କଙ୍କଡାରୁ ତିଆରି ହେଉଛି ମଦ

ପ୍ରିଜମ ନ୍ୟୁଜ ବ୍ୟୁରୋ:ଦୁନିଆରେ ପ୍ରତିଦିନ ଏପରି ଅନେକ ଘଟଣା ଘଟୁଛି, ଯାହା ଆମ କଳ୍ପନା ବାହାରେ। ବେଳେବେଳେ କିଛି ଅନନ୍ୟ ଘଟଣା ଶୁଣି ଆମେ ବିଶ୍ୱାସ କରିବାକୁ ଅନେକ ଥର ଭାବିବାକୁ ପଦେ। ବ୍ରିଟେନର ଏକ ଡିଷ୍ଟିଲରି କଙ୍କଡାରୁ ପ୍ରସ୍ତୁତ ମଦକୁ ପାନୀୟ ଭାବରେ ପରିବେଷଣ କରିଛନ୍ତି।ଏହା ଶୁଣି ଆପଣ ଆଶ୍ଚର୍ଯ୍ୟ ହେଉଥିବେ ନିଶ୍ଚୟ। କଙ୍କଡାରୁ ମଦ! ଏହା ଭାବୁଥିବେ। କିନ୍ତୁ ଏହା ସତ୍ୟ ଯେ, ଯୁକ୍ତରାଜ୍ୟର ନ୍ୟୁ ହାମ୍ପସାୟରର ତାମୱର୍ଥ ଡିଷ୍ଟିଲିଂରେ ଛୋଟ ଛୋଟ କଙ୍କଡାରୁ ମଦ ପ୍ରସ୍ତୁତ ହେଉଛି । ଦୁନିଆରେ ପ୍ରଥମ ଥର ପାଇଁ ଗୋଟିଏ ଖୋଳପା ଥିବା ପ୍ରାଣୀକୁ ପାନୀୟ ରୂପେ ବ୍ୟବହାର କରାଯିବ।

ଏହି ପାନୀୟର ନାମ କ୍ରାବ୍ ଟ୍ରାପର୍ ରହିଛି। ଏହି ହ୍ୱିସ୍କି ତିଆରି ପାଇଁ ସବୁଜ ରଙ୍ଗର କଙ୍କଡା ବ୍ୟବହାର କରାଯାଏ। କଙ୍କଡା ଗୁଡିକ ବ୍ରୁ କରିକି ଭିସ୍କିରେ ପରିଣତ କରାଯାଏ। ପ୍ରୋଜେକ୍ଟ ଡେଭଲପର୍ ୱିଲ୍ ରବିନ୍ସନ୍ କହିଛନ୍ତି ଯେ, ଯେତେବେଳେ ଲୋକମାନେ ଏହା ବିଷୟରେ ଶୁଣିବେ, ସେମାନେ ଏହାକୁ ପିଇବାକୁ ଇଚ୍ଛା କରିବେ ନିଶ୍ଚୟ। କିନ୍ତୁ ଏହା କେବଳ ଏବେ ପରୀକ୍ଷା ପାଇଁ ଉପଲବ୍ଧ। କଙ୍କଡ଼ା ସହିତ କିଛି ମସଲା ମିଶ୍ରଣ କରି ଏହା ପ୍ରସ୍ତୁତ କରାଯାଇଛି, ଯାହା ଏକ ଭିନ୍ନ ଅନୁଭୂତି ଦେବ।

ପ୍ରସ୍ତୁତ କରୁଥିବା କମ୍ପାନୀ ପକ୍ଷରୁ କୁହାଯାଇଛି ଯେ, ଏହି ହ୍ୱିସ୍କି ସଟରେ ଡାଲଚିନି, ଲବଙ୍ଗ ଏବଂ ଭାନିଲା ଏସେନ୍ସ ରହିଛି। କିନ୍ତୁ ଏହାର ମୂଲ୍ୟ ଉଲ୍ଲେଖ କରାଯାଇ ନାହିଁ। ଏହା କମ୍ପାନୀର ସମାନ ଦୋକାନରେ ଉପଲବ୍ଧ ହେବ । ଇଂଲଣ୍ଡରେ ଏଥିରେ ବ୍ୟବହୃତ କଙ୍କଡ଼ା ବହୁତ ଶସ୍ତାରେ ବିକ୍ରି ହୁଏ ଏବଂ ଲୋକମାନେ ଏହାକୁ ବହୁତ ଖାଆନ୍ତି। କିଛି ଅଜବ ଖାଦ୍ୟ ତାଲିକାରେ, ପୂର୍ବରୁ ଏକ ଆମେରିକୀୟ ପ୍ରୋଜେକ୍ଟରେ ଜଣେ ମହିଳା କୀଟପତଙ୍ଗରୁ ସ୍ନାକ୍ସ ତିଆରି କରିଥିଲେ। ସେ ଏହାକୁ ଖାଦ୍ୟ ମହୋତ୍ସବରେ ମଧ୍ୟ ପରିବେଷଣ କରାଇଥିଲେ ଏବଂ ପୋକରୁ ପ୍ରସ୍ତୁତ ଚକୋଲେଟ୍ ଏବଂ ବିସ୍କୁଟକୁ କିଛି ଲୋକ ପସନ୍ଦ ମଧ୍ୟ କରିଥିଲେ।