ପୁଣି ୧୧ ହଜାର କର୍ମଚାରୀଙ୍କୁ ଛଟେଇ କରିବ ମାଇକ୍ରୋସଫ୍ଟ

ପ୍ରିଜମ ନ୍ୟୁଜ ବ୍ୟୁରୋ: ମାନ୍ଦାବସ୍ଥା ଯୋଗୁଁ ସଙ୍କଟ ସ୍ଥିତିରେ ପହଞ୍ଚିଛି ବଡବଡ ଆଇଟ ସେକ୍ଟର,ଘରୋଇ ସଂସ୍ଥାନ। ତେଣୁ ଏବେ ଉକ୍ତ ସଂସ୍ଥା ଗୁଡିକରେ ଜାରି ରହିଛି ଛଟେଇ ଅଭିଯାନ । ଏହି କ୍ରମରେ ସାମିଲ ହେବାକୁ ଯାଉଛି ମାଇକ୍ରୋସଫ୍ଟ । ତେବେ ମାଇକ୍ରୋସଫ୍ଟ ପକ୍ଷରୁ ହଜାର ହଜାର କର୍ମଚାରୀଙ୍କୁ ଛଟେଇ କରିବା ନେଇ ସୂଚନା ହସ୍ତଗତ ହୋଇଛି । ରଏଟର୍ସ ରିପୋର୍ଟ ଅନୁଯାୟୀ, ସଫ୍ଟୱେୟାର ଜଏଣ୍ଟ ଏହାର ୫% ଅର୍ଥାତ୍ ପ୍ରାୟ ୧୧,୦୦୦ କର୍ମଚାରୀଙ୍କ ସଂଖ୍ୟା ହ୍ରାସ କରିବାକୁ ଚାହୁଁଛି । ମାନବ ସମ୍ବଳ ଏବଂ ଇଞ୍ଜିନିୟରିଂ ବିଭାଗରେ ହଜାର ହଜାର କର୍ମଚାରୀ ଚାକିରି ହରେଇବାର ଆଶଙ୍କା ରହିଛି । ଆମେରିକାର ଟେକ୍ନୋଲୋଜି କ୍ଷେତ୍ରରେ ଏହି ଛଟେଇ ସର୍ବାଧିକ ହେବ ବୋଲି ଜଣାପଡିଛି, ଯେଉଁଠାରେ ଏକା ସାଙ୍ଗରେ ୧୧ ହଜାର କର୍ମଚାରୀ ଚାକିରି ହରାଇବାକୁ ଯାଉଛନ୍ତି । କମ୍ପାନୀର କହିବା ଅନୁଯାୟୀ, ଏଠାରେ ୨୨୧,୦୦୦ ପୂର୍ଣ୍ଣକାଳୀନ କର୍ମଚାରୀ ଥିଲେ, ସେମାନଙ୍କ ମଧ୍ୟରେ ଯୁକ୍ତରାଷ୍ଟ୍ରରେ ୧୨୨,୦୦୦ ଏବଂ ଅନ୍ତର୍ଜାତୀୟ ସ୍ତରରେ ୯୯,୦୦୦ କର୍ମଚାରୀ କାର୍ଯ୍ୟ କରୁଥିଲେ । ବ୍ୟକ୍ତିଗତ କମ୍ପ୍ୟୁଟର ବଜାରରେ ହ୍ରାସର ଚତୁର୍ଥାଂଶ ୱିଣ୍ଡୋଜ୍ ଏବଂ ଡିଭାଇସ୍ ବିକ୍ରୟକୁ କ୍ଷତି ପହଞ୍ଚାଇବା ପରେ ମାଇକ୍ରୋସଫ୍ଟ ଏହାର କ୍ଲାଉଡ୍ ୟୁନିଟରେ ଅଭିବୃଦ୍ଧି ହାର ବଜାୟ ରଖିବା ପାଇଁ ଚାପରେ ରହିଛି । ତେବେ ଏତେ ମାତ୍ରାରେ ଛଟେଇ କରିବା ଦ୍ଵାରା ଭାରତୀୟମାନେ ମଧ୍ୟ ପ୍ରଭାବିତ ହେବ। ଗତ ବର୍ଷ ଜୁଲାଇରେ କୁହାଯାଇଥିଲା ଯେ, କମ୍ପାନୀ ଅଳ୍ପ ସଂଖ୍ୟକ କର୍ମଚାରୀଙ୍କ ଛଟେଇ କରିଛି । ତେବେ ଅକ୍ଟୋବରରେ ୧୦୦୦ ରୁ ଅଧିକ ଲୋକଙ୍କୁ ଛଟେଇ କରାଯାଇଥିବା ଜଣା ପଡିଛି। କେବଳ ମାଇକ୍ରୋସଫ୍ଟ ନୁହେଁ ଅମାଜନ, ଫ୍ଲିପକାର୍ଟ ଭଳି ଇ କମର୍ସିଆଲ ସଂସ୍ଥା ଗୁଡିକ ମଧ୍ୟ ହଜାର ହଜାର ସଂଖ୍ୟକ କର୍ମଚାରୀଙ୍କୁ ଛଟେଇ କରିଛି।

Leave a Reply

Your email address will not be published. Required fields are marked *