ମୂଷାମାନେ କଦଳୀକୁ କାହିଁକି ଡରନ୍ତି ଜାଣନ୍ତି କି?

ପ୍ରିଜମ ନ୍ୟୁଜ ବ୍ୟୁରୋ: ଯଦି ଘରେ ଗୋଟିଏ ବି ମୂଷା ମଧ୍ୟ ଦେଖାଯାଏ, ତେବେ ଲୋକମାନେ ବିରକ୍ତ ହୁଅନ୍ତି। ମୂଷାମାନେ କେବଳ ଘରେ ମଇଳା କରନ୍ତି ନାହିଁ, ବରଂ ଏହା ସହିତ ସେମାନେ ଘରେ ଅନେକ ଜିନିଷ ନଷ୍ଟ କରଦିଅନ୍ତି। ଖାଦ୍ୟ ବ୍ୟତୀତ ସେମାନେ ପୋଷାକ, କାଗଜ ପତ୍ର ମୂଲ୍ୟବାନ ବସ୍ତୁ ମଧ୍ୟ କରିଦିଅନ୍ତି। ଆପଣ ଜାଣି ଆଶ୍ଚର୍ଯ୍ୟ ହୋଇପାରନ୍ତି ଯେ ଏହି ମୂଷାମାନେ କଦଳୀକୁ ଭୟ କରନ୍ତି। କାରଣ କଦଳୀରେ ଏକ ବିଶେଷ ପ୍ରକାରର ରାସାୟନିକ ପଦାର୍ଥ ଅଛି। ଯେଉଁଥିପାଇଁ ମୂଷାମାନେ ଶୁଙ୍ଘିବା ପରେ ପଳାୟନ କରନ୍ତି। ଅନୁସନ୍ଧାନରୁ ବୈଜ୍ଞାନିକମାନେ ଜାଣିବାକୁ ପାଇଛନ୍ତି ଯେ, ଷ୍ଟ୍ରେଶ ହରମୋନ୍ ଗୁଡିକ ମୂଷାମାନଙ୍କଠାରେ ଦେଖାଯାଏ। ଯେଉଁଥି ପାଇଁ ମୂଷାମାନେ ଟେନସନ୍ ହୋଇଯାଆନ୍ତି।

ସାଇନ୍ସ ଆଡଭାନ୍ସ ପତ୍ରିକାର ଏକ ରିପୋର୍ଟ ଅନୁଯାୟୀ କୁଆଁରା ପୁରୁଷ ମୂଷାମାନେ ମୂଷି ପିଲାଙ୍କ ଉପରେ ଆକ୍ରମଣାତ୍ମକ ବୋଲି ଜଣା ପଡିଛି। ରିପୋର୍ଟ ଅନୁସାରେ, ଅନୁସନ୍ଧାନରୁ ଜାଣିବାକୁ ମିଳିଛି ଯେ ପିଲାମାନଙ୍କୁ ବଞ୍ଚାଇବା ପାଇଁ ମଇ ମୂଷା ଏକ ବିଶେଷ ଉପାୟ ଆପଣାଇ ଥାଏ। ଏହି ଆକ୍ରୋଶରୁ ରକ୍ଷା ପାଇବା ପାଇଁ, ମାଇ ମୂଷା ମୂତ୍ର ମାଧ୍ୟମରେ ରାସାୟନିକ ପଦାର୍ଥକୁ ଶରୀରରୁ ବାହାର କରିଦିଏ। ଏହି ରାସାୟନିକ ଗନ୍ଧ ପରେ ପୁରୁଷ ମୂଷା ଏଥିରୁ ଦୂରେଇ ଯାଆନ୍ତି।

ଅନୁସନ୍ଧାନ ସମୟରେ ଏହା ଜଣାପଡିଛି ଯେ କଦଳୀରେ ମଧ୍ୟ ସମାନ ରାସାୟନିକ ପଦାର୍ଥ ମିଳିଥାଏ । ଏହି ରାସାୟନିକ ଗନ୍ଧ ଶୁଙ୍ଘି ମୂଷାର ଚାପ ବୃଦ୍ଧି ହୋଇଥାଏ। କଦଳୀ ଗନ୍ଧ ଶୁଙ୍ଘିବା ପରେ ମୂଷାମାନେ ଅସ୍ଥିର ହୋଇଯାଇଥାନ୍ତି । ବୈଜ୍ଞାନିକମାନେ ଏହାକୁ ନିଶ୍ଚିତ କରିବା ପାଇଁ କଦଳୀ ତେଲ ନେଇଥିଲେ, ଯାହା ମୂଷା ପରିସ୍ରା ପରି ଗନ୍ଧ ହୋଇଥାଏ। ସେ ଏହି ତେଲକୁ ତୁଳାରେ ରଖି ମୂଷା ପିଞ୍ଜରାରେ ରଖିଥିଲେ । ଏହା ପରେ, ମୂଷାମାନେ ଏହାର ଗନ୍ଧ ପାଇବା ମାତ୍ରେ, ସେମାନଙ୍କର ଚାପ ସ୍ତର ବହୁ ପରିମାଣରେ ବୃଦ୍ଧି ପାଇଥିଲା, ଯେପରି ମାଇ ମୂଷା ପରିସ୍ରା ନିକଟକୁ ଗଲେ ହୋଇଥାଏ। ବିଶେଷ କଥା ହେଉଛି କୁଆଁରୀ ପୁରୁଷ ମୂଷାମାନଙ୍କ ମଧ୍ୟରେ ଏହି ଟେନସନ ବୃଦ୍ଧି ପାଇଥିଲା, ଏହାର ଅର୍ଥ ହେଉଛି ଯଦି କଦଳୀ ଗନ୍ଧ ମୂଷା ନିକଟରେ ପହଞ୍ଚେ, ତେବେ ପୁରୁଷ ମୂଷା ସେହି ସ୍ଥାନରେ ରହିପାରିବେ ନାହିଁ । ତେଣୁ ମୂଷାମାନେ କଦଳୀକୁ ଡରନ୍ତି।