ପ୍ରିଜମ ନ୍ୟୁଜ ବ୍ୟୁରୋ: ଜିଓ ମାର୍ଟରେ ସପିଂ କରାଇବା ଏବେ ହେବ ଆହୁରି ସହଜ। ହ୍ୱାଟସ୍ଆପ୍ରେ ସପିଂ ପାଇଁ ଆଣିଛି ନୂଆ ବ୍ୟବସ୍ଥା। ହ୍ୱାଟସ୍ଆପ୍ରେ ଜିଓ ନମ୍ବର ୭୯୭୭୦୭୯୭୭୦ ରେ ସରଳ ଭାବେ ଇଂରାଜିରେ “Yes’ ଲେଖି ପଠାଇ ଗ୍ରାହକମାନେ ହ୍ୱାଟସ୍ଆପ୍ ଜରିଆରେ ଜିଓମାର୍ଟରେ ସପିଙ୍ଗ୍ କରିପାରିବେ । ମେଟା ଓ ଜିଓ ପ୍ଲାଟଫର୍ମସ୍ ପକ୍ଷରୁ ହ୍ୱାଟସ୍ଆପ୍ରେ ଏଣ୍ଡ୍-ଟୁ-ଏଣ୍ଡ୍ ସପିଙ୍ଗ୍ ଶୁଭାରମ୍ଭ ବିଷୟରେ ଘୋଷଣା କରାଯାଇଛି। ଯେଉଁଥିରେ ଗ୍ରାହକମାନେ ସେମାନଙ୍କ ହ୍ୱାଟସ୍ଆପ୍ ଚାଟ୍ରେ ଜିଓମାର୍ଟରୁ ସପିଂ କରିପାରିବେ । ସାରା ଦେଶରେ ପ୍ରଥମ କରି ହ୍ୱାଟସ୍ଆପ୍ରେ ଜିଓମାର୍ଟ ସେବା ଜରିଆରେ ଅନଲାଇନ୍ ସପିଙ୍ଗ୍ କରିହେବେ। ହ୍ୱାଟସ୍ଆପ୍ ଚାଟ୍ ଦ୍ଵାରା ଜିଓମାର୍ଟର ସମଗ୍ର ଗ୍ରୋସରି କାଟ୍ଲଗ୍କୁ ବ୍ରାଉଜ୍ କରିପାରିବେ, କାର୍ଟରେ ସାମଗ୍ରୀ ଯୋଡ଼ିପାରିବେ ଏବଂ ଦେୟ ପ୍ରଦାନ ମଧ୍ୟ କରିପାରିବେ।
ଏକ ଫେସବୁକ୍ ପୋଷ୍ଟ୍ ଜରିଆରେ ମେଟାର ପ୍ରତିଷ୍ଠାତା ଓ ସିଇଓ ମାର୍କ ଜୁକରବର୍ଗ କହିଛନ୍ତି ଯେ, “ଭାରତରେ ଜିଓମାର୍ଟ ସହିତ ଆମର ସହଯୋଗିତାର ଶୁଭାରମ୍ଭକୁ ନେଇ ବେଶ ଉତ୍ସାହିତ ଅଛୁ । ହ୍ୱାଟସ୍ଆପ୍ରେ ଏହା ହେଉଛି ଆମର ଏଣ୍ଡ୍-ଟୁ-ଏଣ୍ଡ୍ ସପିଂ ଯାହା ଜରିଆରେ ଲୋକମାନେ ସେମାନଙ୍କ ଚାଟ୍ରେ ରହି ଜିଓମାର୍ଟରୁ ଗ୍ରୋସରି କିଣାକିଣି କରିପାରିବେ।’’
ରିଲାଏନ୍ସ ଇଣ୍ଡଷ୍ଟ୍ରିଜ୍ର ଅଧ୍ୟକ୍ଷ ଓ ପରିଚାଳନା ନିର୍ଦ୍ଦେଶକ ମୁକେଶ ଅମ୍ବାନି ମଧ୍ୟ ଏନେଇ ସୂଚନା ଦେବା ସହ କହିଛନ୍ତି ଯେ, “ଆମର ଲକ୍ଷ୍ୟ ହେଉଛି ବିଶ୍ୱର ଅଗ୍ରଣୀ ଡିଜିଟାଲ୍ ସମାଜ ଭାବେ ଭାରତକୁ ଆଗକୁ ବଢ଼ାଇବା । ଯେତେବେଳେ ୨୦୨୦ରେ ଜିଓ ପ୍ଲାଟଫର୍ମସ୍ ଓ ମେଟାର ସହଯୋଗିତା ବିଷୟରେ ଘୋଷଣା କରାଯାଇଥିଲା ସେହି ସମୟରେ ମାର୍କ ଓ ମୁଁ ଅଧିକ ଲୋକ ଓ ବ୍ୟବସାୟକୁ ଅନଲାଇନ୍ ପର୍ଯ୍ୟନ୍ତ ଆଣିବା ଏବଂ ଲୋକଙ୍କ ଦୈନନ୍ଦିନ ଜୀବନରେ ଅଧିକ ସୁବିଧା ପ୍ରଦାନ କରିବା ଲାଗି ଲକ୍ଷ୍ୟ ରଖିଥିଲୁ । କୋଟି କୋଟି ଭାରତୀୟଙ୍କୁ ଅନ୍ଲାଇନ୍ ସପିଂ ସରଳ ଓ ସହଜ କରିବା ଲାଗି ହ୍ୱାଟସ୍ଆପ୍ରେ ଜିଓମାର୍ଟ ଅନୁଭୂତି ଆହୁରି ଆଗକୁ ବଢ଼ାଇବ ।’’ ଭାରତର ଡିଜିଟାଲ୍ ରୂପାନ୍ତରଣକୁ ତ୍ୱରାନ୍ୱିତ କରିବା ଏବଂ ଦେଶରେ ଅର୍ଥନୈତିକ ଅଭିବୃଦ୍ଧିକୁ ଆଗକୁ ବଢ଼ାଇବା ତଥା ସାଧାରଣ ଲୋକ ଓ ବ୍ୟବସାୟୀମାନଙ୍କୁ ନୂଆ ଉପାୟରେ ଯୋଡ଼ି ହେବା ସହ ସବୁ ପ୍ରକାର ସୁଯୋଗ ପ୍ରଦାନ କରିବା ପାଇଁ ମେଟା ଓ ଜିଓ ପ୍ଲାଟଫର୍ମସ୍ ମଧ୍ୟରେ ସ୍ଥାପନ ହୋଇଥିବା ଗୁରୁତ୍ୱପୂର୍ଣ୍ଣ ସହଯୋଗିତାର ଅଂଶ ହେଉଛି ଏହି ଯୋଜନାର ଶୁଭାରମ୍ଭ ।
0 Comments