷାକ ନେଇ ଅନ୍ୟ ଦୋକାନରେ ବିକ୍ରି କରନ୍ତି। ଲୋକମାନେ ବିଭିନ୍ନ ସ୍ଥାନରେ ବ୍ୟବସାୟ କରିବା ପାଇଁ ଏଠାରୁ ବହୁ ପରିମାଣରେ ପୋଷାକ କିଣନ୍ତି।