ଦୈବୀଶକ୍ତି ନା ଆତ୍ମାର ବାସ! କାନ୍ଦି କାନ୍ଦି ଗଛ ମାଗୁଛି ଖାଦ୍ୟ

ପୃଥିବୀରେ ଅନେକ ଅଦ୍ଭୁତ ଜିନିଷ ଦେଖିବାକୁ ମିଳେ। ଏପରିକି ବୈଜ୍ଞାନିକମାନେ ମଧ୍ୟ ସେହିସବୁ ରହସ୍ୟ ବିଷୟରେ ଜାଣିପାରନ୍ତି ନାହାଁ। ପୃଥିବୀରେ ଏପରି ଅନେକ ଗଛ ରହିଛି ଯେଉଁଥିରେ ଇଶ୍ୱରୀୟ ବା ଚମତ୍କାର ଶକ୍ତି ରହିଥିବାର ବିଶ୍ବାସ କରାଯାଏ। ଏପରି ଅନେକ ଗଛ ରହିଛି ଯାହାକି କାନ୍ଦନ୍ତି, ଖାଦ୍ୟ ମାଗନ୍ତି ଏବଂ ନିଜେ ଚାଲି ଚାଲି ଅନ୍ୟ ଏକ ସ୍ଥାନରେ ପହଞ୍ଚି ଯାଆନ୍ତି। ଏହା ନିଶ୍ଚୟ ଆଶ୍ଚର୍ଯ୍ୟ କର କଥା। କେବଳ ଚମତ୍କାର ଉଦ୍ଭିଦ ଏହିପରି କାର୍ଯ୍ୟ କରିପାରିବେ, କାରଣ କୌଣସି ସାଧାରଣ ଉଦ୍ଭିଦ ଏହି କାର୍ଯ୍ୟ କରିପାରିବେ ନାହିଁ। ଦୁନିଆରେ ପ୍ରାୟ ୪ ଲକ୍ଷ ପ୍ରଜାତିର ଉଦ୍ଭିଦ ରହିଛି। ଏହି ଉଦ୍ଭିଦଗୁଡିକ ମଧ୍ୟରୁ କେତେକ ସମ୍ପୂର୍ଣ୍ଣ ଭିନ୍ନ। ଆସନ୍ତୁ ଜାଣିବା ଏପରି ଚମତ୍କାର ଉଦ୍ଭିଦ ବିଷୟରେ …

ଗଛରୁ ବାହାରୁଛି ପାଣି:

ଭାରତର ଆଣ୍ଡାମାନ ଏବଂ ନିକୋବର ଦ୍ଵୀପରେ ରହିଛି ଏହି ନିଆରା ଉଦ୍ଭିଦ, ଯାହାର ନାମ କାଲାମସ୍ ଆଣ୍ଡାମାନିକ୍ସ। ଏହି ଉଦ୍ଭିଦର ମୂଳରୁ ପାଣି ବାହାରିଥାଏ ଯାହା ପାନୀୟ ଯୋଗ୍ୟ ଅଟେ। ଯେତେବେଳେ ଏଠାରେ ରହୁଥିବା ଆଦିବାସୀମାନେ ପାଣି ପାଆନ୍ତି ନାହିଁ, ସେମାନେ ଏହି ଉଦ୍ଭିଦରୁ ବାହାରୁଥିବା ଜଳକୁ ପିଇବା ପାଇଁ ବ୍ୟବହାର କରନ୍ତି। ସେହିପରି ଆଫ୍ରିକାରେ ମିଳୁଥିବା ବାଓବ ଗଛର ଉଚ୍ଚତା ପ୍ରାୟ ୮୦ ମିଟର ଏବଂ ବୟସ ହଜାରେ ବର୍ଷ ହୋଇଥାଏ।ଏହି ଗଛର ଆକୃତି ଏକ ବୋତଲ ପରି ହୋଇଥାଏ। ଏହି ଗଛରେ ବହୁ ପରିମାଣର ଜଳ ଗଚ୍ଛିତ ହୋଇ ରହିଥାଏ।

ଗଛରୁ ବାହାରେ ଆଲୋକ:ପୃଥିବୀରେ ଏପରି ଅନେକ ଉଦ୍ଭିଦ ଅଛି ଯେଉଁଥିରୁ ଅନ୍ଧାରରେ ଆଲୋକ ବାହାରିଥାଏ। ବିଶ୍ୱରେ ଏପରି ଅନେକ ଗଛ ଅଛି ଯେଉଁଥିରୁ ରାତିରେ ଉଜ୍ବଳ ଜଳ ପ୍ରବାହିତ ହୁଏ। ଏପରି କିଛି ପ୍ରଜାତିର ଛତୁ ରହିଛି, ଯାହା ଆଲୋକର ଅନେକ ରଙ୍ଗ ନିର୍ଗତ କରେ। ବୈଜ୍ଞାନିକମାନେ ବିଶ୍ବାସ କରନ୍ତି ଯେ ଏନଜାଇମ ଏବଂ ଅମ୍ଳଜାନ ସେମାନଙ୍କ ମଧ୍ୟରେ ରାସାୟନିକ ପ୍ରତିକ୍ରିୟା କରିଥାଏ, ଯେଉଁଥି ପାଇଁ ସେମାନଙ୍କଠାରୁ ରଙ୍ଗୀନ ଆଲୋକ ନିର୍ଗତ ହୁଏ।

