ପୁରୁଷ ହୋଇ ୧୨ ବର୍ଷ ହେଲା ସାଙ୍ଗକୁ ଠକୁଥିଲା ଯୁବତୀ

ପ୍ରିଜମ ନ୍ୟୁଜ ବ୍ୟୁରୋ: ସେହି ବନ୍ଧୁ କି ବନ୍ଧୁ ଯିଏ ଥଟ୍ଟାମଜା କରେ ନାହିଁ କିମ୍ବା ଗୋଡ ଟାଣେ ନାହିଁ। ବନ୍ଧୁତ୍ୱରେ ସୁସ୍ଥ ଥଟ୍ଟା କରିବା, ପରସ୍ପରକୁ ଥଟ୍ଟା କରିବା ସାଧାରଣ କଥା। କିନ୍ତୁ ଯେତେବେଳେ ଥଟ୍ଟା ସୀମା ଅତିକ୍ରମ କରେ, କିମ୍ବା ପ୍ରତାରଣାରେ ପରିଣତ ହୁଏ, ସେତେବେଳେ ଏହାକୁ ବନ୍ଧୁତା କୁହାଯାଏ ନାହିଁ। ନିକଟରେ ଏମିତି ଏକ ଘଟଣା ସମ୍ନାକୁ ଆସିଛି, ଯାହା ଜାଣିଲେ ଯେ କେହିବି ଚକିତ ହେବେ। ଜଣେ ଚାଇନିଜ୍ ମହିଳାଙ୍କ ନିଜ ବନ୍ଧୁଙ୍କୁ ୧୨ ବର୍ଷ ଧରି ମିଛ କହିଆସୁଥିଲେ ଏବଂ ତାଙ୍କଠାରୁ ଟଙ୍କା ଲୁଟୁଥିଲେ।

ରିପୋର୍ଟ ଅନୁଯାୟୀ, ସାଂଘାଇ ପୋଲିସ୍ ଦାବି କରିଛି ଯେ ସେମାନେ ଏକ ଅଜବ ଅନଲାଇନ୍ ସ୍କାମର ମାମଲା ସମାଧାନ କରିଛନ୍ତି। ମାମଲାର ସମାଧାନ ବେଳେ ପୋଲିସ ଜଣେ ଚାଇନିଜ ମହିଳାଙ୍କୁ ଗିରଫ କରିଛି। ବାସ୍ତବରେ, ଏହି ଘଟଣାରେ ପୀଡିତା ମହିଳା ମଧ୍ୟ ସମାନ ବୟସର ଏବଂ ଗତ ୧୨ ବର୍ଷ ଧରି କେହି ଜଣେ ତାଙ୍କୁ ଅନଲାଇନରେ ପ୍ରତାରଣା କରୁଥିବାର ସେ ଅଭିଯୋଗ କରିଥିଲେ।ରିପୋର୍ଟ ଅନୁଯାୟୀ, ମହିଳା ଜଣକ ସୋସିଆଲ ମିଡିଆରେ ୧୨ ବର୍ଷ ଧରି ଜଣେ ପୁରୁଷଙ୍କ ସହ ଜଡିତ ଥିଲେ ଯିଏ ନିଜକୁ ଟିଭି ନ୍ୟୁଜ୍ ଆଙ୍କର୍ ବୋଲି କହୁଥିଲେ। କେବଳ ସେତିକି ନୁହେଁ, ସେ ପ୍ରେମରେ ଛଳନା କରିଥିଲେ ଏବଂ ଏହି ସମୟରେ ମହିଳାଙ୍କଠାରୁ ପ୍ରାୟ ୨ କୋଟି ଟଙ୍କା ଲୁଟି ନେଇଥିଲେ। ପ୍ରତାରଣାର କାରଣ ହେଉଛି ପୀଡିତାଙ୍କ ମା’।

