୩୫ ବର୍ଷରେ ପରିବାରରେ ହେଲା ଝିଅ, ଘରକୁ ଆଣିବା ପାଇଁ ଭଡ଼ାରେ ନେଲେ ହେଲିକପ୍ଟର

ପ୍ରିଜମ ନ୍ୟୁଜ୍ ବ୍ୟୁରୋ: ସାଧାରଣ ଭାବେ ଆମ ସମାଜରେ ପୁଅକୁ ଅଧିକ ପ୍ରାଧାନ୍ୟ ଦିଆଯାଇଥାଏ। ପୁଅଟେ ଜନ୍ମ ହେଲେ ଘରେ ଯେଉଁ ଖୁସି ଦେଖାଯାଇଥାଏ, ଝିଅଟେ ହେଲେ ସେଇ ଖୁସି ଦେଖିବାକୁ ମିଳେନି। କେବଳ ସେତିକି ନୁହେଁ, ପରିବାରରେ ପୁଅଟେ ଜନ୍ମ ହେଲେ ବିଶେଷ ଉତ୍ସବର ଆୟୋଜନ ହୋଇଥାଏ। ହେଲେ ରାଜସ୍ଥାନର ଗୋଟିଏ ପରିବାରରେ ଝିଅଟେ ଜନ୍ମ ହେବା ପରେ ସେମାନେ ଯାହା କରିଛନ୍ତି ଆପଣ ଜାଣିଲେ ଖୁସି ହେବେ ନିଶ୍ଚୟ ।

ରାଜସ୍ଥାନର ନାଗୌର ଜିଲ୍ଲାର ଏକ ଗାଁର ଜଣେ ବ୍ୟକ୍ତି ତାଙ୍କ ନବଜାତ ଝିଅ ଘରକୁ ଆଣିବା ପାଇଁ ତାଙ୍କ ଶଶୁର ଘରୁକୁ ହେଲିକପ୍ଟର ନିୟୋଜିତ କରିଥିଲେ। ହନୁମାନ ପ୍ରଜାପତଙ୍କ ପତ୍ନୀ ଚୁକି ଦେବୀ ୩ ମାର୍ଚ୍ଚରେ ନାଗୌର ଜିଲ୍ଲା ଡାକ୍ତରଖାନାରେ ତାଙ୍କ କନ୍ୟା ସନ୍ତାନଙ୍କୁ ଜନ୍ମ ଦେଇଥିଲେ। ପ୍ରସବ ପରେ ବାପଘର ହରସୋଲାଭ ଗାଁରେ ରହୁଥିବା ତାଙ୍କ ପିତାଙ୍କ ଘରକୁ ଯାଇଥିଲେ । ଯେତେବେଳେ ଶିଶୁକନ୍ୟାକୁ ନିଜ ଘରକୁ ଆଣିବାକୁ ପଡ଼ିଲା, ସେତେବେଳେ ପରିବାର ଲୋକେ ହେଲିକ୍ୟାପ୍ଟରେ ଆଣି ସ୍ବାଗତ କରିଥିଲେ ।
ପ୍ରଜାପତ ଗଣମାଧ୍ୟମକୁ କହିଛନ୍ତି, “ଆମେ ଆମର ଝିଅ, ଆମ ରାଜକୁମାରୀଙ୍କ ଆଗମନକୁ ବହୁତ ସ୍ୱତନ୍ତ୍ର କରିବାକୁ ଚାହୁଁଥିଲୁ ଏବଂ ମୁଁ ମୋ ପରିବାରକୁ କେତେ ଭଲପାଏ ତାହା ଦେଖାଇବାକୁ ଚାହୁଁଥିଲି। ତେବେ ହନୁମାନଙ୍କ ଗାଁ ଓ ତାଙ୍କ ଶଶୁର ଘର ଗାଁ ମଝିରେ ଦୂରତା ୪୦ କିମି ରହିଥିଲେ ହିଁ, ହେଲିକପ୍ଟରଟିକୁ ଅତିକ୍ରମ କରିବାକୁ ପ୍ରାୟ ୧୦ ମିନିଟ୍ ଲାଗିଥିଲା। ହେଲିକପ୍ଟର ପ୍ରଥମେ ହନୁମାନ ଏବଂ ତାଙ୍କର ତିନି ସମ୍ପର୍କୀୟଙ୍କୁ ନେଇ ନିମ୍ବଡି ଚାନ୍ଦବାତାରୁ ଉଡିଥିଲା। ହରସୋଲାଭାରେ ପ୍ରାୟ ଦୁଇ ଘଣ୍ଟା ବିତାଇବା ପରେ ତାଙ୍କ ପତ୍ନୀ ନବଜାତ ଝିଅ ରିୟାକୁ ନେଇ ଘରକୁ ଫେରିଥିଲେ। ପ୍ରଜାପତ କହିଛନ୍ତି ଯେ, ଏହା ତାଙ୍କ ପିତା ମଦନଲାଲ କୁମହରଙ୍କ ଧାରଣା, ଯିଏ ନାତୁଣୀର ଜନ୍ମକୁ ହୃଦୟ ସହିତ ପାଳନ କରିବାକୁ ଚାହିଁଥିଲେ। ସେ କହିଛନ୍ତି, ‘ମୋ ବାପା ରିୟାଙ୍କ ଜନ୍ମକୁ ନେଇ ବହୁତ ଖୁସି ହୋଇଯାଇଥିଲେ ଏବଂ ସେ ହେଲିକପ୍ଟର ବ୍ୟବସ୍ଥା କରିବାକୁ ଜିଦ୍ ଧରିଥିଲେ। ଯେତେବେଳେ ଆମେ ଆମ ଗାଁରେ ଅବତରଣ କଲୁ, ପରିବାରର ଅନ୍ୟ ସଦସ୍ୟମାନେ ତାକୁ ସ୍ୱାଗତ କରିଥିଲେ।
ତେବେ ଝିଅର ଜେଜେବାପା ମଦନଲାଲ ନ୍ୟୁଜ୍ ଏଜେନ୍ସି ANI କୁ କହିଛନ୍ତି, “୩୫ ବର୍ଷ ପରେ ଆମର ପରିବାରରେ ଗୋଟିଏ ଝିଅ ହୋଇଛି। ତେଣୁ ତାର ଏପରି ନିଆରା ସ୍ବାଗତ କରିବାକୁ ଚାହିଁ ଥିଲୁ । ମୁଁ ଆମ କନ୍ୟାରଚତ୍ନର ସମସ୍ତ ସ୍ୱପ୍ନ ପୂରଣ କରିବି। ଦଶମ ଶ୍ରେଣୀ ପର୍ଯ୍ୟନ୍ତ ଅଧ୍ୟୟନ କରିଥିବା ପ୍ରଜାପତ କହିଛନ୍ତି ଯେ, ବାଳିକା ଏବଂ ବାଳକଙ୍କୁ ସମାନ ଭାବରେ ବିବେଚନା କରାଯିବା ଉଚିତ୍। ଝିଅ ଓ ପୁଅ ମଧ୍ୟରେ କୌଣସି ଭେଦଭାବ ରହିବା ଉଚିତ୍ ନୁହେଁ। ମୁଁ ମୋ ଝିଅକୁ ଉତ୍ତମ ଶିକ୍ଷା ଦେବି ଏବଂ ତାର ସମସ୍ତ ସ୍ୱପ୍ନ ପୂରଣ କରିବି ।