ବାହାଘରରେ ଅଜବ ନିୟମ: ମାଟି ହାଣ୍ଡି ଭାଙ୍ଗିବା ସହ ହୁଏ କନ୍ୟାର ଅପହରଣ

ପ୍ରିଜମ ନ୍ୟୁଜ ବ୍ୟୁରୋ: ବାହାଘର ସମୟରେ ବା ବାହାଘର ପରେ କେତେକ ନୀତିନିୟମ ପାଳନ କରାଯାଇଥାଏ। କିନ୍ତୁ ବିଶ୍ଵର ଏମିତି କିଛି ଦେଶରେ ବିବାହ ସମୟରେ କେତେକ ଅଦ୍ଭୁତ ନୀତିନିୟମ ପାଳନ କରାଯାଇଥାଏ। ଏହାକୁ ଜାଣିବା ପରେ ଯେ କେହିବି ଆଶ୍ଚର୍ଯ୍ୟ ହେବେ। ଆଜି ଆମେ ଆପଣଙ୍କୁ ଏହିପରି କିଛି ଅନନ୍ୟ ରୀତିନୀତି ବିଷୟରେ କହିବୁ, ଯାହା ଜାଣିବା ପରେ ଆପଣ ମଧ୍ୟ ଚକିତ ହେବେ।

ଜର୍ମାନୀରେ ମାଟି ହାଣ୍ଡି ଭଙ୍ଗା ଯାଏ:-

ଜର୍ମାନୀରେ, ବିବାହ ଆୟୋଜନ ଆରମ୍ଭ ହେବା ପୂର୍ବରୁ ଚୀନା ମାଟିରେ ବାସନ ତିଆରି ହୁଏ, ଯାହାକୁ ସମସ୍ତେ ମିଶି ନିଜ ପାଦରେ ସେଗୁଡିକ ଭାଙ୍ଗି ଥାଆନ୍ତି। ବିବାହ ପରଦିନ ବର ଏବଂ କନ୍ୟା ସେଗୁଡିକୁ ଏକତ୍ର ସଫା କରନ୍ତି।

ବାହାଘର ପରେ ବ୍ୟାଚଲର ପାର୍ଟୀ:-

ବିବାହ ପୂର୍ବରୁ ଆପଣ ବ୍ୟାଚଲର ପାର୍ଟୀ ବିଷୟରେ ଶୁଣିଥିବେ, କିନ୍ତୁ ଜର୍ମାନୀରେ ବ୍ୟାଚଲର ପାର୍ଟୀ ବାହାଘର ପରେ କରାଯାଇଥାଏ। କେବଳ ଏତିକି ନୁହେଁ, ବିବାହ ପୂର୍ବରୁ ବର ଏବଂ କନ୍ୟାକୁ କଣ୍ଡୋମ ବିକ୍ରି କରିବାକୁ ପଡିଥାଏ, ତାହା ମଧ୍ୟ ପୁଣି ଟ୍ରାମ, ବସ୍ କିମ୍ବା ରାସ୍ତାରେ। ଜର୍ମାନୀର ଆଉ ଏକ ପ୍ରଥା ମଧ୍ୟ ଦେଖିବାକୁ ମିଳିଥାଏ ଗାଡ଼ିର ହର୍ନ ବଜାଇବାକୁ ପଡ଼ିଥାଏ ବର କନ୍ୟାଙ୍କୁ।

କନ୍ୟାକୁ ଅପହରଣ:-

ଭାରତରେ ବିବାହ ପରେ ପୁଅର ଜୋତା ଚୋରି କରାଯାଏ, କିନ୍ତୁ ଏଠାରେ ସାଙ୍ଗମାନେ କନ୍ୟାକୁ ଅପହରଣ କରି ନିଅନ୍ତି। ହଁ, ଜର୍ମାନୀରେ ମଧ୍ୟ ଏଭଳି ପ୍ରଥା ରହିଛି ଯେ ବିବାହ ପରେ ବରର ସାଙ୍ଗମାନେ କନ୍ୟା ଲକୁ ଅପହରଣ କରିଥାନ୍ତି ଏବଂ ବରକୁ ତାଙ୍କୁ ଖୋଜିବାକୁ ପଡିଥାଏ। ଏହାରି ଭିତରେ ପୁଅର ସାଙ୍ଗମାନେ କନ୍ୟାକୁ ଗୋଟିଏ ସ୍ଥାନରୁ ଆଉ ଗୋଟିଏ ସ୍ଥାନକୁ ଧରି ଘୁରି ବୁଲିଥାନ୍ତି। ଏଥିରେ ବରର ଧାର୍ଯ୍ୟ ପରୀକ୍ଷା କରାଯାଏ।

