ତୈମୁରଙ୍କୁ କାହିଁକି ହାର୍ଟ ବ୍ରେକର୍ କହିଲେ କରୀନା?

ପ୍ରିଜମ ନ୍ୟୁଜ୍ ବ୍ୟୁରୋ: କରୀନା କପୁର ଖାନ ତାଙ୍କ ପୁଅ ତୈମୁର ଅଲି ଖାନଙ୍କ ସହ ଶନିବାର ଏକ ମଜାଳିଆ ସେଲଫି ସେୟାର କରିଛନ୍ତି, ଯେଉଁଥିରେ ତୈମୁର କ୍ୟାମେରା ଆଗରେ ଏକ ଅଜବ ଚେହେରା କରିଥିବାର ଦେଖିବାକୁ ମିଳିଛି । ଏହି ଫଟୋରେ ତୈମୁର ବହୁତ ମଜାଳିଆ ଦେଖାଯାଉଛନ୍ତି। ବେବୋ ଫଟୋଟି ସୋସିଆଲ ମିଡିଆରେ ପୋଷ୍ଟକରି କ୍ୟାପସନରେ ଲେଖିଛନ୍ତି, ‘ମୋର ଟି-ସାର୍ଟରେ କ’ଣ ଲେଖାଯାଇଛି ଟିମ୍? ତୁମେ ଜଣେ ହାର୍ଟ ବ୍ରେକର। ‘ଅଭିନେତ୍ରୀ ଫଟୋରେ ତାଙ୍କ ପୁଅକୁ’ ହାର୍ଟ ବ୍ରେକର ‘ବୋଲି କହିଛନ୍ତି। ଯାହାକି ତୈମୁରଙ୍କ ଦୁଷ୍ଟାମୀ ଆଡକୁ ଇଶାରା କରୁଛି। ଫଟୋରୁ ମଧ୍ୟ ତୈମୁରଙ୍କ ଦୁଷ୍ଟାମୀ ଅନ୍ଦାଜ ବେଶ ବାରି ହେଉଛି। ବୋଧହୁଏ, ଏହି କାରଣରୁ କରୀନା ତାଙ୍କ ପୁଅକୁ ହାର୍ଟ ବ୍ରେକର ବୋଲି କହୁଛନ୍ତି।

ଫଟୋରେ ଅଭିନେତ୍ରୀ ଏକ ଧଳା ଟି-ସାର୍ଟ ପିନ୍ଧିଥିବାର ନଜର ଆସିଛନ୍ତି, ଯେଉଁଥିରେ ଲେଖା ଅଛି – ‘ହାର୍ଟ ବ୍ରେକର୍।’ କରୀନା ତାଙ୍କ ଦୁଇ ପୁଅଙ୍କ ସହ କିଛି ଦିନ ତଳେ ଋଷି କାପୁରଙ୍କ ଜନ୍ମ ବାର୍ଷିକୀ ପାଇଁ ସେଠାକୁ ଯାଇଥିବାର ଦେଖିବାକୁ ମିଳିଥାଏ। ତାଙ୍କ ବଡ ପୁଅ ପରି ସାନ ପୁଅର ଫଟୋ ମଧ୍ୟ ଦର୍ଶକଙ୍କୁ ବେଶ ଘାଇଲା କରିଥିଲା।