ଲାଜୁଆ ଉଦ୍ଭିଦ:ଅଦ୍ୟାବଧି ଆପଣ ନିଶ୍ଚୟ ଶୁଣିଥିବେ ଯେ ମଣିଷ କିମ୍ବା ପଶୁମାନେ ଲାଜ କରନ୍ତି, କିନ୍ତୁ ଆପଣ ଜାଣନ୍ତି କି ଉଦ୍ଭିଦମାନେ ମଧ୍ୟ ଲାଜ କରନ୍ତି। ହଁ ଏପରି ଅନେକ ଉଦ୍ଭିଦ ରହିଛି ଯେଉଁ ମାନେ ଲାଜ କରନ୍ତି। ଏହି ଲାଜୁଆ ଉଦ୍ଭିଦର ନାମ ହେଉଛି ଲଜୱନ୍ତୀ ବା ଲାଜକୁଳୀ। ଏହି ଉଦ୍ଭିଦ ମଣିଷର ସ୍ପର୍ଶ ମାତ୍ରେ ଲାଜ କରେ ଏବଂ ଏହାର ପତ୍ରକୁ ସଙ୍କୁଚିତ କରେ। ବୈଜ୍ଞାନିକଙ୍କ ଅନୁଯାୟୀ, ଏହି ଉଦ୍ଭିଦଗୁଡିକର ପତ୍ର ଏକ ବିଶେଷ ପ୍ରକାରର ତରଳ ପଦାର୍ଥରେ ପରିପୂର୍ଣ୍ଣ। ଯେଉଁଥି ପାଇଁ ତାହା କୌଣସି ଜିନିଷ ବା ମଣିଷଙ୍କ ଯୋଗାଯୋଗରେ ଆସିଲେ ପତ୍ରଗୁଡ଼ିକ ତୁରନ୍ତ ଶୁଖିଯାଏ।

ଉଦ୍ଭିଦମାନେ କାନ୍ଦନ୍ତି ଏବଂ ଖାଦ୍ୟ ମାଗନ୍ତି: ଭୂମଧ୍ୟସାଗରରେ ମାଣ୍ଡ୍ରେକ୍ ନାମକ ଏକ ଉଦ୍ଭିଦ ଦେଖିବାକୁ ମିଳିଥାଏ। ଏହି ଉଦ୍ଭିଦର ଗଠନ ମଣିଷ ପରି ହୋଇଥାଏ। ଯଦି ଏହି ଉଦ୍ଭିଦଗୁଡିକୁ କଟା ଯାଏ ତେବେ ସେମାନେ ମଣିଷଙ୍କ ପରି ଲୁହ ବୁହାନ୍ତି ବା କାନ୍ଦନ୍ତି। ବୈଜ୍ଞାନିକମାନେ କୁହନ୍ତି ଯେ ଯେତେବେଳେ ଏହି ଉଦ୍ଭିଦଗୁଡିକ ଜଳ କିମ୍ବା ଅନ୍ୟ କୌଣସି ଜିନିଷ ଆବଶ୍ୟକ କରନ୍ତି, ସେତେବେଳେ ସେମାନେ ଏକ ନିଆରା ଶବ୍ଦ ସୃଷ୍ଟି କରନ୍ତି। କିନ୍ତୁ ଏହାର ଅଲଟ୍ରାସୋନିକ୍ ତରଙ୍ଗ ଏବଂ ପିଚ୍ ଉଚ୍ଚ ହୋଇଥିବାରୁ ମଣିଷମାନେ ଏହା ଶୁଣି ପାରିନ୍ତି ନାହିଁ।

ଚାଲୁଥିବା ଗଛ:ଚାଲୁଥିବା ଗଛଗୁଡ଼ିକ ମଧ୍ୟ ପୃଥିବୀରେ ଦେଖିବାକୁ ମିଳେ। ଏହି ଉଦ୍ଭିଦଗୁଡ଼ିକ ଲୁଣିଆ ପାଣି କିମ୍ବା ମାର୍ଶାଘାଇ ଅଞ୍ଚଳରେ ବଢ଼ନ୍ତି। ଏହି ବିଶାଳ ଗଛଗୁଡ଼ିକର ନାମ ହେଉଛି ମଙ୍ଗ୍ରାଭ, ଯାହା ଧୀରେ ଧୀରେ ଗତି କରେ ଏବଂ ହଜାର ହଜାର କିଲୋମିଟର ଦୂର ଚାଲିଯାଇଥାନ୍ତି। ସେମାନଙ୍କର ଗୋଡ ନାହିଁ, କିନ୍ତୁ ବିସ୍ତାର ହେତୁ ସେମାନେ ଅନେକ କିଲୋମିଟର ଅତିକ୍ରମ କରିପାରିନ୍ତି। ଏହି ଉଦ୍ଭିଦଗୁଡିକ ଭାରତର ସୁନ୍ଦରବନ୍ ରେ ଦେଖିବାକୁ ମିଳିଥାଏ।