ବାସ୍ତବରେ, ଉଭୟ ୟୁ ଏବଂ ଲି ନାମକ ମହିଳା ଉତ୍ତମ ବନ୍ଧୁ ଥିଲେ । ଦିନେ ଲିଙ୍କର ମା ତାଙ୍କୁ ଏବଂ ତାଙ୍କ ସାଙ୍ଗ ୟୁ କୁ କହିଥିଲେ ଯେ ଦୁହେଁ ସୁନ୍ଦର ନୁହଁନ୍ତି, ତେଣୁ ଉଭୟଙ୍କ ପାଇଁ ସ୍ୱାମୀ ଖୋଜିବା କଷ୍ଟକର ହେବ। ବନ୍ଧୁଙ୍କ ମା’ଙ୍କଠାରୁ ଏପରି କଥା ଶୁଣିବା ପରେ ୟୁ କ୍ରୋଧିତ ହୋଇଥିଲେ ଏବଂ ଭାବିଥିଲେ ଯେ ସେ ମହିଳାଙ୍କୁ ଦେଖାଇବେ ଯେ ସେ ସ୍ୱାମୀ ପାଇପାରିବେ।ସେ ଲି ଏବଂ ତାଙ୍କ ମା’ଙ୍କୁ କହିଥିଲେ ଯେ ତାଙ୍କର ଜଣେ ବନ୍ଧୁ ଅଛନ୍ତି ଯିଏ ନ୍ୟୁଜ୍ ଆଙ୍କର୍ ଏବଂ ଭଲ ଝିଅ ଖୋଜୁଛନ୍ତି। ତାଙ୍କ ସହିତ ତାଙ୍କ ଝିଅର ସମ୍ପର୍କକୁ ଯୋଡିବା ଦରକାର୍ ବୋଲି ଲିଙ୍କମା କହିଥିଲେ। ଏହା ପରେ ୟୁ ଏକ ଜାଲ୍ ଆକାଉଣ୍ଟ୍ ତିଆରି କରି ସେଥିରେ ଲିଙ୍କ ସହିତ କଥା ହେବା ଆରମ୍ଭ କରିଥିଲା। ଦୁହେଁ ଅନେକ ବର୍ଷ ଧରି କଥାବାର୍ତ୍ତା ଜାରି ରଖିଥିଲେ ଏବଂ ଯେତେବେଳେ ସେ ଲିଙ୍କ ବିଶ୍ୱାସ ଏବଂ ସ୍ନେହ ପାଇଥିଲେ, ସେତେବେଳେ ୟୁଙ୍କର ବ୍ୟକ୍ତିଗତ ଅର୍ଥର ଆବଶ୍ୟକତା କହିଥିଲେ। ତା’ପରେ ସେ ଏକ ଖବର ଆଙ୍କର୍ ଭାବରେ ଲିଙ୍କଠାରୁ ଟଙ୍କା ଲୁଟିବା ଆରମ୍ଭ କଲେ ଏବଂ ଅନେକ ବର୍ଷ ଧରି ପ୍ରାୟ ୨ କୋଟି ଟଙ୍କା ଠକି ଥିଲେ।

ଯେତେବେଳେ ବି ଲି ସାକ୍ଷାତ କରିବାକୁ କହିଥିଲେ, ସେ ବ୍ୟସ୍ତ ଥିବାରୁ ବାହାନା କରି ଏଡେଇ ଦେଉଥିଲେ।ଯେତେବେଳେ ଲିଙ୍କ ପାଖରେ ଟଙ୍କା ଅଭାବ ହେଲା ଏବଂ ନ୍ୟୁଜ୍ ଆଙ୍କର୍ ତାଙ୍କୁ ଭେଟିବାକୁ ମନା କଲା, ସେତେବେଳେ ସେ ୟୁଙ୍କ ସହ ଏ ବିଷୟରେ ଆଲୋଚନା କରିଥିଲେ ଏବଂ ତାଙ୍କୁ ଆଙ୍କର୍ ପରିଚିତ କରାଇବାକୁ କହିଥିଲେ କାରଣ ସେ ସେ ଠିକ୍ ବ୍ୟକ୍ତି ବୋଲି ଭାବିନଥିଲେ। ସେ ତାଙ୍କ ଟଙ୍କା ନେଇଛନ୍ତି ଏବଂ ବର୍ତ୍ତମାନ ତାଙ୍କର ଟଙ୍କାର ଆବଶ୍ୟକ ରହିଛି। ଏହି ଘଟଣା ପରେ, ୟୁଙ୍କୁ ସତ କହିବାକୁ ପଡିଲା ଏବଂ ଲି ସତ ଜାଣିବା ପରେ ତାଙ୍କ ପାଦ ତଳୁ ମାଟି ଖସି ଯାଇଥିଲା। ଏହା ପରେ ଲି କ୍ରୋଧରେ ପୋଲିସ୍ ମାମଲା ଦାୟର କରିଥିଲେ ଏବଂ ୟୁଙ୍କୁ ଗିରଫ କରାଯାଇଥିଲା।