ହନିମୁନ୍ ପୂର୍ବରୁ ରୁମ୍ ବେଲୁନରେ ଭର୍ତ୍ତି ହୁଏ:-

ହନିମୁନ୍ ପୂର୍ବରୁ ବର ଏବଂ କନ୍ୟାର ରୁମ୍ ବେଲୁନରେ ଭରି କରାଯାଇଥାଏ। ବର ଏବଂ କନ୍ୟାକୁ ସେମାନଙ୍କର ଭଲ ଏବଂ ସୁଖୀ ଦାମ୍ପତ୍ୟ ଜୀବନ ପାଇଁ ସେହି ସମସ୍ତ ବେଲୁନକୁ ଫୁଟାଇବାକୁ ପଡେ। ଭୁଲରେ ଏହି ବେଲୁନ୍ ମଧ୍ୟରୁ ଗୋଟିଏ ରହିଗଲେ ତାହା ଅଶୁଭ ବୋଲି ବିବେଚନା କରାଯାଏ।

ବିବାହ ପରେ କାଠ କାଟିବା:-

ଜର୍ମାନୀରେ, ପରିବାର ବିବାହ ଦିନ ଏକାଠି ଅନେକ ଖେଳ ଖେଳନ୍ତି। ସବୁଠାରୁ ବିଚିତ୍ର ଖେଳ ହେଉଛି ବର ଏବଂ କନ୍ୟାକୁ ଏକତ୍ର କାଠ କାଟିବା ଖେଳ। ଏହା ବ୍ୟତୀତ ଅନ୍ୟାନ୍ୟ ଅନେକ ଖେଳ ଖେଳାଯାଏ, ଯାହା ରାତିସାରା ଚାଲିଥାଏ।

ବାହାଘର ସମୟରେ ହସିବା ମନା:-

ସେହିପରି କଙ୍ଗୋରେ ସମ୍ପୂର୍ଣ୍ଣ ବିବାହ ସମାରୋହରେ ବର ଏବଂ କନ୍ୟାକୁ ହସେଇବା କିମ୍ବା ହସିବା ମନା ହୋଇଥାଏ। ଏହା ଅଶୁଭ ବୋଲି ଧରାଯାଏ।

ଝିଅ ଉପରକୁ ଛେପ ପକାନ୍ତି ବାପା:-

କୋରିଆରେ ବିବାହ ଦିନ ସନ୍ଧ୍ୟାରେ ବରର ପାଦ ବନ୍ଧା ହୋଇଥାଏ। ତା’ପରେ କିଛି ଲୋକ ତାଙ୍କର ସେ ଖାଲି ପାଦରେ ମାଛରେ ମାରି ଥାଆନ୍ତି।ସେହିପରି କେନିଆର ମାସାଇ ସମ୍ପ୍ରଦାୟରେ ଏକ ଅଜବ ପରମ୍ପରା ରହିଛି। ଯେଉଁଥିରେ ଯେ କନ୍ୟା ର ପିତା ତାଙ୍କ ମୁହଁ ଏବଂ ଛାତିରେ ଛେପ ପକାନ୍ତି । ଏହା ଆଶୀର୍ବାଦ ଭାବରେ ବିବେଚନା କରାଯାଏ।

