ଗୋଟିଏ ଟମାଟୋରେ ଭଲ ହେବ ୧୦ ରୁ ଅଧିକ ରୋଗ

ପ୍ରିଜମ୍ ନ୍ୟୁଜ ବ୍ୟୁରୋ: ଉଚ୍ଚ ରକ୍ତଚାପକୁ ସାଇଲେଣ୍ଟ କିଲର୍ କୁହାଯାଇଥାଏ। କାରଣ ଏହା ପ୍ରାରମ୍ଭରୁ କୌଣସି ଲକ୍ଷଣ ନଦର୍ଶାଇ ମଣିଷକୁ ବିପଜ୍ଜନକ ସ୍ତରରେ ପହଞ୍ଚାଇ ଥାଏ। ଅତ୍ୟନ୍ତ ଗୁରୁତର ଅବସ୍ଥାରେ ଏହାର ଲକ୍ଷଣ ଜଣା ପଡ଼େ। ଏଭଳି ପରିସ୍ଥିତିକୁ ଏଡ଼ାଇବା ପାଇଁ ଠିକ୍ ସମୟରେ ଡାକ୍ତରଙ୍କ ସହିତ ପରାମର୍ଶ କରିବା ଆବଶ୍ୟକ। ଯଦି ଆପଣ ଉଚ୍ଚ ରକ୍ତଚାପର ରୋଗରେ ପୀଡିତ ଅଛନ୍ତି ଏବଂ ଏହାକୁ ପରିଚାଳନା କରିବା ପାଇଁ ଘରୋଇ ଉପଚାରର ସାହାଯ୍ୟ ନେବାକୁ ଚାହାଁନ୍ତି, ତେବେ ପ୍ରତିଦିନ ଏକ ଗ୍ଲାସ୍ ଟମାଟୋ ରସ ପିଅନ୍ତୁ ଉପଶମ ମିଳିବ। ଅନୁସନ୍ଧାନରୁ ଜଣାପଡିଛି ଯେ ଟମାଟୋ ରସ ରକ୍ତଚାପକୁ ହ୍ରାସ କରିବା ସହିତ କୋଲେଷ୍ଟ୍ରଲ ସ୍ତରକୁ ନିୟନ୍ତ୍ରଣ କରିଥାଏ ଏବଂ ଅନେକ ଦୁରାରୋଗ ହ୍ରାସ କରିବାରେ ସାହାଯ୍ୟ କରିଥାଏ।
ଏପରି ପ୍ରସ୍ତୁତ କରନ୍ତୁ ଜୁସ୍:-
୩ରୁ୪ ଟି ଟମାଟୋକୁ ଏକ ମିକ୍ସରରେ ଅଳ୍ପ ଗୋଲମରିଚ, ପୋଦିନା ବା ଧନିଆ ପତ୍ର କିମ୍ବା ସାଧା ଗ୍ରାଇଣ୍ଡିଂ କରନ୍ତୁ ଏବଂ ଅଳ୍ପ ପାଣି ମିଶାଇ ସେଗୁଡିକୁ ଛାଣି ଦିଅନ୍ତୁ। ତେବେ ଏହି ଜୁସକୁ ଲୁଣ ବିନା ପିଇବା ଅଧିକ ଲାଭଦାୟକ ହୋଇଥାଏ। ହେଲେ ବଜାରରେ ମିଳୁଥିବା ପ୍ୟାକେଜ୍ ଜୁସ୍ ଅପେକ୍ଷା ଘରେ ତିଆରି କରି ଫ୍ରେସ ଜୁସ୍ ପିଇବା ଅଧିକ ଲାଭଦାୟକ ହୋଇଥାଏ। କାରଣ ବଜାରରେ ମିଳୁଥିବା ଜୁସରେ ଦିଆଯାଇଥିବା ସଂରକ୍ଷଣ ରସାୟନ ସ୍ୱାସ୍ଥ୍ୟ ପାଇଁ କ୍ଷତିକାରକ ହୋଇଥାଏ।
ଟମାଟୋ କିପରି ନିୟନ୍ତ୍ରଣ କରେ ରକ୍ତ ଚାପ:
ପ୍ରକୃତରେ, ଟମାଟୋ ରସରେ ଜୈବ ସକ୍ରିୟ ତତ୍ତ୍ୱ ଯେପରିକି କାରୋଟିନଏଡ୍, ଭିଟାମିନ୍ ଏ, କ୍ୟାଲସିୟମ୍ ଏବଂ ଆମିନୋବୁଟାଇରିକ୍ ଏସିଡ୍ ଥାଏ, ଯାହା ପ୍ରାୟ ସମସ୍ତ ଲାଲ୍ ଫଳରେ ମିଳିଥାଏ। ହୃଦରୋଗକୁ ଭଲ କରିବାରେ ଏହା ଏକ ପ୍ରମୁଖ ଭୂମିକା ଗ୍ରହଣ କରିଥାଏ। ଏହା ଲାଇକୋପିନରେ ମଧ୍ୟ ଭରପୂର ଅଟେ ଯାହା ଏକ ଆଣ୍ଟିଅକ୍ସିଡାଣ୍ଟ ଉପାଦାନ।
ଏହାର ଅନ୍ୟାନ୍ୟ ଲାଭ :-
ଯଦି ଆପଣ ପ୍ରତିଦିନ ଟମାଟୋ ରସ ପିଅନ୍ତି, ତେବେ ଏହା ସ୍ୱାସ୍ଥ୍ୟ ଦୃଷ୍ଟିରୁ ଅନେକ ଲାଭ ଦେଇଥାଏ। ଆଖି ଏବଂ ଚର୍ମ ପାଇଁ ମଧ୍ୟ ଉପକାରୀ ହୋଇଥାଏ। ଏଥିରେ ଥିବା ବିଭିନ୍ନ ପ୍ରକାରର ଭିଟାମିନ୍ ପ୍ରଦାହକୁ ହ୍ରାସ କରିଥାଏ ଏବଂ ଆପଣଙ୍କ କୋଷଗୁଡ଼ିକୁ ମୁକ୍ତ ରେଡିକାଲ୍ ଦ୍ଵାରା ହେଉଥିବା କ୍ଷତିରୁ ରକ୍ଷା କରିଥାଏ। ଟମାଟୋ ରସରେ ଭିଟାମିନ୍ ସି, ଭିଟାମିନ୍ ବି ଏବଂ ପୋଟାସିୟମ୍ ଭଳି ଅନେକ ଗୁରୁତ୍ୱପୂର୍ଣ୍ଣ ପୋଷକ ତତ୍ତ୍ୱ ରହିଥାଏ ଯାହା ଏକ ସୁସ୍ଥ ଶରୀର ପାଇଁ ଅତ୍ୟନ୍ତ ଗୁରୁତ୍ୱପୂର୍ଣ୍ଣ।

Leave a Reply

Your email address will not be published. Required fields are marked *