ଶ୍ରୀମନ୍ଦିରକୁ ଯିବା ପାଇଁ ଦରକାର ନାହିଁ ସାର୍ଟିଫିକେଟ୍

ପ୍ରିଜମ ନ୍ୟୁଜ ବ୍ୟୁରୋ : ଚଳିତ ଫେବୃଆରୀ ୨୧ ତାରିଖରୁ ଶ୍ରୀମନ୍ଦିରରେ ଶ୍ରୀଜୀଉଙ୍କ ଦର୍ଶନ ପାଇଁ ଆଉ ଡବଲ୍ ଡୋଜ୍ ଟୀକାକରଣ ପ୍ରମାଣପତ୍ର କିମ୍ବା କୋଭିଡ୍ ନେଗେଟିଭ୍ ସାର୍ଟିଫିକେଟ୍ ଆବଶ୍ୟକ ନାହିଁ । ରାଜ୍ୟରେ କୋଭିଡ୍ -୧୯ ସ୍ଥିତିରେ ଉନ୍ନତି ଏବଂ ଅଧିକାଂଶ ଲୋକେ ଡବଲ୍ ଡୋଜ ଟୀକା ନେଇଥିବାକୁ ଦୃଷ୍ଟିରେ ରଖି ଛତିଶା ନିଜୋଗ ବୈଠକରେ ଉପରୋକ୍ତ ନିଷ୍ପତ୍ତି ନିଆଯାଇଛି। ଏ ନେଇ ଶ୍ରୀ ଜଗନ୍ନାଥ ମନ୍ଦିର ମୁଖ୍ୟ ପ୍ରଶାସକ ଡକ୍ଟର କ୍ରିଷନ କୁମାର ସୂଚନା ଦେଇଛନ୍ତି । ତେବେ ମନ୍ଦିର ପରିଦର୍ଶନ କରିବାକୁ ଚାହୁଁଥିବା ସମସ୍ତ ଭକ୍ତଙ୍କୁ କୋଭିଡ -୧୯ ଟିକା ଦିଆଯିବା ଉଚିତ ବୋଲି ଡକ୍ଟର କୁମାର ପରାମର୍ଶ ଦେଇଛନ୍ତି। ରାଷ୍ଟ୍ରପତି ରାମ ନାଥ କୋବିନ୍ଦଙ୍କ ଆଗାମୀ ଗସ୍ତ ସମ୍ପର୍କରେ ସୂଚନା ଦେଇ ମୁଖ୍ୟ ପ୍ରଶାସକ କହିଛନ୍ତି, ଫେବୃଆରୀ ୧୯ ଅପରାହ୍ନ ୪ ଟାରୁ ୬ ଟା ପର୍ଯ୍ୟନ୍ତ ରାଷ୍ଟ୍ରପତିଙ୍କ ମନ୍ଦିର ପରିଦର୍ଶନ ସମୟରେ ଜନସାଧାରଣଙ୍କ ପାଇଁ ମନ୍ଦିର ପ୍ରବେଶ ବନ୍ଦ ରହିବ ।