କନ୍ୟା ଉପରକୁ ମଇଳା ଫିଙ୍ଗାଯାଏ:-

ସ୍କଟଲ୍ୟାଣ୍ଡରେ ପରିବାରର ସଦସ୍ୟ ଏବଂ କନ୍ୟାର ସାଙ୍ଗମାନେ ତାଙ୍କୁ ଏକ ଗଛରେ ବାନ୍ଧି ଦିଅନ୍ତି। ତା’ପରେ ତାଙ୍କ ଉପରେ ମଇଳା ଜିନିଷ ଫିଙ୍ଗନ୍ତି। ଏହା ପଛରେ ବିଶ୍ୱାସ ରହୁଛି ଯେ, ଏପରି କରିବା ଦ୍ୱାରା କନ୍ୟା ଜୀବନର ଅସୁବିଧାକୁ ସାମ୍ନା କରିବାକୁ ସକ୍ଷମ ହୋଇଥାଏ। ବିଶ୍ୱାସ କରାଯାଏ ଯେ ଯଦି ସେ ଏହାକୁ ସହ୍ୟ କରିପାରନ୍ତି, ତେବେ ସେ କୌଣସି ଜିନିଷକୁ ସହ୍ୟ କରିପାରିବେ।ସ୍ୱିଡେନରେ ଯଦି ବର କିମ୍ବା କନ୍ୟା ବାଥରୁମକୁ ଯିବା ଆବଶ୍ୟକ କରନ୍ତି, କୋଠରୀରେ ଥିବା ଲୋକମାନେ ସେମାନଙ୍କୁ ଚୁମ୍ବନ ଦିଅନ୍ତି। ଉଦାହରଣ ସ୍ୱରୂପ, ଯଦି ବର ବାଥରୁମକୁ ଯାଏ, ସେଠାରେ ଉପସ୍ଥିତ ଥିବା ପୁରୁଷମାନେ ବରକୁ ଚୁମ୍ବନ ଦିଅନ୍ତି ଏବଂ ଯଦି କନ୍ୟା ଯାଆନ୍ତି, ମହିଳାମାନେ ତାଙ୍କୁ ଚୁମ୍ବନ ଦିଅନ୍ତି। ବୋରେନୋର ଟିଡୋଙ୍ଗ ସମ୍ପ୍ରଦାୟରେ ଏକ ରୀତିନୀତି ରହିଛି ଯେ ବିବାହ ପରେ ତିନି ଦିନ ବର ଏବଂ କନ୍ୟାକୁ ବାଥରୁମକୁ ଯିବାକୁ ଦିଆଯାଏ ନାହିଁ। ଏହି ସମୟରେ ସେମାନେ ହାଲୁକା ଖାଦ୍ୟ ଖାଆନ୍ତି ଏବଂ କମ୍ ପାଣି ପିଅନ୍ତି। ଏହା ପଛରେ ଥିବା ବିଶ୍ୱାସ ହେଉଛି ଯେ ଏହା କରିବା ଦ୍ୱାରା ସେମାନଙ୍କର ଦାମ୍ପତ୍ୟ ଜୀବନ ସୁଖମୟ ରହିଥାଏ ଏବଂ ଅଧିକ ସୁସ୍ଥ ସନ୍ତାନ ଜନ୍ମ ହୁଅନ୍ତି।

ଦୁଇ ସନ୍ତାନ ପରେ ବିବାହ ହୁଏ ବୈଧ:- ସୁଦାନରେ, ଯେତେବେଳେ ଜଣେ ମହିଳାଙ୍କର ଦୁଇଟି ସନ୍ତାନ ହୁଏ, ସେତେବେଳେ ତାଙ୍କର ବିବାହ ବୈଧ ବୋଲି ଧରାଯାଏ। ଯଦି ସେ ଦୁଇଟି ସନ୍ତାନ ପ୍ରସବ କରିବାରେ ବିଫଳ ହୁଅନ୍ତି, ତେବେ ତାଙ୍କ ସ୍ୱାମୀ ତାଙ୍କୁ ଛାଡପତ୍ର ଦେଇପାରନ୍ତି।ରୋମାନିଆରେ ବରକୁ ବିବାହ ପୂର୍ବରୁ କନ୍ୟାକୁ ଅପହରଣ କରିବାକୁ ପଡିଥାଏ। ଯଦି ସେ ଝିଅକୁ ଦୁଇ ଦିନ ପର୍ଯ୍ୟନ୍ତ ପରିବାର ସଦସ୍ୟଙ୍କଠାରୁ ଲୁଚାଇ ରଖିବାରେ ସଫଳ ହୁଏ, ତେବେ ସେ ଝିଅ ସହିତ ତାର ବିବାହ କରାଯାଏ । ଏପରି କରିବାରେ ବିଫଳ ହେଲେ ପୁଅ ଝିଅକୁ ବିବାହ କରିପାରେ ନାହିଁ।